Гэршэлгэ 19:10 - Библи

¹⁰ Би газарта һунан хэбтэжэ, хүлдэнь мүргөөб. Теэд тэрэ намда хэлэбэ: «Иимэ юумэ бү хээрэй, мэдэжэ бай! Би Иисүүс тухай гэршэлдэг шамтайл адли, шинии аха дүүнэртэл адли зарасань гээшэб! Бурханда һүгэдэн мүргэ! Иисүүс тухай гэршэлэгшэд лүндэншэдые урмашуулдаг һүлдэтэй».

Шэнэ Хэлсээн

¹⁰ Би газарта һунан хэбтэжэ, хүлдэнь мүргөөб. Теэд тэрэ намда хэлэбэ: «Иимэ юумэ бү хээрэй, мэдэжэ бай! Би Иисус тухай гэршэлдэг шамтайл адли, шинии аха дүүнэртэл адли зарасань гээшэб! Бурханда һүгэдэн мүргэ! Иисус тухай гэршэлэгшэд лүндэншэдые урмашуулдаг һүлдэтэй юм».

Гэршэлгэ 19:10 ပူးပေါင်းရင်းမြစ်များ

4 Хаан түрэнүүд 17:36

Харин Өөрынгөө агууехэ хүсөөр, Өөрынгөө баруун гараар таанадые Египедһээ гаргаһан гансал Эзэндэ ёһологты, гансал Тэрээндэ мүргэгты, гансал Тэрээндэ үргэл үргэгты.

Псалманууд 45:11

Аалидагты, Намайе Бурхан гэжэ мэдэгты. Үндэһэтэдэй дунда, газар дэлхэй дээрэ үргэмжэлэгдэхэб!

Египедһээ гаралга 34:14

Эзэнһээ ондоо бурханда һүгэдэхэ ёһогүйт! Юундэб гэхэдэ, Эзэнэй нэрэнь – Жүтөөрхэл! Өөрын юумэ нарин сахигша Бурхан гээшэ!

Даниил 2:46

Тиихэдэнь Навуходоносор хаан Даниилай урда доро дохижо, бэлэг үргэл, үнэтэ уталгануудые тэрээндэ үгэхыень захирба.

Даниил 7:10

Тэрээнһээ гал дүлэн гол мэтэ урдажа байгаа. Мянганай мянган Тэрээндэ алба хэжэ, түмэнэй түмэн урдань зогсожо байгаа. Шүүбэрилэгшэд һуужа, номууд нээгдэбэ.

Матвей 4:10

Тиихэдэнь Иисүүс шолмосто: – Ай, сатана! Намһаа зайла! «Ши Эзэн Бурхандаал шүтэжэ, гансал Тэрээндэ алба хэжэ бай!» – гээд Нангин Бэшэг соо хэлэгдэнэ, – гэжэ харюусаба.

Марк 5:22

Мүргэлэй гэрэй дарганарай нэгэн болохо Яһиир гэжэ нэрэтэй хүн тиишэ ерээ. Иисүүсые хараад, тэрэ хүлдэнь унажа,

Марк 7:25

Ада шүдхэртэ барюулһан басаганай эхэнь Иисүүс тухай дуулаад, Тэрээндэ ерэжэ, хүлдэнь унаба.

Лука 1:19

– Би болбол Бурханай ойро оршодог Габриһээл гээшэб. Энэ һайн мэдээсэл дуулгахыемни Бурхан намайе шамда эльгээгээ юм.

Лука 24:44

Һүүлээрнь Иисүүс тэдэндэ хэлэбэ: – Нам тухай Моисейн Хуули соо, лүндэншэдэй номууд соо, Бурханай магтаалнууд соо бэшэгдэһэн бүхы юумэн бэелхэ гэжэ Би таанадтаяа байхадаа хэлээ һэнби. Тиимэл юумэн болоо.

Иоанн 5:39

Мүнхын амидарал олохобди гэжэ этигэн, таанар Нангин Бэшэгые оролдосотойгоор шудалнат. Теэд Нангин Бэшэгтэшье Нам тухай гэршэлэн хэлэгдэнэ!

Хэрэгүүд 10:43

Тэрээндэ этигэһэн хүн бүхэндэ нэрэ алдарайнь хүсөөр нүгэлынь хүлисэгдэхэ гэжэ бүхы лүндэншэд гэршэлнэ.

Хэрэгүүд 13:27

Иерусалимда ажаһуугшад ба захирагшад Бурханай табисууртые таняагүй, Тэрэниие гэмнээд, суббото бүхэндэ уншадаг лүндэншэдэй ном соо бэшэгдэһые бүтээгээ.

Коринфынхидтэ 2-дохи 8:7

Таанад һүзэг этигэлээрээ, үгэ хүүрээрээ, мэдэлгээрээ, оролдосоороо, маанадта хандуулһан хайра дураараа аргагүй баян бардам хүнүүд гээшэт. Тиимэһээ энэшье үлзы һайн ажалаа хэнһээшье үлүү һайнаар дүүргэхыетнай хүсэнэбди.

Эфесэйхиндэ 5:15

Тиимэһээ өөһэдынгөө алхамуудые бодомжолжо үзөөд хэжэ байгты. Тэнэг хүнүүдтэл адли бэшэ, харин сэсэн хүнүүдтэл адли өөһэдыгөө абажа ябагты.

