Гэршэлгэ 4:7 - Библи

⁷ Түрүүшынь амитан арсалантай адлишуу, хоёрдохинь залуу буха шэнги, гурбадахинь нюураараа хүн мэтэ, харин дүрбэдэхинь ниидэжэ байһан бүргэд шэнги бэлэй.

Шэнэ Хэлсээн

⁷ Түрүүшынь амитан арсалантай адлишуу, хоёрдохинь залуу буха шэнги, гурбадахинь нюураараа хүн мэтэ, харин дүрбэдэхинь ниидэжэ байһан бүргэд шэнги бэлэй.

Гэршэлгэ 4:7 ပူးပေါင်းရင်းမြစ်များ

Эхин 49:9

Залуу арсалан мэтэ, Иуда, олзо дээрээ омогтой һуухаш, хүбүүмни. Залуу арсаланай агнажа, олзотой хэбтэшэдээ ерээд, амархадань, хэншье зүрхэлжэ һэреэдэггүй бэшэ гү? Шинии уг удам тиимэ ехэ һүр хүсэтэй болохо.

2 Хаан түрэнүүд 1:23

Саул ба Ёнатаан, эгээл дуратайнууднай, эгээл һайханууднай, амиды сагтаа хамта, наһа барахадаашье тэдэ һалаагүйл! Тэдэ бүргэдһөөшье хурдан, арсаланһаашье хүсэтэй бэлэйл.

Һургаал 28:2

Улас орондо һамуурал үймөөнэй болоходо удамаршад олон. Харин ухаалиг, мэдэлгэ ехэтэй хүнэй ударидал доро орон нютаг бүтэн үлэдэг.

Исай 40:31

Харин Эзэндэ найдагшад шэнэ хүсэтэй болодог. Тэдэ бүргэд мэтэ жэгүүр дээрээ элин халиха, гүйхэдөө эсэхэгүй, алхалан ябахадаа сусахагүй.

Эзэкээл 1:10

Амитан бүхэн дүрбэн ондоо нюуртай бэлэй: урдаһаа хүнэй нюуртай, баруун талаһаа арсаланай, зүүн талаһаа бухын, хойто талаһаа бүргэдэй.

Эзэкээл 1:8

Дүрбэн нюуртай, дүрбэн далитай байхын хажуугаар тэдэ тус тустаа далинууд дороо хүнэй дүрбэн гартай.

Эзэкээл 10:14

Амитан бүхэн дүрбэн нюуртай: нэгэдэхи нюурынь бухын, хоёрдохинь хүнэй, гурбадахинь арсаланай, дүрбэдэхи нюурынь бүргэдэй нюур бэлэй.

Эзэкээл 10:21

Амитан бүхэн дүрбэн нюуртай, дүрбэн далитай, дали бүхэн доронь хүнэй гартал адли гарнууд байгаа һэн.

Даниил 7:4

Түрүүшын амитан бүргэдтэл адли далитай, гэбэшье түхэлөөрөө арсаланда адли. Хараһаар байтарни, далинуудынь хуулагдан абтаба. Тиигээд тэрэ үргэгдөөд, хүндэл адли хүл дээрээ табигдаба, хүнэй ухаан бодол тэрээндэ үгтэбэ.

Авдии 1:4

Бүргэд шэнги үндэртэ, одо мүшэдэй дунда уурхайгаа түхеэрээшье һааш, тэндэһээш Би шамайе доошонь унагаахаб! – гэжэ Эзэн Бурхан айладана.

Тоололго 23:24

Эмэ арсалан мэтэ энэ арад хүл дээрээ бододог. Эрэ арсалан мэтэ энэ арад үндыдэг. Бариһан олзоёо дууһан эдеэгүйдөө, бүхы шуһыень һорожо садаагүйдөө байһан газартаа хэбтэдэггүй».

Тоололго 24:9

Израиль сахариглан хэбтэһэн арсалан мэтэ номгон! Тэрэ залуу арсалан мэтэл! Тэрэниие хэнэйшье һэрюулээгүй һаа, дээрэ! Тэрэниие үреэгшэ нэгэн үреэлдэ хүртэхэ, тэрэниие хараагша нэгэн хараалда хүртэхэл!

Коринфынхидтэ 1-дэхи 14:20

Аха дүүнэр, таанад үхибүүдтэл адляар бодомжолхоёо болигты. Нүгэл шэбэлэй талаар зэмэгүй хүүгэд байгты, харин бодомжолходоо, наһаяа хүсэһэн хүнүүд байгты.

Хуули дабталга 28:49

Хэлыеньшье танай мэдэхэгүй арад түмэниие дэлхэйн захаһаа Эзэн таанадта эльгээхэ. Бүргэдтэл адли, тэдэ таанадта добтолон орохо.

Гэршэлгэ 4:6

Баһа хаан шэрээгэй урда болор мэтэ сэбэр тунгалаг шэл далай шэнги юумэн байба. Хаан шэрээгэй дүрбэн буланда дүрбэн амитад байба. Тэдэ амитад урдаһаашье, хойноһоошье тон олон нюдэтэй һэн.

Гэршэлгэ 6:3

Хоёрдохи тамгыень Үргэлэй Хурьганай тайлахада: «Наашаа ерэ!» – гэжэ хоёрдохи амитанайнь хэлэхые дуулабаб.

Гэршэлгэ 6:5

Гурбадахи тамгыень Үргэлэй Хурьганай тайлахада: «Наашаа ерэ!» – гэжэ гурбадахи амитанайнь хэлэхые дуулабаб. Харан гэхэдэмни, хара мори унаһан хүн гартаа шэгнүүр баринхай байба.

Гэршэлгэ 6:7

Дүрбэдэхи тамгыень Үргэлэй Хурьганай тайлахада: «Наашаа ерэ!» – гэжэ дүрбэдэхи амитанайнь хэлэхые дуулабаб.