Гэршэлгэ 2:3 - Библи

³ таанад ехэ бэрхэшээлнүүдые гаталаат, тэсэбэритэй байнат, Минии нэрэ хүндын түлөө эсэшэ сусашагүйгөөр ажаллаат гэжэ мэдэнэб.

Шэнэ Хэлсээн

³ таанад ехэ бэрхэшээлнүүдые гаталаат, тэсэбэритэй байнат, минии нэрэ хүндын түлөө эсэшэ сусашагүйгөөр ажаллаат гэжэ мэдэнэб.

Гэршэлгэ 2:3 ပူးပေါင်းရင်းမြစ်များ

Псалманууд 37:7

Би бүхыгөөб, угаа доошоо тонгойгооб, бүхэлиин үдэр гай гасалантай ябанам.

Михей 7:9

Би Тэрэнэй урдаһаа нүгэл хэһэн тула хэрэгыем Тэрэнэй шиидхэтэр, намайе шүүтэрнь Эзэнэй уур хилэн тэсэн ябахаб. Тэрэ намайе гэрэлдэ гаргаха. Тиигээд би үнэн зүбыень хараха болоноб.

Марк 15:21

Харгыдаа тэдэнэр хээрэһээ гэртээ бусажа ябаһан Хэрээн нютагай Симон гэдэг хүнтэй уулзаба. Сэрэгшэд тэрэниие Иисүүсэй хэрээһэ үргэлөөд ябахыень баалаба. (Симон болбол Александр Рүүф хоёрой эсэгэ байгаа.)

Лука 14:27

Хэрээһээ үргэлөөд, Намтай ябалсаагүй хүн Минии шаби боложо шадахагүй.

Лука 18:1

Һанаа үнөөндөө дарагдаһанай хэрэггүй, саг үргэлжэ Бурхандаа зальбаржа ябаха ёһотой гэжэ ойлгуулхын тула Иисүүс иимэ һургаалта үгэ шабинартаа хөөрэбэ:

Лука 21:19

Намда үнэн сэхэ байһанайнгаа ашаар таанад абарагдахат.

Лука 5:5

– Багша аа, бидэ бүхэли һүниндөө загаһашалаад, юушье баряагүйбди. Теэд Танай хэлээ хада губшуураа хаяһуул даа, – гэжэ Симон харюусаба.

Лука 8:15

Үрэжэлтэй газарта унаһан үрэһэн гээшэнь – номнол үгэнүүдые шагнажа, сэдьхэлдээ бүхөөр хадагалжа, тэсэбэритэй ябажа, аша үрэ асарагшад тухай хэлэгдэнэ.

Иоанн 15:21

Намһаа боложо таанарые намнаха, юундэб гэбэл, Намайе хэн эльгээгээб гэжэ тэдэ мэдэнэгүй.

Римэйхиндэ 12:12

Найдалаараа урмашажа, зоболон бэрхэшээлнүүдтэ тэсэбэритэй байжа, саг үргэлжэ зальбаржа байгты.

Римэйхиндэ 16:12

Эзэндэ алба хэжэ байһан Трюфана Трюфоса хоёрто, Эзэнэй аша туһада аргагүй ехэ ажал бүтээһэн инаг хайрата Персидэдэ мэндые дамжуулаарайгты.

Римэйхиндэ 2:7

Һайн һайхан хэрэгүүдые бүтээжэ ябадаг, алдар соло, нэрэ түрэ, һүнэшэгүй ажамидарал бэдэржэ байдаг зондо Бурхан мүнхын амидарал үршөөхэ.

Римэйхиндэ 8:25

Харин хараагүй юумэндээ найдахадаа бидэ ехэл тэсэбэритэйгээр хүлеэдэгбди.

Коринфынхидтэ 1-дэхи 13:7

Хайра дуратай хүн хэзээшье орхидоггүй, ходо этигэдэг, найдадаг, бүхы юумэ тэсэбэритэйгээр дабадаг.

Коринфынхидтэ 1-дэхи 16:16

тиимэл хүнүүдэй ба тэдэнтэй ажаллажа, алба хэжэ байһан хүнүүдэй хүтэлбэри доро ябагты гэжэ таанадые гуйнаб.

