Гэршэлгэ 18:13 - Библи

¹³ Эдеэ амтатай болгодог зүйлнүүдыень, һайхан үнэртэй ургамалай шүүһыень, хүжэ санзайень, либанон гэдэг уталгыень, үзэмэй дараһан архииень, оливай тоһыень, хурабшаадхан сагаан гурилыень, шэниисэ таряаень, үхэр, хони, моринуудыень, ута тэргэнүүдыень, барлагуудыень, сэрэгэй баряанда олзологдоһон хүнүүдыень ондоо хэншье саашадаа абахагүйл.

Шэнэ Хэлсээн

¹³ Эдеэ амтатай болгодог зүйлнүүдыень, һайхан үнэртэй ургамалай шүүһыень, хүжэ санзайень, либанон гэдэг уталгыень, архи дарһыень, оливай тоһыень, хурабшаадхан сагаан гурилыень, шэниисэ таряаень, үхэр, хони, моринуудыень, ута тэргэнүүдыень, барлагуудыень, сэрэгэй плендэ абтаһан хүнүүдыень ондоо хэншье саашадаа абахагүйл.

Гэршэлгэ 18:13 ပူးပေါင်းရင်းမြစ်များ

3 Хаан түрэнүүд 10:10

Тиигээд тэрэ хаанда асарһан бэлэгүүдээ барюулба: зуун хорин талаант шэжэр алта, үнэтэ эрдэни шулуунуудые, үнэтэ хангалтай гүгэлнүүдые. Соломоон хаанда Шэбаагай хатанай бэлэглэһэнһээ үлүү иимэ ехэ гүгэл бэшэ хэзээдэшье асаржа байгаагүй юм.

3 Хаан түрэнүүд 10:15

Энээнһээ гадна аралжаа наймаа эрхилэгшэдһээ, Аравиин хаашуулай, Израилиин можо нютагуудай ноёдһоо алта мүнгэн хаанай һан руу орожол байгша һэн.

3 Хаан түрэнүүд 10:25

Жэлһээ жэлдэ хаанда ерэһэн хүн бүхэн бэлэг асардаг һэн: алта, мүнгэн амһартануудые, хубсаһа хунар, дайнай зэбсэгүүдые, үнэтэ гүгэлнүүдые, хурдан моридые, лууснуудые бэлэг болгон баридаг байгаа.

1 Угай бэшэг 5:21

Иигэжэ тэдэ үхэр малыень эзэмдэн абаа: табин мянган тэмээ, хоёр зуун табин мянган жэжэ мал, хоёр мянган элжэгэ. Зуун мянган хүниие баряанда абаа.

2 Угай бэшэг 9:9

Тиигээд тэрэ хаанда асарһан бэлэгүүдээ барюулба: зуун хорин талаант шэжэр алта, үнэтэ эрдэни шулуунуудые, үнэтэ хангалтай гүгэлнүүдые. Соломоон хаанда Шэбаагай хатанай бэлэглэһэнтэй адли иимэ һайхан гүгэл бэшэ хэзээдэшье асаржа байгаагүй юм.

Нэхэмьяа 5:8

ноёд һайдта иигэжэ хэлэбэб: – Бидэ ондоо шажантанда худалдагдаһан аха дүү иудейнүүдээ арга шадалаараа бусаажа абахые оролдонобди. Харин тиихэдэ таанар өөһэдынгөө аха дүүнэрые наймаалжа байхат! Дахин бидэ тэдэниие худалдажа абаха болоно гүбди?! Тэдэнэр шэмээгүй, юушье хэлэхэ аргагүй байбад.

Египедһээ гаралга 21:16

Хүниие хулгайлжа, худалдаһан хүнэй (үгы гэбэл, хулуулгаһан хүн тэрээндэ олдобол) ами таһалха ёһотой.

Һургаал 7:17

Орондоо миро тоһоной, зуу наһатын, халуун үбһэнэй хангал һайхан үнэр оруулааб.

Дуунай дуун 1:3

Алимши, хайратамни, түргэлыш! Гарһаамни хүтэлөөд гүйгыш! Сэдьхэл зүрхэнэйм хаамни, өөрын таһалгада оруулыш! Инаг шиниимни хажууда ерэһэн бүхы басагад жаргалда умбана. Илдам һайхан дураншни үзэмэй дараһан архиһаа үлүү дэгдээнэ. Эмэгтэйшүүл шамайе харамсаараа эльгэлэн ехэ дурлан байна.

