Гэршэлгэ 22:17 - Библи

¹⁷ Арюун Һүлдэшье, хадамай басаганшье: «Ерэ!» – гэнэд. Шагнажа байгаашашье: «Ерэ!» – гэг. Ундаа ехээр хүрэгшэдшье ерэг! Амидаралгын уһа абаха дуратайшуул ерэжэ, тэрэ уһа миинтэ абаг лэ!

Шэнэ Хэлсээн

¹⁷ Нангин Һүлдэшье, хадамай басаганшье: «Ерэ!»– гэнэд. Шагнажа байгаашашье: «Ерэ!»– гэг. Ундаа ехээр хүрэгшэдшье ерэг! Амидаралгын уһа абаха дуратайшуул ерэжэ, тэрэ уһа миинтэ абаг лэ!

Гэршэлгэ 22:17 ပူးပေါင်းရင်းမြစ်များ

Псалманууд 34:8

Мэдээгүй байтарнь хосорол тэдээндэ ерэг лэ, өөһэдын табиһан урьхада тэдэ өөһэдөө орог! Тиимэл һүйдхэлдэ тэдэниие унагаагыт!

Исай 12:3

Абаралай булагһаа баяртайгаар уһа удхан байхат!

Исай 2:3

Тиигээд олон арадууд ошожо, иигэжэ хэлэхэ: «Эзэнэй хада руу, Яковай Бурханай нангин үргөө тээшээ үгсэн ошоё. Юу хэхыемнай Бурхан һургаха, зааһан замаарнь ябахабди». Юуб гэбэл, Хуули Сионһоо гараха, Эзэнэй үгэ – Иерусалимһаа.

Исай 2:5

Яковай үри һадаһад, ерэгты, Эзэнэй гэрэл туяа соо алхалан ябая!

Ерэмияа 50:5

Тэдэ Сион руу харгы зам һурагшалаад, тэрэ зүг шэгээр ошохо. Намтай тэдэ хэтэ мүнхын хэлсээ баталха, хэзээдэшье тэрэниие эбдэхэгүй.

Эзэкээл 47:1

Тэрэ хүн намайе дахин һөөргэнь, нангин үргөөгэй үүдэнүүд тээшэ абаашаба. Харахадам, үүдэнүүд дороһоо уһан гаран урдажа байба. Нангин үргөөгэй урда талаһаа, үргэлэй шэрээгэй хажуугаар саашаа зүүн зүг тээшээ тэрэ урдажа байгаа һэн.

Михей 4:2

Тиигээд олон арадууд ошожо, иигэжэ хэлэхэ: «Эзэнэй хада руу, Яковай Бурханай Һүмэ тээшээ үгсэн ошоё. Юу хэхыемнай Бурхан һургаха, зааһан замаарнь ябахабди». Юуб гэбэл, Һургаал Сионһоо гараха, Эзэнэй үгэ – Иерусалимһаа.

Иоанн 1:37

Иоаннай хоёр шабинар тэдэ үгэнүүдыень дуулаад, Иисүүсэй хойноһоо ошобо.

Иоанн 4:10

– Бурханай юу үршөөдэгые, шамһаа уһа эриһэн хүнэй Хэн байһые мэдэжэ байгаа һаа, ши өөрөө Тэрэниие гуйха бэлэйш, тиихэдэшни Тэрэ шамда амидаралта уһа үгэхэ һэн, – гэжэ Иисүүс харюусаба.

Иоанн 4:11

– Эзэмни аа, энэ худаг гүнзэгыл, харин Та уһа удхаха хүнэггүйлта. Тиигээд амидаралта уһа хаанаһаа олохобта?

Иоанн 4:14

Харин Минии үгэхэ уһа ууһан хүн хэзээдэшье ундаа хүрэхэгүй. Минии үгэхэ уһан тэрэ хүнэй досоо булаг болон дэлгэржэ, мүнхын амидарал олгохо.