Коринфынхидтэ 2-дохи 10:15

Тиигээд бидэ Бурханай маанадта тогтооһон хилын саана ажаллажа байһан бусад зоной ажалаар һайрханагүйбди. Харин танай һүзэгэй бэхижэхэдэ, таанад Бурханай тогтооһон хэмжээе хэтэрүүлэнгүй маанадые магтахат гэжэ найданабди.

Коринфынхидтэ 2-дохи 11:23

Тэдэнэр Христоосой зарасанар гү? Тиихэдэ би тэдэнһээ үлүү һайн зарасань гээшэб. Тиигэжэ үбэштэйрһэндэл хэлэһэмни мэдээжэ. Би тэдэ зонһоо үлүү ехээр ажаллажа, бүри оло дахин түрмэдэ орооб, тоогүй оло дахин ташуурдуулан хэһээлгээд, үхэн алдааби.

Коринфынхидтэ 2-дохи 4:1

Бурханай үршөөл хайраар бидэ иимэ ажал хэнэбди, тиихэдээ урмаа хухарнагүйбди.

Коринфынхидтэ 2-дохи 4:16

Иимэһээл бидэ хэзээшье урмаа хухардаггүйбди. Бэемнай хуушаржа байбашье, досоогоо үдэрһөө үдэртэ бидэ шэнэлнэбди.

Коринфынхидтэ 2-дохи 5:9

Тиимэһээ эндэхи гэртээ байха сагтаашье, Бурханай тэнгэриин гэртэ байха үедөөшье бидэ бүхы хүсэ шадалаараа Тэрээндэ һайшаагдаха гэжэ оролдодогбди.

Коринфынхидтэ 2-дохи 6:5

Бидэ сохюулһан, түрмэдэ һууһан, һүрэг зондо дайруулһан байгаабди. Бидэ аргагүй ехээр ажалладаг, амаралта нойргүй, эдеэ хоолгүй ябадаг һэмди.

Галадуудта 6:2

Христоосой үгэһэн «хуули» иимэ: бэе бэеынгээ ашаа бэрхэшээлые хубаалсажа, бэе бэедээ туһалжа байгты.

Галадуудта 6:9

Тиимэһээ эсэхэ сусахые мэдэнгүйгөөр һайн юумэ хэжэ ябагты. Гэдэргээ сухаряагүй һаа, бидэ саг болзортонь ургасаа хуряахабди.

Филиппынхидтэ 4:3

Шишье, үнэн сэхэ хүдэлмэрилэгшэмни, баһа тэдэ эхэнэрнүүдтэ туһалаарай. Тэдэнэр намтай, Клементтэй болон бусадшье һүзэглэгшэдтэй хамта Һайн Мэдээсэлые эдэбхитэйгээр дэлгэрүүлээ юм. Тэдэ зоной нэрэнүүдынь мүнөө Бурханай номдо бэшэгдээ.

Колоссынхидтэ 1:11

Тэрэнэй алдарта хүсэ шадалаар бэхижэн, таанад аргагүй ехэ тэнхээ тэсэбэритэй болохот. Тиимэһээ тэнгэриин гэрэл туяада Өөрынгөө һунгаһан хүнүүдтэ бэлдээд байһан юумые хубаалсаха эрхэ таанадта үгэһэн Эсэгэ Бурхандаа баяртайгаар баясхалан хүргэгты.

Фессалоникиинхидтэ 1-дэхи 1:3

Эсэгэ Бурханай урда тээ этигэл һүзэгөө хэрэг дээрээ бэелүүлдэг байһыетнай, хайра дуран ажалыетнай бэхижүүлдэг байһыень, Эзэн Иисүүс Христоосто бэхи батаар найдажа байдагыетнай бидэ үргэлжэ һанадагбди.

Фессалоникиинхидтэ 1-дэхи 2:9

Аха дүүнэрни, яажа ажаллажа, эсэжэ сусажа байһан тухаймнай таанад һанана байхат. Таанадта ямаршье бэрхэшээл ушаруулхагүй гэжэ бидэ таанадта Бурханай Һайн Мэдээсэлые үдэр һүнигүй номнодог һэмди.

