Гэршэлгэ 21:6 - Библи

⁶ Намда тэрэ хэлэбэ: – Бүтэбэ! Би Альфа, Омега гээшэб, Түрүүшынхинь, Һүүлшынхинь гээшэб. Ундаа хүрэһэн хүндэ амидаралай булагай уһанһаа миинтэ уулгахаб.

Шэнэ Хэлсээн

⁶ Намда тэрэ хэлэбэ: – Бүтэбэ! Би Альфа, Омега гээшэб, Түрүүшынхинь, Һүүлшынхинь гээшэб. Ундаа хүрэһэн хүндэ амидаралгын булагай уһанһаа миинтэ уулгахаб.

Гэршэлгэ 21:6 ပူးပေါင်းရင်းမြစ်များ

Псалманууд 36:9

Бузар муухай хэрэгүүдые үйлэдэгшэд усадхагдаха, харин Эзэниие хүсэн хүлеэгшэд газар нютагые уг залгамжалха. ו Ваав

Исай 12:3

Абаралай булагһаа баяртайгаар уһа удхан байхат!

Ерэмияа 2:13

Ушарынь гэхэдэ, Минии арад зон хоёр нүгэл үйлэдэһэн байна: сэбэр уһанай эхин болохо Намайе орхёо, ямаршье уһа тогтоодоггүй, нүхэ һүбэтэй хонхо яамые хабсагайда сабшан хээ.

Һошээ 14:4

Ассири маанадые абархагүй, дайнай моридто һуугаашье һаа, абарагдахагүйбди. Манай бурхад гэжэ онгонуудые бэшэ нэрлэхэгүйбди. Эзэмнай! Үншэн хэнзэ маанартаа энэрэл хайраяа бэлэглыт!»

Ёһээл 3:18

Тэрэ үдэр хада уулаһаа үзэмэй дараһан архи дуһалжа, гүбээнүүдһээ һүн урдаха, Иудын бүхы горхонууд уһаар дүүрэхэ. Эзэнэй үргөөһөө булаг орьёлон, Шиттиимэй хүндые уһалхал.

Иоанн 4:10

– Бурханай юу үршөөдэгые, шамһаа уһа эриһэн хүнэй Хэн байһые мэдэжэ байгаа һаа, ши өөрөө Тэрэниие гуйха бэлэйш, тиихэдэшни Тэрэ шамда амидаралта уһа үгэхэ һэн, – гэжэ Иисүүс харюусаба.

Иоанн 4:11

– Эзэмни аа, энэ худаг гүнзэгыл, харин Та уһа удхаха хүнэггүйлта. Тиигээд амидаралта уһа хаанаһаа олохобта?

Иоанн 4:14

Харин Минии үгэхэ уһа ууһан хүн хэзээдэшье ундаа хүрэхэгүй. Минии үгэхэ уһан тэрэ хүнэй досоо булаг болон дэлгэржэ, мүнхын амидарал олгохо.

Римэйхиндэ 3:24

Зүгөөр маанадые сүлөөлһэн Иисүүс Христоосой ашаар бидэ Бурханай аша буянда хүртэн, үнэн сэдьхэлтэй болонобди.

Римэйхиндэ 8:32

Бурхан Өөрын Хүбүүниие хайрлангүй, бидэнэй бултанаймнай түлөө үргөө. Бурхан маанадта Хүбүүгээ үгэжэ байхадаа, бусадшье бүхы юумэнүүдээ элбэгээр үгэхэ бэшэ гү?

Коринфынхидтэ 1-дэхи 2:12

Бидэ энэ дэлхэйн зондол адляар бодомжолхогүйн тула энэ дэлхэйн һүлдые тогтоожо абаагүй хүмди, зүгөөр Бурханай эльгээһэн Һүлдые тогтоожо абаа хүмди, тиимэһээ Бурханай маанадта үршөөһэн бүхы юумые мэдэхэбди.

