Гэршэлгэ 8:11 - Библи

¹¹ Тэрэ одо мүшэн Тобшо Үрмэдэһэн гэжэ нэрэтэй. Уһа мүрэнэй гурбанай нэгэ хубинь үрмэдэһэндэл адли гашуун боложо, иимэ уһа уугаад, хүн түрэлхитэнэй гурбанай нэгэ хубинь үхөө бэлэй.

Шэнэ Хэлсээн

¹¹ Тэрэ одо мүшэн Тобшо Үрмэдэһэн гэжэ нэрэтэй һэн. Уһа мүрэнэй гурбанай нэгэ хубинь үрмэдэһэндэл адли гашуун боложо, иимэ уһа уугаад, хүн түрэлхитэнэй гурбанай нэгэ хубинь үхөө бэлэй.

Гэршэлгэ 8:11 ပူးပေါင်းရင်းမြစ်များ

Египедһээ гаралга 15:23

Мараа гэжэ газарта уһан олдоходоо, уужа болохоор бэшэ гашуун байба.

Һургаал 5:4

Харин түгэсхэлдэнь шаралжа мэтэ гашуун, хоёр таладаа эритэй элдэ мэтэ голхорол асардаг.

Ерэмияа 23:15

Тиимэһээ Би, Түмэн Сэрэгтэ Эзэн, Иерусалимай худал лүндэншэдтэ хоротой эдеэ эдюулхэб, хоротой уһа уулгахаб. Юуб гэбэл, тэдэ бүхы газар нютагаар Бурханда һүзэггүй байлгые дэлгэрүүлээ.

Ерэмияа 9:15

Тиимэһээ Минии, Түмэн Сэрэгтэ Эзэнэй, Израилиин Бурханай, иимэ арадтай юу хэхые шагнагты: хараарайгты, хорлохын тула тэдэниие үрмэдэһөөр хооллулхаб, һүлһэтэй уһаар ундалуулхаб.

Гашуудал 3:19

Минии зобожо, тулижа байһые һаныт! Бог шорой, гашуун һүлһэн – минии хубита.

Гашуудал 3:5

Намайе баряанда абажа, гашуудал, зоболонгоор хүреэлөө.

Амоос 5:7

Зүб хуулиие шаралза үбһэн болгогшо, үнэн шударгые газардуулагша таанар!

Амоос 6:12

Хабсагайгаар морин соёрхо гү?! Далайн уһа сар хүллэн хахалдаг юм гү?! Тэрээн мэтэ таанад зүб хуулиие хорон, зүб шударгые шаралза болгонот.

Захарияа 13:8

Энэ дэлхэйн зоной гурбанай хоёр хубинь хюдагдан хосорхо. Гурбанай нэгэ хубинь үлэхэ.

Захарияа 13:9

Үлэгшэ эдэ зон Минии туршалгада оролсохо. Мүнгэ хайлуулдаг гал дундуур тэдэниие гарган туршахаб. Алта тунгаадаг шэнги тэдэниие тунгаажа сэбэрлэхэб. Тиихэдэ тэдэ Намайе дуудаха. Би харюудань «Энэ Минии арад түмэн», – гэжэ айладхахаб. «Эзэн болбол манай Бурхан», – гэжэ тэдэ хэлэхэ.

Хуули дабталга 29:18

Эзэн Бурханаа орхиһон эрэ хүн гү, али эхэнэр, гэр бүлэ гү, али обог аймаг таанадай дунда бү үзэгдэг. Ондоо арадуудай бурхадта һүгэдэхэеэ хэншье бү ошог, юуб гэхэдэ, иимэ зон хоротой, гашуун ургамалай үндэһэндэл адли болоно бшуу.

Еврейнүүдтэ 12:15

Хэн нэгэнэй Бурханай үршөөл хайраһаа хаһагдан үлэшэхэгүйень ойлгожо байгты. Хэн нэгэнэй хорото ургамалдал адли гэм хүргэжэ, олон хүнүүдые бузарлажа байхагүйень обёоржо байгты.

Гэршэлгэ 12:4

Тэрэнь одо мүшэдэй гурбанай нэгэ хубиие һүүлээрээ хамаад, тэнгэриһээ газарта хаяба. Үхибүүнэй түрэмсөөр залгижархихаяа бэлдээд, нарайлха эхэнэрэй урда луу зогсожо байба.

Гэршэлгэ 8:7

Түрүүшын Эльгээмэлэй бүреэгээ дуугаргахадань, шуһатай холисолдоһон мүндэр оробо, гал дүлэн гараба, тиихэдэнь газар дэлхэйн гурбанай нэгэ хубинь, ой модоной гурбанай нэгэ хубинь, бүхы үбһэ ногоон шаташаба.

Гэршэлгэ 9:15

Тиихэдэнь хүн зоной гурбанай нэгэ хубиие алаха хюдаха эгээл тэрэ саг, үдэрөө, һара, жэлээ хүлеэжэ, бэлэн болоод байһан тэдэ дүрбэн Эльгээмэлнүүд табигдаба.

Гэршэлгэ 9:18

Үхэлэй аюулта гал, утаан, хүхэр гурбан зүйлнүүд моридой аманһаа гараад, хүн зоной гурбанай нэгэ хубиие алаа, хюдаа һэн.

Рүүт 1:20

Наомии тэдээндэ иигэжэ хэлэбэ: – Намайе Наомии гэжэ бү нэрлэгты. Түгэс Хүсэтэ Бурхан минии ажабайдалые угаа ехэ гашуудалтай болгоһон тула намайе Мараа гэжэ нэрлэгты.