Иоанн 4:29

– Наһаараа хэһэн бүхы юумэнүүд тухаймни намда хэлэжэ үгэһэн Хүниие таанар ошожо харагты. Магад, Тэрэ Бурханай табисуурта аалам? – гэжэ дуулгаба.

Иоанн 7:37

Иисүүс һайндэрэй һүүлшын эгээл ехэ үдэрынь зондо иигэжэ айладхаба: – Ангаһан хүн Намда ерээд, ундаа харяаг!

Римэйхиндэ 3:24

Зүгөөр маанадые сүлөөлһэн Иисүүс Христоосой ашаар бидэ Бурханай аша буянда хүртэн, үнэн сэдьхэлтэй болонобди.

Коринфынхидтэ 1-дэхи 2:12

Бидэ энэ дэлхэйн зондол адляар бодомжолхогүйн тула энэ дэлхэйн һүлдые тогтоожо абаагүй хүмди, зүгөөр Бурханай эльгээһэн Һүлдые тогтоожо абаа хүмди, тиимэһээ Бурханай маанадта үршөөһэн бүхы юумые мэдэхэбди.

Гэршэлгэ 14:13

Удаань огторгойһоо иигэжэ дуугарха абяа дуулааб: «Буулгажа бэшээд аба: энэ сагһаа эхилэн Эзэндэ үнэн сэхэ байжа наһа бараһан хүнүүд ямар жаргалтайб даа!» «Тиимэл даа, тэдэнэр хүндэ хүшэр ажалһаа одоол сүлөөржэ амархань, юундэб гэбэл, тэдэнэй бүтээһэн буянтай һайхан хэрэгүүдынь хойноһоонь ябалсана гэжэ Арюун Һүлдэ хэлэнэ».

Гэршэлгэ 2:7

Һүзэглэгшэдэй бүлгэмүүдтэ Арюун Һүлдын хэлэһэниие шэхэтэй юм һаа, шагнаг лэ! Бурханай сэсэрлигтэ ургадаг мүнхэ амидаралай модоной жэмэсые амталха эрхэ илаашада үгэхэб».

Гэршэлгэ 21:2

Нангин Хотые – шэнэ Иерусалимые би харааб. Хадамда гарахаяа нүхэр хүбүүгээ хүлеэжэ байһан шэнэ Иерусалим гоёнхой юумэ тэнгэриһээ, Бурханһаа буужа ябаба.

Гэршэлгэ 21:6

Намда тэрэ хэлэбэ: – Бүтэбэ! Би Альфа, Омега гээшэб, Түрүүшынхинь, Һүүлшынхинь гээшэб. Ундаа хүрэһэн хүндэ амидаралай булагай уһанһаа миинтэ уулгахаб.

Гэршэлгэ 21:9

Удаань гай аюулай һүүлшын долоон дүүрэн аягатай долоон Эльгээмэлэй нэгэниинь ерэжэ, намтай хөөрэлдэбэ: «Харалши даа, би шамда бэриеэ – Үргэлэй Хурьганай һамгые үзүүлхэб!» – гэбэ.

Гэршэлгэ 22:1

Болор мэтэ ялалзаһан амидаралгын уһанай гол мүрэниие удаань намда Эльгээмэл харуулаа. Тэрэ гол мүрэн Бурханай болон Үргэлэй Хурьганай хаан шэрээгэй дороһоо урдан гарадаг.

Гэршэлгэ 22:16

Иимэ гэршэлгые таанадта һүзэглэгшэдэй бүлгэмүүдэй дамжуулхынь тула Өөрынгөө Эльгээмэлые Би, Иисүүс, ябуулааб. Би Давидай Үндэһэ, Һалааниинь гээшэб. Би үүрэй ялагар одон гээшэб.

Гэршэлгэ 7:17

Юундэб гэхэдэ, хаан шэрээгэй урда зогсожо байгааша Үргэлэй Хурьган тэдэ хүнүүдэй адуулагша эзэниинь боложо, мүнхэдөө амидаралай уһанда тэдэниие залан абаашаха. Эдэ хүнүүдэй нюдэнэй нулимсые Бурхан Өөрөө аршаха».