Гэршэлгэ 22:6 - Библи

⁶ Эльгээмэл намда иигэжэ айладхаа: «Эдэ үгэнүүдтэ этигэхэдэ болохо, эдэ үгэнүүд үнэн зүб юм. Лүндэншэдтэ Өөрынгөө һүлдые үгэгшэ Эзэн Бурхан һаяар ямар юумэнэй болохые Өөрынгөө зарасанарта харуулхынь тула Эльгээмэлээ ябуулаа».

Шэнэ Хэлсээн

⁶ Бурханай Эльгээмэл намда иигэжэ хэлээ: «Эдэ үгэнүүдтэ этигэхэдэ болохо, юундэб гэбэл, эдэ үгэнүүд үнэн зүб юм. Лүндэншэдтэ өөрынгөө һүлдые үгэгшэ Эзэн Бурхан һаяар ямар юумэнэй болохые өөрынгөө зарасанарта харуулхынь тула эльгээмэлээ ябуулһан байна.

Гэршэлгэ 22:6 ပူးပေါင်းရင်းမြစ်များ

Эхин 41:32

Харин энэ зүүдэн хоёр дахин юундэ танда харагдааб гэбэл, Бурхан энэ ерээдүйе сэхэ хараалаад, һаяар тэрэнээ бэелүүлхэеэ байна.

Даниил 3:28

Навуходоносор: – Шадраахай, Мэшаахай, Абээд-Нэгоогой Бурханда магтаал үргэгты! Тэрэ тэнгэриин Эльгээмэлээ эльгээжэ, Өөртэнь этигэдэг богоолнуудаа абараа! Эдэ зон минии захиралта дуулангүй, ами наһаяа хайрлангүй, өөрын Бурханһаа ондоо бурхадта шүтэн мүргэхэеэ арсаал!

Даниил 6:22

Бурхамни тэнгэриин Эльгээмэлээ эльгэжэ, Тэрэ арсалануудай ама таглаал! Тэдэ намайе яагаашьегүй! Юуб гэхэдэ, би Бурханай урда нүгэлтэй бэшэб, үндэр түрэлтэ хаан, танайшье урда ямаршье гэм зэмэ хээгүйб.

Матвей 13:41

Хүн түрэлхитэнэй Хүбүүн Эльгээмэлнүүдээ ябуулха, тэдэнь хаан орон соонь бүхы буруу ябадалтаниие болон бусад зониие нүгэлдэ оруулагшадые суглуулха,

Лука 1:70

Дайсадһаатнай, таниие үзэн ядагша бүхы зонһоо абархаб гэжэ Тэрэ эртэ урдын сагта арюун лүндэншэдөөрөө дамжуулан,

Лука 16:16

Уһаар Арюудхагша Иоаннай ерэтэр Моисейн Хуули болон лүндэншэдэй номууд хүсэн түгэлдэр байгаа, гэбэшье мүнөө Бурханай хаан түрэ тухай мэдээсэлэй айладхагдаһанһаа хойшо, хүн бүхэн тиишэ орохо гэжэ нилээд хүсэ шармай гаргана.

Хэрэгүүд 12:11

Пётр мэдээ ороходоо: – Эзэн Өөрын Эльгээмэлые эльгээн, намайе Иродэй гарһаа мултаруулба, еврей зоной хүлеэжэ байһан саазаһаа аршалба. Энэнииень би мүнөөл һайн ойлгобоб, – гэжэ өөртөө хэлэбэ.

Хэрэгүүд 3:18

Бурханай табисуурта зоболон эдлэхэ гэжэ Бурханай лүндэншэдэй үнинэй уридшалан хэлэһэниинь бүтэбэ даа.

Коринфынхидтэ 1-дэхи 14:32

Бурханай мэдээсэл элирүүлхэ абьяас тэрэл хүнэй мэдэлдэ байха ёһотой юм.

Коринфынхидтэ 1-дэхи 7:29

Аха дүүнэр, би таанадта иимэ удхатайгаар хэлэнэб: саг багал үлэнэ, тиимэһээ гэрлэһэн хүнүүд гэрлээгүй хүнүүдтэл адли ажамидарха ёһотой.

