Гэршэлгэ 5:6 - Библи

⁶ Харан гэхэдэмни хаан шэрээгэй урда дүрбэн амитадай, мүн ахамадуудай урда тахил болгогдон табигдаһан янзатай Үргэлэй Хурьган зогсожо байба. Тэрэ Хурьган долоон эбэртэй, долоон нюдэтэй. Эдэнь бүхы газар дэлхэйдэ Бурханай эльгээһэн долоон һүлдэнь байгаа.

Шэнэ Хэлсээн

⁶ Харан гэхэдэмни хаан шэрээгэй урда дүрбэн амитадай, мүн ахамадуудай урда тахил болгогдон табигдаһан янзатай Үргэлэй Хурьган зогсожо байба. Тэрэ Хурьган долоон эбэртэй, долоон нюдэтэй һэн. Эдэнь бүхы газар дэлхэйдэ Бурханай эльгээһэн Нангин долоон һүлдэнь байгаа.

Гэршэлгэ 5:6 ပူးပေါင်းရင်းမြစ်များ

2 Угай бэшэг 16:9

Газар дэлхэйн Тэрээндэ үнэн этигэдэг зониие бултыень Эзэн хаража байдаг, тиигээд тэдээндэ Тэрэ туһалдаг. Мүнөө ши буруу юумэ хэбэш. Тиимэһээ энээнһээ хойшо шамда добтолон орогшод бии болохо.

Даниил 7:14

Засаг, соло, хан түрэ Тэрээндэ үгтэжэ, бүхы яһатад, арадууд, обогууд тэрэнэй засаг мэдэрээ. Зонхилолтонь – хэтэ мүнхын, хэзээшье дууһахагүй, хан түрэнь һандархагүй бүхэ.

Даниил 8:3

Харахадам, нэгэ хуса эрье дээрэ байна. Тэрэ хоёр эбэртэй, нэгэ эбэрынь хожом ургаһаншье һаа, нүгөөдэһөө ута.

Михей 4:13

Эзэн иигэжэ айладхана: «Иерусалимай арад зон, бодожо, дайсадаа бута сохигты! Би таанадые түмэр эбэртэй, гуулин туруутай буха мэтэ болгохоб! Эдэ арадуудые бута сохижо, үнэн зүб бэшээр олзолһон баялигуудыень Намда, бүхэдэлхэйн Эзэндэ, зорюулан үргэхэт».

Аввакуум 3:4

Тэрэнэй туяа наранай гэрэл мэтэ, гарһаань туяанууд сасаран байна. Тэндэл хүсэ шадалынь хоноотой.

Захарияа 3:9

Иисүүсэй урда энэ шулуу табинаб. Тэрэ шулуун долоон нюдэтэй. Би тэрээн дээрэ хандалга бэшэг һиилэхэб. Энэ газарай нүгэл хилэнсэгые үгы хэһэн үдэр ерэхэ гэжэ бэшээтэй байха.

Захарияа 4:10

Долоон дэн тухай хэлээ һэмнайб. Эдэ хадаа Эзэнэй хамаг дэлхэйе шобто харадаг нюдэд гээшэ. Зэрубабээлэй гарта байһан тэгшэлүүр тээшэ баяртайгаар хаража байһан энэ үдэрые хэн шухала бэшэ гэжэ хэлэхэб даа, – гэжэ Эльгээмэл хэлэбэ.

Лука 1:69

Зараса Давидайнгаа үри һадаһадһаа манда һүр хүсэтэй Абарагшые үгөөл.

Иоанн 1:29

Хойто үдэрынь урдаһаань Иисүүсэй ерэжэ ябахые хараад, Иоанн иигэжэ хэлэбэ: – Энэл хадаа Бурханда үргэгдэхэ Хурьган мүн. Энэл хадаа газар дэлхэйн бүхы хүнүүдэй хэһэн нүгэл хилэнсые Өөр дээрээ даажа абаха!

Иоанн 1:36

Хажуугаарнь Иисүүсэй гаража ябахые хараад, Иоанн: – Харагты, Энэл Бурханда үргэгдэхэ Хурьган мүн! – гэжэ хэлэбэ.

Хэрэгүүд 8:32

Тэрэнэй уншажа байһан номой хэһэг иимэ: «Үүсэлгэдэ абаашагдажа байһан хониндол адли, нооһо хиргагшын урда байһан хурьгандал адли Тэрэ абяа гараагүй.

Гэршэлгэ 1:4

Аси можын һүзэглэгшэдэй долоон бүлгэмүүдтэ би Иоанн ханданаб. Бурхан бии, байһаншье, байхашье юм. Бурханһаа, Тэрэнэй хаан шэрээгэй урдахи долоон Һүлдэнүүдһээ,

Гэршэлгэ 12:11

Манай аха дүүнэр Үргэлэй Хурьганай шуһаар, мүн гэршэлһэн үгөөрөө тэрэ гэмнэгшые илаа. Аха дүүнэрнай ами наһаа гамнаагүй, үхэлһөө айгаагүй.

