Гэршэлгэ 2:13 - Библи

¹³ таанад сатанагай хаан шэрээгэй газарта байдагта гэжэ Би мэдэнэб. Зүгөөр таанад Намда үнэн сэхээр хандадагта, сатанагай байдаг газартатнай Минии үнэн сэхэ гэршэ Антипын алуулһан үдэрнүүдтэшье Намһаа арсаагүйт.

Шэнэ Хэлсээн

¹³ таанад сатанагай хаан шэрээгэй газарта байдагта гэжэ би мэдэнэб. Зүгөөр таанад намда үнэн сэхээр хандадагта, сатанагай байдаг газартатнай минии үнэн сэхэ гэршэ Антипын алуулһан үдэрнүүдтэшье намһаа таанад арсаагүйт.

Гэршэлгэ 2:13 ပူးပေါင်းရင်းမြစ်များ

Матвей 10:23

Таанарые нэгэ хотодо хашажа мүрдэбэлнь, ондоо хото руу зугадажа ошогты. Ушарынь хэлэбэл, Израилиин бүхы хотонуудаар таанарай ябажа үрдеэгүй байтар Хүн түрэлхитэнэй Хүбүүн заларжа ерэхэ гэжэ Би таанадта баталан хэлэнэб.

Матвей 24:9

Тэрэ үедэ таанарые барижа хааха, тамалха, алаха. Минии түлөө таанадые бүхы арадууд үзэн ядаха.

Матвей 4:10

Тиихэдэнь Иисүүс шолмосто: – Ай, сатана! Намһаа зайла! «Ши Эзэн Бурхандаал шүтэжэ, гансал Тэрээндэ алба хэжэ бай!» – гээд Нангин Бэшэг соо хэлэгдэнэ, – гэжэ харюусаба.

Лука 21:17

Минии түлөө таанадые булта үзэн ядаха.

Хэрэгүүд 22:20

Мүн Танай гэршэ Стефанай шуһа адхархада би хажуудань байгааб, тэрэнэй алууршадай тала барин, хубсаһануудыень харууһалжа байгааб».

Хэрэгүүд 9:14

Мүнөөшье тэрэ Танай нэрэ алдарта һүзэглэгшэдые барижа хааха эрхэ түрүү санаартадһаа абаад иишэ ерээ, – гэжэ Анания харюусаба.

Фессалоникиинхидтэ 1-дэхи 5:21

Бүхы юумые шалгажа үзөөд, һайнииень баримталжа ябагты.

Тимофейдэ 1-дэхи 5:8

Өөрынгөө аба эжыдэ, илангаяа гэр бүлэдөө һанаагаа табидаггүй хүн һүзэгһөө арсаба, тиимэ хүн һүзэглэдэггүй хүнһөө доро гээшэ.

Тимофейдэ 2-дохи 1:13

Минии шамда хөөрэһэн үнэн зүб һургаалые хатуугаар баримталжа ябаарай. Тэрэ һургаал шамда жэшээ боложо байг. Иисүүс Христоостой нэгэдэхэдээ олоһон һүзэг, хайра дураяа бадараажа ябаарай.

Тимофейдэ 2-дохи 2:12

Хэрбээ бидэ зоболонгуудые дабажа байбал, Тэрээнтэйл хамта зонхилхобди. Хэрбээ бидэ Тэрээнһээ арсабал, Тэрэ баһал бидэнһээ арсаха.

Еврейнүүдтэ 10:23

Бурхан найдуулһанаа дүүргэхэ гэжэ этигэлтэй һаа, этигэжэ байһан тэрэ найдуулгаяа бата баримталан ябаял.

Еврейнүүдтэ 3:6

Харин Христоос тэрээндэ орходоо Бурханай гэртэ байһан Хүбүүндэл адли найдабаритай. Өөһэдынгөө этигэжэ байһан зориг ба найдабари хадагалжа байбал, бидэ Тэрэнэй гэрынь болохобди.

Яковай хандалга 2:7

Таанадта үгтэһэн Эзэнэй алдар нэрые тэдэнэр лэ муулан муудхана бэшэ аал?

Гэршэлгэ 1:5

мүн үнэн бодото Гэршэ байһан, үхөөд, анха түрүүн амидырһан, газар дэлхэйн хаашуулай Эзэн бологшо Иисүүс Христоосһоо таанадта амгалан байдал, буян хэшэг үршөөгдэнэ. Иисүүс Христоос манда дуратай, тиимэһээ Өөрынгөө шуһа адхажа, бидэниие нүгэлһөөмнай сүлөөлөө.

Гэршэлгэ 11:3

Би хоёр гэршэнэрээ эльгээхэб: тэдэмни уйдхар гашуудалай хубсаһа үмдөөд, мянга хоёр зуун жаран үдэр соо Бурханай үгэ айладхажа ябаха».

Гэршэлгэ 12:11

Манай аха дүүнэр Үргэлэй Хурьганай шуһаар, мүн гэршэлһэн үгөөрөө тэрэ гэмнэгшые илаа. Аха дүүнэрнай ами наһаа гамнаагүй, үхэлһөө айгаагүй.

Гэршэлгэ 13:2

Минии хараһан арьяатан болбол эрбэдэй түхэлтэй, хүлнүүдынь баабгайнхитай адлишуу, аманиинь арсаланайхи шэнги. Тэрэ арьяатанда луу өрынгөө хаба шадал, хаан шэрээ, тон ехэ түрэ засаг үгэбэ.

Гэршэлгэ 14:12

Бурханай табисуурта зон, Бурханай захяа заабари сахижа, Иисүүстэ үнэн сэхэ ябадаг хүнүүд тэсэбэритэй шанга байха ёһотой гэжэ эдэ үгэнүүдһээ элирнэ бшуу!

Гэршэлгэ 17:14

Тэдэ хаанууд Үргэлэй Хурьганай урдаһаа дайлалдаха, тиин Үргэлэй Хурьган Тэрэнэй урижа асарагшадтай, Тэрэнэй шэлэжэ абагшадтай, Тэрээндэ үнэн шударгы байгшадтай хамта тэмсэжэ тэдэниие диилэхэ. Юуб гэбэл, Үргэлэй Хурьган эзэдүүдэй Эзэн, хаануудай Хаан мүн».

Гэршэлгэ 17:6

Бурханай арад зоной шуһа, Иисүүсэй гэршэнэрэй шуһа уугаад, тэрэ эхэнэрэй һогтошоод байхые харахадаа, гайхахын ехээр гайхабаб.

Гэршэлгэ 2:2

танай бүтээһэн үйлэ хэрэгые, танай хэһэн ажалые, танай тэсэбэриие Би мэдэнэб. Хара һанаатанда таанад тон дурагүйт гэжэ мэдэнэб, Иисүүсэй элшэд бэшэ аад, элшэнэрынь гээшэбди гээд өөһэдыгөө тоологшодые шалгажа үзөөд, тэдэнэр хадаа худалшад, мэхэшэд мүн гэжэ элирүүлһыетнай Би мэдэнэб;

Гэршэлгэ 3:11

Иигээд удангүй ерэхэб. Илалтынтнай аша үрые хэнэйшье абажа ябашахагүйн тула бии байһан юумэеэ шангаар баряад байгаарайт.

Гэршэлгэ 3:3

Таанад юу абаа, юу дуулаа һэмта, тэрэнээ сахин хадагалжа байгты, нүгэл хэхэеэ болигты! Хэрбээ һэргэлэн байгаагүй һаатнай, Би таанадта хулгайшан шэнгеэр гэнтэ ерэхэб, хэдыдэ ерэһыемни мэдэхэгүйт.