Фессалоникиинхидтэ 2-дохи 1:7

харин зобожо байһан таанад, мүн бидэ, баясахабди. Эзэн Иисүүсэй һүр хүсэтэй Эльгээмэлнүүдтэйгээ тэнгэридэ аһажа байһан гал соо харагдахадань, Бурхан эдэ бүхэниие бэелүүлхэ. Бурханиие буруушааһан хүнүүдые, Һайн Мэдээсэлыень баримталдаггүй хүнүүдые Эзэн Иисүүс хэһээхэ.

Еврейнүүдтэ 12:9

Газар дэлхэйдэхи эсэгэнэрэйнгээ маанадые хэһээхэдэ бидэ тэдэниие хүндэлдэг һэмди. Тиимэһээ бидэ тэнгэриин Эсэгынгээ мэдэлдэнь бүрин байха ёһотойбди.

Пётрой 2-дохи хандалга 1:21

Юундэб гэхэдэ, нэгэшье лүндэншэ өөрынгөө дура хүсэлөөр уридшалан хэлээгүй, харин Арюун Һүлдөөр хүтэлүүлэгдэн, Бурханай үгэ айладхадаг байгаа.

Пётрой 2-дохи хандалга 3:2

Гэгээн лүндэншэдэй хэлэһэн үгэнүүдые, элшэнэрэйтнай таанадта дамжуулһан Эзэнэй ба Абарагшын захяа заабариие һануулха хүсэлтэй байгааб.

Гэршэлгэ 1:1

Һаяар юун болохоёо байнаб гэжэ бүгэдыень зарасанартаа харуулхын тула, Иисүүс Христоосой гэршэлгые Бурхан Тэрээндэ даалгаа. Христоос Өөрынгөө зараса Иоаннда Эльгээмэлые ябуулжа, энээн тухай соносхоо.

Гэршэлгэ 18:20

Огторгой тэнгэри, Бурханай хүнүүд, элшэд, лүндэншэд, энээндэ хүхин баясыт! Таанарай түлөө тэрэ ниислэлые Бурхан хэһээгээл!»

Гэршэлгэ 19:9

Удаань намда Эльгээмэл иигэжэ хэлэбэ: «Буулгажа бэшээд аба! Үргэлэй Хурьганай түрэ найрта урилга абагшад жаргалтай! Энэ Бурханай хэлэһэн ёһотойл үнэн зүб үгэнүүд гээшэ!»

Гэршэлгэ 21:5

Хаан шэрээдэ Һуугша иигэжэ хэлээ: «Харалши, Би баран шэнэ юумэ хэнэб!» Тиигээд Тэрэ иигэжэ хэлэбэ: «Буулгажа бэшээд аба, эдэ үгэнүүдтэ этигэхэдэ болохо, юундэб гэбэл, эдэ бүхы үгэнүүд үнэн зүб юм».

Гэршэлгэ 21:9

Удаань гай аюулай һүүлшын долоон дүүрэн аягатай долоон Эльгээмэлэй нэгэниинь ерэжэ, намтай хөөрэлдэбэ: «Харалши даа, би шамда бэриеэ – Үргэлэй Хурьганай һамгые үзүүлхэб!» – гэбэ.

Гэршэлгэ 22:1

Болор мэтэ ялалзаһан амидаралгын уһанай гол мүрэниие удаань намда Эльгээмэл харуулаа. Тэрэ гол мүрэн Бурханай болон Үргэлэй Хурьганай хаан шэрээгэй дороһоо урдан гарадаг.

Гэршэлгэ 22:16

Иимэ гэршэлгые таанадта һүзэглэгшэдэй бүлгэмүүдэй дамжуулхынь тула Өөрынгөө Эльгээмэлые Би, Иисүүс, ябуулааб. Би Давидай Үндэһэ, Һалааниинь гээшэб. Би үүрэй ялагар одон гээшэб.

Гэршэлгэ 22:7

«Иигээд лэ Би һаяар ерэхэб! Энэ номой уридшалан хэлэһые сахин бэелүүлэгшэ жаргалтайл!»

Гэршэлгэ 4:1

Тэрэнэй удаа би тэнгэри өөдэ шэртэхэдээ, тэнгэриин үүдэнэй онгорхой байхые обёорбоб. Тиин бүреэгэй дуугарһандал адли абяа дуулабаб. Түрүүн хандаһан абяан намда иигэжэ хэлэбэ: – Өөдөө гара. Тиигээд юунэй болохые шамда хөөрэхэб.