Коринфынхидтэ 1-дэхи 3:12

Зарим хүнүүд энэ һуурин дээрэ алта мүнгэ гү, али эрдэни шулуунуудые хэрэглэн бариха; нүгөө зарим хүнүүд модо гү, али үбһэ һолоомо хэрэглэн бариха.

Коринфынхидтэ 1-дэхи 3:21

Тиимэһээ хэнтнайшье ямар нэгэн бүлгэмэй гэшүүнби гэжэ бү омогорхог, юуб гэбэл, бүхы юумэн таанадай:

Коринфынхидтэ 1-дэхи 3:5

Эсэсэй эсэстэ Аполлос гэдэгтнай хэн бэ? Тиихэдэ Павел гэдэгтнай хэн бэ? Бидэ таанадай Христоосто һүзэглэхэдэ туһалһан юрэ Бурханай зарасанар гээшэбди. Бидэ Эзэнэй хүн бүхэндэмнай үгэһэн ажалыел бүтээгээбди:

Гэршэлгэ 1:11

Тэрэ абяан намда иигэжэ хэлэбэ: – Хаража байһан юумэеэ ном соо бэшээд, Эфесэй, Смирнын, Пээргэмэй, Тиатирай, Сардисай, Филадельфиин, Лаодикиин һүзэглэгшэдэй бүлгэмүүдтэ эльгээлши.

Гэршэлгэ 1:17

Тэрэниие харамсаараа, би үхэһэн шэнгеэр хүлэйнь хажууда унашабаб. Тиихэдэмни Тэрэ баруун гараа мүрэ дээрэмни табяад, намда иигэжэ хэлэбэ: – Бү ай; Би хадаа Түрүүшынхинь, Һүүлшынхинь гээшэб,

Гэршэлгэ 1:8

«Би хадаа Альфа, Омега гээшэб!» – гэжэ Эзэн Бурхан хэлэнэ. Тэрэ хододоо байгаа, байнашье, байхашье, Хамагые зонхилогшо мүн.

Гэршэлгэ 10:6

Огторгой тэнгэриие, газар дэлхэйе, уһан далайе, тэндэхи бүхы юумэнүүдые заяаһан хэтэ мүнхэдөө Амидаран мандагшын алдар нэрээр тэрэ Эльгээмэл иигэжэ тангариглан хэлэбэ: «Саашадаа удааруулагдахагүй.

Гэршэлгэ 16:17

Долоодохи Эльгээмэл өөрынгөө аяга соохиие агаар руу сасан адхаба. Тиихэдэнь «Бүтэбэ даа!» – гэһэн шанга абяан Һүмын хаан шэрээгэй зүгһөө дуулдаба.

Гэршэлгэ 22:13

Би Альфа, Омега гээшэб, Түрүүшынхинь, Һүүлшынхинь, Эхиниинь, Эсэсынь гээшэб».

Гэршэлгэ 22:17

Арюун Һүлдэшье, хадамай басаганшье: «Ерэ!» – гэнэд. Шагнажа байгаашашье: «Ерэ!» – гэг. Ундаа ехээр хүрэгшэдшье ерэг! Амидаралгын уһа абаха дуратайшуул ерэжэ, тэрэ уһа миинтэ абаг лэ!

Гэршэлгэ 3:14

Лаодикиин һүзэглэгшэдэй бүлгэмэй түлөөлэгшэдэ иигэжэ бэшээрэй: – Болтогой гэжэ нэрэтэй үнэн бодото найдабаритай Гэршэ, Бурханай бүтээлэй Эхиниинь иигэжэ хэлэнэ:

Гэршэлгэ 7:17

Юундэб гэхэдэ, хаан шэрээгэй урда зогсожо байгааша Үргэлэй Хурьган тэдэ хүнүүдэй адуулагша эзэниинь боложо, мүнхэдөө амидаралай уһанда тэдэниие залан абаашаха. Эдэ хүнүүдэй нюдэнэй нулимсые Бурхан Өөрөө аршаха».