Фессалоникиинхидтэ 1-дэхи 5:12

Аха дүүнэрни, таанадай дунда ажаллажа, Бурханда һайшаагдаха ажамидаралда таанадые хүтэлжэ, һургажа байһан хүнүүдые хүндэлжэ байгты гэжэ бидэ гуйнабди.

Фессалоникиинхидтэ 2-дохи 3:13

Аха дүүнэрни, таанад ходол үлзытэй юумэ бүтээжэ ябагты.

Фессалоникиинхидтэ 2-дохи 3:5

Бурханай хайра дурые мэдэрүүлжэ, Христоосой ерэхые хүлеэхэ тэсэбэри Эзэн таанадта үршөөг лэ.

Фессалоникиинхидтэ 2-дохи 3:8

Бидэ хэнээшье туһаламжые түлөөһэгүй абадаггүйбди. Таанадай хэндэшье ашаан болохогүй гэжэ бидэ үдэр һүнигүй ажалладаг һэмди.

Тимофейдэ 1-дэхи 4:10

Амиды Бурханда найдажа байһан хадаа бидэ тэмсэжэ, хүндэ ажал хэжэ байнабди. Ушарынь юуб гэхэдэ, амиды Бурхан бүхы хүнүүдэй, илангаяа һүзэглэгшэдэй Абарагша мүн.

Тимофейдэ 1-дэхи 5:17

Һайн хэрэг бүтээжэ байгаа хүтэлэгшэд, аргагүй оролдосотойгоор номножо, һургажа байһан хүнүүд дабхар шагнал абаха эрхэтэй.

Еврейнүүдтэ 10:36

Бурханай эрхэ хүсэлые бэелүүлэн, найдуулһан юумыень абаха гэбэл, таанад тэсэбэритэй байха ёһотойт.

Еврейнүүдтэ 12:1

Маниие тойроод үүлэндэл мэтэ олон гэршэнэр байна. Тиимэһээ бидэ замдамнай һаатуулжа байһан бүхы юумэнүүдһээ, тиихэдэ бидэниие амарханаар хүлижэрхидэг нүгэлһөө сүлөөлэгдэжэ, урдамнай байһан, бидэндэ заяагдаһан замаар ябаял.

Еврейнүүдтэ 13:13

Бидэшье Тэрэниие угтан, хотоһоо гаража, доромжолуулгыень хубаалсаял.

Еврейнүүдтэ 6:10

Бурхан болбол найдабаритай үнэн сэхэ юм. Тэрэ хэһэн хэрэгүүдыетнай, бусад һүзэглэгшэдтэ туһалһан, мүнөөшье туһалан, Өөртэнь үзүүлһэн хайра дурыетнай мартахагүй.

Еврейнүүдтэ 6:12

Таанадые залхуурангүй, һүзэг этигэлтэй, тэсэбэритэй байгаад, Бурханай найдуулһан юумые хүлеэжэ абадаг хүнүүдтэл адли байхыетнай хүсэнэбди.

Еврейнүүдтэ 6:15

Абраһаам ехэл тэсэбэритэй байжа, Бурханай найдуулһанда хүртөө.

Гэршэлгэ 1:9

Би Иисүүсэй шаби, Иоанн ахатнай гээшэб. Бурханай хаан түрын эрхэтэн мүн туладаа би таанартал адляар зобон тулижа, тэбшэн тэсэжэ байнаб. Бурханай үгэ номноһонойнгоо, Иисүүсые гэршэлһэнэйнгээ түлөө би Патмос гэжэ олтирогто сүлэгдөө һэм.

Гэршэлгэ 3:10

Тэсэбэритэй байха тухай Минии зарлиг заабариие сахиһан туладатнай, газар дэлхэйнхидые туршажа үзэхэеэ бүхы юртэмсэдэ тохёолдохоёо байгаа гай аюулай үедэ Би таанадые хамгаалан үлөөхэб.