Дуунай дуун 3:6

Сүл губиһаа хэн ерээб? Ямар эмэгтэй тэндэһээ ерэбэб? Сан табижа, утаа бааюулан, гүгэлэй үнэр анхилуулнам.

Дуунай дуун 5:5

Инаг тэрэнээ оруулжа асархаяа яаран бодожо, хаалга руу ошоходом, үүдэнэй барюулда үнэртэ тоһон гарһаамни дуһалан байгаал даа.

Исай 50:1

Эзэн иигэжэ айладхана: «Һамгантаяа һалажа байһан хүндэл адли Өөрынгөө арад түмэниие Намайе үлдөө гэжэ һанаа гүт? Тиимэ юм һаа, һалаһанай гэршэлгэ саарһанууд хаанаб? Өөрынгөө үхи хүүгэдые богоол болгон худалдагша хүндэл адли таанадые үритэй хүндөө худалдаа гэжэ Нам тушаа һанаба гүт? Үгы, таанад өөрынгөө нүгэлэй түлөө баряанда туугдан ошоот, өөрынгөөл зэмэтэйдэ үлдүүлээт.

Эзэкээл 27:13

Яваан, Тубаал, Мээшэх барлагуудаар, гуулин амһартануудаар шинии эд бараае андалдан абадаг бэлэйл.

Амоос 2:6

Эзэн иигэжэ айладхаа: Израилиин улад зон гэмээ нэмээһээр. Шиидхэһэнээ Би болюулхагүйб! Гэмгүй хүниие мүнгөөр, үгырһэн нэгэниие нэгэ паар шаахайгаар худалдажа байгаал!

Амоос 6:6

Иосифой уг удамай һалажа байгаа тухай түр зуурханшье һанаа зобонгүй, тахилай аягаһаа үзэмэй дараһан архи уужа, эрхим гүгэл түрхинхэй һуунат.

Амоос 8:6

Ядуу хооһон хүниие мүнгөөр, үгытэй хүниие хоёр паар шаахайгаар худалдан абахабди! Мэхиинэшье худалдажа шадахалди!

Хуули дабталга 24:7

Ямар нэгэн хүнэй өөрынгөө Израилиин арад түмэнһөө хэнииешьеб хулгайлжа, богоол болгон худалдаа гээшэ һаань, тэрэниие алаха хэрэгтэй. Иигэжэ өөһэдынгөө дундаһаа муу юумэ сарагты.

Хуули дабталга 28:68

«Энэ харгы замые дахин харахагүйт» гэжэ минии дамжуулан хэлэһэншье һаа, Эзэн таанадые далайн онгосонуудаар Египет руу бусааха. Тэндэ дайсадтаа богоол болохоёо бэеэ худалдажа эхилхэт, теэд таанадые худалдан абаха хүн олдохогүй.

Тимофейдэ 1-дэхи 1:10

зальхай ба ташаяан ябадалтай зондо, хүнүүдые хулуудаг, худал юумэ хэлэдэг, хуурмаг гэршэлгэ үгэдэг зондо, үнэн зүб һургаалда зохихогүй элдэб юумэ хэдэг зондо зорюулагданхай гэжэ һанажа байха хэрэгтэй.

Пётрой 2-дохи хандалга 2:3

Тэдэ хомхой хуурмаг һургагшад, зохёоһон үльгэрнүүдээ таанадта хөөрөөд, нилээн олзо өөһэдтөө олохо. Гэхэтэй сасуу хэһэн хэрэгүүдэйнь түлөө хэһээлтэ үни гэһээр бэлэн хүлеэжэ байна, тэдэнэй үхэлынь удахагүй.

Гэршэлгэ 18:14

Шинии сэдьхэн шунажа байдаг юумэнүүдшни үгы болошобо, шинии бүхы алдар соло, үнэтэ баялигшни хосорон һалаа. Ондоо тэдэшни хэзээш бусажа ерэхэгүй!

Гэршэлгэ 18:15

Эдэ бүхы эд бараануудые худалдажа, тэһэ баяжаһан наймаашад тэрэ ниислэлые холоһоо хараад, ядарал зоболонһоонь үхэтэрөө айһандаа, уйлан, гэгэн,