Гэршэлгэ 21:11 - Библи

¹¹ Тэрэ хотонь Бурханай алдар солоор толорон гэрэлтэжэ байба. Тэрэ гэрэл туяань болор мэтын сэбэр тунгалаг хас шулуун шэнги үнэтэй шухаг шулуунуудтал адляар ялалзажа байгаа.

Шэнэ Хэлсээн

¹¹ Тэрэ хотонь Бурханай алдар солоор толорон гэрэлтэжэ байба. Тэрэ гэрэл туяань болор мэтын сэбэр тунгалаг хас шулуун шэнги үнэтэй шухаг шулуунуудтал адляар ялалзажа байгаа бэлэй.

Гэршэлгэ 21:11 ပူးပေါင်းရင်းမြစ်များ

Иоов 28:17

Үнэтэ алтан болон тунгалаг уһан шэнги шэл тэрээндэ хүрэхэгүй, шэжэр алтаар бүтээһэн шэлдэг һайхан эдлэлшье тэрээнтэй зэргэсэхэгүй.

Исай 4:5

Тиигээд Сионой уулаар болон тэндэ сугларагшад дээгүүр Эзэн үдэртөө үүлэ, һүниндөө утаа, дүлэлзэһэн гал түхөөхэ. Эзэнэй алдар соло бүхы хотые бүрхөөн, халхалан байха.

Эзэкээл 1:22

Амитадай тархинууд дээгүүр ялагар болор мэтэ мандал байба.

Эзэкээл 1:26

Мандал дээгүүр миндарга шулуугаар хэһэн хан шэрээ, тэрэ шэрээ дээрэ заларан һуугааша хүнтэй адли түхэл дүрсэтэй байба.

Эзэкээл 28:16

Аралжаа наймаа хүгжөөһөөр ши хүсэрхэдэг, нүгэл үйлэдэдэг болоош. Тиимэһээ Би Минии нангин хадаһаа буухыеш баадхааб. Шинии аршалагша байһан херүүб туяа гэрэлээр сасарһан үнэтэ шулуунуудһаа шамайе үлдөө һэн.

Эзэкээл 43:2

Зүүн зүгһөө мандан заларжа байһан Израилиин Бурханай һүр жабхаланай ялагар алдар соло тэндэ обёорбоб. Тэнгис далайн шааяандал адли һүрөөтэй шанга абяан дуулдажа, бүхы оршон дэлхэй Тэрэнэй һүр жабхалангаар яларжа толоржо байгаа һэн.

Эзэкээл 48:35

Бүхыдөө хотын хана арбан найман мянган тохой ута байха. Хото болбол «Эзэн эндэ бии!» гэдэг шэнэ нэрэтэй болохо юм.

Гэршэлгэ 15:8

Һүмэнь Бурханай Алдар солын, тэрэнэй Хүсэ шадалай утаагаар дүүрэшэбэ, тиин долоон Эльгээмэлнүүдэй долоон гай аюулай дууһан зайлатар Һүмэдэ хэншье орожо шадаагүй.

Гэршэлгэ 22:1

Болор мэтэ ялалзаһан амидаралгын уһанай гол мүрэниие удаань намда Эльгээмэл харуулаа. Тэрэ гол мүрэн Бурханай болон Үргэлэй Хурьганай хаан шэрээгэй дороһоо урдан гарадаг.

Гэршэлгэ 22:5

Тэндэнь дахин һүни болохогүй, тэдэндэ дэнгэйшье гэрэл, наранайшье туяа ондоо хэрэггүй, юуб гэбэл, тэдэниие Эзэн Бурхан гэрэлтүүлхэ. Тиин тэдэнэр хэтын хэтэдэ хаан түрэ засаг барижа байха.

Гэршэлгэ 4:3

Хаан шэрээ дээрэ тэрэ Һуугаашань үнэтэ хас шулуун, мана шулуун шэнгеэр толоржо байба. Хаан шэрээень тойроод, номин шулуун мэтээр һолонго ялалзан татажа байба.

Гэршэлгэ 4:6

Баһа хаан шэрээгэй урда болор мэтэ сэбэр тунгалаг шэл далай шэнги юумэн байба. Хаан шэрээгэй дүрбэн буланда дүрбэн амитад байба. Тэдэ амитад урдаһаашье, хойноһоошье тон олон нюдэтэй һэн.