Гэршэлгэ 13:8

Үргэлэй Хурьганай тэмдэглэдэг амидаралай ном соо нэрэнүүдэйнь бэшэгдээгүй бүхы газар дайдын зон тэрэ арьяатанда һүгэдэн мүргэхэ. Үргэлэй Хурьган тахил болгогдон Бурханда үргэгдэхэ гэжэ газар дэлхэйн бүтээгдэхэһээ түрүүн хараалагдаа.

Гэршэлгэ 14:1

Би иимэ юумэ харааб: Сион хада дээрэ Үргэлэй Хурьган зогсоно, Тэрээнтэй хамта зуун дүшэн дүрбэн мянган хүнүүдэй духада Үргэлэй Хурьганай нэрэ, Тэрэнэй Эсэгын нэрэ бэшээтэй.

Гэршэлгэ 17:14

Тэдэ хаанууд Үргэлэй Хурьганай урдаһаа дайлалдаха, тиин Үргэлэй Хурьган Тэрэнэй урижа асарагшадтай, Тэрэнэй шэлэжэ абагшадтай, Тэрээндэ үнэн шударгы байгшадтай хамта тэмсэжэ тэдэниие диилэхэ. Юуб гэбэл, Үргэлэй Хурьган эзэдүүдэй Эзэн, хаануудай Хаан мүн».

Гэршэлгэ 21:22

Хото соо Һүмэ би хараагүйб. Тэрэнэй Һүмэнь – Хамагые зонхилогшо Эзэн Бурхан Өөрөө, мүн Үргэлэй Хурьган мүн.

Гэршэлгэ 21:23

Хотын һаруул гэрэлтэй байхын тула нара, һарашье хэрэггүй байгаа, юундэб гэбэл, Бурханай алдар солонь хотые гэрэлтүүлээ. Хурьган Тэрэнэй дэнгынь мүн.

Гэршэлгэ 22:1

Болор мэтэ ялалзаһан амидаралгын уһанай гол мүрэниие удаань намда Эльгээмэл харуулаа. Тэрэ гол мүрэн Бурханай болон Үргэлэй Хурьганай хаан шэрээгэй дороһоо урдан гарадаг.

Гэршэлгэ 22:3

Бурханай хараалда хүрэмөөр муу юумэн тэндэ хэзээдэшье болохогүй. Бурханай ба Үргэлэй Хурьганай хаан шэрээ тэрэ хотодо байха. Бурханай зарасанар тэрээндэ алба хэхэ байна.

Гэршэлгэ 4:8

Эдэ дүрбэн амитад тус бүридөө зургаа зургаан далитай һэн. Далинуудайнь дээгүүршье, доогууршье олон нюдэд байгаа. Тэдэ дүрбэн амитад эсэн сусангүй, үдэр һүнигүй иигэжэ ходо дабтагша һэн: – Хамагые зонхилогшо арюун нангин, арюун нангин, арюун нангин Эзэн Бурхан түрүүншье байгаа, мүнөөшье байна, саашадаашье байхал!

Гэршэлгэ 5:11

Хаан шэрээе, амитадые, ахамадуудые тойроод, олон Эльгээмэлнүүдэй дуугаржа байхые би харааб, шагнааб. Тэдэнэр үй түмэн, тоо томшогүй олон байгаа.

Гэршэлгэ 5:12

Тэдэ шанга шангаар иигэжэ хашхаралдаа: Тахил болгогдожо табигдаһан Үргэлэй Хурьган засаг түрэ, зөөри баялиг, сэсэн бодол, хүсэ шадал, нэрэ түрэ, алдар соло, магтаал юрөөлдэ хүртэхэ эрхэтэй.

Гэршэлгэ 5:13

Тэнгэри, газар дээрэ, газар доро, далайда байһан бүхы амитадай иигэжэ хэлсэхые би дуулааб: – Хаан шэрээ дээрэ Һуугаашада, мүн Үргэлэй Хурьганда хэтэ мүнхын магтаал юрөөл, нэрэ хүндэ, алдар соло, хуули засаг олгогдохонь болтогой!

Гэршэлгэ 5:14

Дүрбэн амитадынь: – Болтогой! – гэбэд. Ахамадуудынь газарта дохин унажа, һүгэдэн мүргэбэ.

Гэршэлгэ 6:16

Тэдэ хүнүүд хада, хабсагайнуудта хандан, иигэжэ гуйба: – Дээрэмнай унажа, хаан шэрээдэ Һуугшаһаа, Үргэлэй Хурьганай уур сухалһаа абарыт!

1 Хаан түрэнүүд 2:10

Өөртэйнь үрсэлдэгшэдые Эзэн хюдаха, тэнгэриһээ аянга тэдээндэ буулгаха. Эзэн бүхы дэлхэй шүүбэрилэн зонхилхо. Абарагшада Тэрэ хүсэ шадал үгэхэ, һунган шэлэһэн Табисууртаяа илагдашагүй болгохо!