Эфесэйхиндэ 5:33

Гэхэдэ энэ бүхэн таанадташье хабаатай: ямаршье эрэ өөртөө дуратай байһандал адляар һамгандаа дуратай байха ёһотой, тиин ямаршье эхэнэр нүхэрөө хүндэлжэ ябаха ёһотой.

Филиппынхидтэ 3:3

Тэдэнэр бэшэ, харин бидэнэр жэнхэни «отолуулга» хэһэн зон гээшэбди, юуб гэбэл, бидэ Бурханай Һүлдын ашаар Бурханда мүргэжэ, Иисүүс Христоостой нэгэдэһэндээ бахархан баясанабди. Бидэ бэеын эрхэтэнэй отолуулха ёһололдо найданагүйбди.

Фессалоникиинхидтэ 1-дэхи 5:15

Таанадта муу юумэ хэхэдэнь, харюудань муу юумэ бү хэгты, харин бэе бэедээ, хүн бүхэндэ ходо һайн юумэ хэхые оролдогты.

Еврейнүүдтэ 1:14

Тиихэдээ Эльгээмэлнүүд хэд гээшэб? Тэдэ Бурханда алба хэжэ, абарагдаха ёһотой хүнүүдтэ туһалхаар Бурханай эльгээһэн һүлдэнүүд гээшэ.

Еврейнүүдтэ 12:25

Эзэнэй айладахадань, шагнахагүйбди гэжэ бү арсаарайгты. Тэрэнэй газар дэлхэй дээрэ айладахадань, шагнангүй Өөрыень буруушааһан хүнүүд хэһээлтэһээ мултараагүй. Харин тэнгэриһээ айладахадань, арсабал, хэһээлтэһээ бүришье мултархагүйбди.

Иоаннай 1-дэхи хандалга 5:10

Бурханай Хүбүүндэ этигэдэг хүнэй зүрхэ сэдьхэлдэнь энэ гэршэлгэнь байна. Харин Бурханда этигэдэггүй хүн Бурханиие худалша мэтэ харуулна, ушарынь гэбэл, Бурханай Өөрынгөө Хүбүүн тухай гэршэлхэдэнь, тэрэ хүн этигээгүй.

Иоаннай 1-дэхи хандалга 5:21

Үхибүүд, өөһэдыгөө хуурмаг бурхадһаа һэргылжэ ябагты.

Гэршэлгэ 1:1

Һаяар юун болохоёо байнаб гэжэ бүгэдыень зарасанартаа харуулхын тула, Иисүүс Христоосой гэршэлгые Бурхан Тэрээндэ даалгаа. Христоос Өөрынгөө зараса Иоаннда Эльгээмэлые ябуулжа, энээн тухай соносхоо.

Гэршэлгэ 1:9

Би Иисүүсэй шаби, Иоанн ахатнай гээшэб. Бурханай хаан түрын эрхэтэн мүн туладаа би таанартал адляар зобон тулижа, тэбшэн тэсэжэ байнаб. Бурханай үгэ номноһонойнгоо, Иисүүсые гэршэлһэнэйнгээ түлөө би Патмос гэжэ олтирогто сүлэгдөө һэм.

Гэршэлгэ 12:11

Манай аха дүүнэр Үргэлэй Хурьганай шуһаар, мүн гэршэлһэн үгөөрөө тэрэ гэмнэгшые илаа. Аха дүүнэрнай ами наһаа гамнаагүй, үхэлһөө айгаагүй.

Гэршэлгэ 12:17

Тиихэдэнь луу тэрэ эхэнэртэ ехээр сухалдан хэрүүлхэжэ, эхэнэрэй бусад үхибүүдтэй дайлалдахаяа ошобо. Тэдэ үхибүүдынь Бурханай захяа заабариие дүүргэжэ, Иисүүсэй үнэн зүб һургаалые үнэн сэхээр сахидаг һэн.

Гэршэлгэ 14:7

«Бурханһаа айжа түбэгшөөжэ байгыт! Тэрэнэй алдар солые суурхуулан магтажа байгыт! Юуб гэбэл, Бурханай зарга шүүбэри хэхэ сагынь ерээд байнал! Огторгой тэнгэриие, газар дайдые, далай мүрэнүүдые Бүтээгшын урда һүгэдэн мүргыт!»

Гэршэлгэ 15:4

Хэн Танһаа айхагүйб даа, Эзэн Бурхан, Танай нэрэ солые хэн алдаршуулан магтахагүйб даа?! Гансал Та нангин гэгээнта! Бүхы арадууд Танай урда һүгэдэн унажа мүргэхэл. Юундэб гэбэл, Танай үнэн зүб хэрэгые бултадаа үзөө хараа.

Гэршэлгэ 19:9

Удаань намда Эльгээмэл иигэжэ хэлэбэ: «Буулгажа бэшээд аба! Үргэлэй Хурьганай түрэ найрта урилга абагшад жаргалтай! Энэ Бурханай хэлэһэн ёһотойл үнэн зүб үгэнүүд гээшэ!»

Гэршэлгэ 4:10

хорин дүрбэн ахамадууд хаан шэрээ дээрэ Һуугаашын урда тээ унан һүгэдэн мүргэхэ, хэтэ мүнхэ Амидарагшын урда доро дохин мүргэхэ, тиин хаан шэрээгэйнь урда титим малгайнуудаа табяад, иигэжэ хэлэхэ: