Гэршэлгэ 7:16 - Библи

¹⁶ Тэдэ хүнүүд саашадаа үлэн хооһоор ябахагүй, ундаа хүрэжэ зобохогүй, ааяма шанга наранда шаруулхагүй, бүгшэм халуунһаа боложо ядархагүй.

Шэнэ Хэлсээн

¹⁶ Тэдэ хүнүүд саашадаа үлэн хооһоор ябахагүй, ундаа хүрэжэ зобохогүй, ааяма шанга наранда шаруулхагүй, бүгшэм халуунһаа боложо ядархагүй.

Гэршэлгэ 7:16 ပူးပေါင်းရင်းမြစ်များ

Псалманууд 121:5

Эндэ зарга шүүбэриин сэнтиинүүд, Давидай хан түрын сэнтиинүүд табяатай.

Псалманууд 121:6

Иерусалимай амар амгалан амидархын түлөө зальбарагты: «Шамда дуратайшуулда үлзы хутаг оршохонь болтогой!

Псалманууд 143:6

Сахилгаа сахилуулжа, дайсадые тараагыт, годлинуудаа харбажа, тэдэниие тэрьедүүлыт.

Псалманууд 42:2

Та хадаа минии Бурхан, минии хүсэ шадал мүн! Юундэ Та намайе орхёобта? Юундэ би дайсанай доромжололһоо боложо гашуудан голхорон ябанабиб?

Псалманууд 63:1

[Дуунай бүлэгэй хүтэлбэрилэгшэдэ: Давидай псалма.]

Дуунай дуун 1:6

Сэдьхэл зүрхэнэйм хайратамни, хаана һүрэгөө бэлшээхэш? Үдын наранай шангадахада хаана һүүдэртэ абаашахаш? Хэлыш даа, инагни, намдаа хэлэ! Амараг шамайгаа үгылөөд, бусадай һүрэгэй дундуур нюураа бүглөөд ябахам хайшаа юм?

Исай 25:4

Та үгытэйшүүлдэ хамгаалалтань, ядуу зондо түшэг тулгуубаринь боложо, шуурганһаа хоргодохо газар, халуунһаа халхалха һүүдэрынь болоо бэлэйт. Хэрзэгы дайсадай добтолгонь шулуун ханын урдаһаа ороһон бороо шуургандал һэн.

Исай 32:2

Эдэ удамаршадай хүн бүхэниинь һалхинһаа хорохо газар, шуурганһаа халхалха халхабша мэтэ, хуурай газараар урдагша уһанай һубаг, ангаһан-хатаһан газарта үндэр хабсагайн һүүдэр мэтэ болохо.

Исай 41:17

Үгытэй, ядуу зон уһа бэдэржэ, ангаһандаа хэлэнэйнь хатан алдахада, Би, Эзэн, гуйлтыень дүүргэхэб, Би, Израилиин Бурхан, тэдэниие хаяад байхагүйб.

Исай 49:10

Тэдэ гэдэһээ үлдэхэгүй, ангахагүй, ааяма халуунда, наранда ядархагүй. Юуб гэхэдэ, тэдэниие Энэрэгшэнь хүтэлжэ, уһанай сөөрэмүүд руу дахуулха.

Исай 65:13

Тиимэһээ Би, Эзэн Бурхан, таанадта иигэжэ соносхоноб: Намда һүгэдэн зальбардаг зон эдихэ хоол, ууха ундаар элбэг-дэлбэг байхадань, таанад гэдэһээ үлдэжэ, ангажа байхат.

Иона 4:8

Наранай гарамсаар Эзэн зүүн зүгһөө халуун һалхи үлеэлгүүлбэ. Халуун наран хайра гамгүйгөөр Ионын толгойе шаража эхилбэ. Иона тэнхээ тамираа алдахадаа, бэедээ үхэл эрин иигэжэ хэлэбэ: – Амиды ябанхаар үхэһэмни дээрэ.

Матвей 13:21

Зүгөөр тэрэ мэдээсэл сэдьхэлдэнь гүнзэгы үндэһэлөөгүй ушарһаа удаан тогтодоггүй: мэдээсэлэй түлөө зоболонгой тохёолдоо һаань, али мүрдэжэ намнажа эхилээ һаань, тэрэниие удангүй орхижорхидог.

Матвей 13:6

Харин наранай гарахада, гүнзэгы үндэһэлөөгүй зүлгэ ногоон уршыгаад хаташаба.

Матвей 5:6

Үнэн зүбые угаа ехээр хүсэгшэд жаргалтайл, тэдэнэр һанаһандаа хүрэхэл.

Марк 4:17

зүгөөр тэрэ үгэ сэдьхэлдэнь гүнзэгыгөөр үндэһэлөөгүйдөө, удаан тогтоногүй. Үгэһөө боложо бэрхэшээлэй тудаа һаань, али мүрдэлгэ зоболонгуудай дайраа һаань, энэ хүн айһан һүрдэһэндөө Бурханай үгэһөө тэрэ дороо арсаха.

Марк 4:6

Харин наранай гарахада, гүнзэгы үндэһэлөөгүй зүлгэ ногоон уршыгаад хатажа байгаа.

Лука 1:53

Үлэсхэлэн үгытэйшүүлдэ элбэг дэлбэг юумэ үгөөд, дээрэлхүү баяшуулые гар хооһон ябуулаал.

Лука 6:21

Мүнөө үлэсхэлэн байгшад, жаргалтайт, таанад элбэг дэлбэг эдихэ юумэтэй байхат. Мүнөө уйлаашад жаргалтайт, таанад баярладаг, хүхидэг болохот.

Иоанн 4:14

Харин Минии үгэхэ уһа ууһан хүн хэзээдэшье ундаа хүрэхэгүй. Минии үгэхэ уһан тэрэ хүнэй досоо булаг болон дэлгэржэ, мүнхын амидарал олгохо.

Яковай хандалга 1:11

Наран шангаар шаража, сэсэг ногоое хатаана, һалбарһан сэсэгэй үнгэнь буурана. Энээндэл адляар баян хүн өөрынгөө замаар ябахадаа, хосорон һаладаг.

Гэршэлгэ 21:4

Бурхан тэдэ хүнүүдэй нюдэнһөө гараһан дуһал нулимса бүхэниие аршаха. Үхэлгэ хосоролгошье саашадаа байхагүй, уйдхар гашуудал, орилолдоон бархиралдаан, үбдэлгэ хабдалгашье саашадаа байхагүй, ушарынь гэбэл, урданай бүхы юумэн урдажа ошоо».