Гэршэлгэ 17:4 - Библи

⁴ Тэрэ эхэнэр улаабтар хүхэ ба шад улаан бүдөөр оёһон хубсаһатай, шэжэр алта, эрдэниин шулуу, һубад һубһа ялалзуулан зүүгээд байба. Гартаа алтан хундага баринхай. Тэрэ хундага соонь янхан эмын һамуу зальхай ябадалай жэрхэштэй муухай, бузар булай юумэнүүд хэгдээд байгаа.

Шэнэ Хэлсээн

⁴ Тэрэ эхэнэр улаабтар хүхэ ба шад улаан бүдөөр оёһон хубсаһатай, шэжэр алта, эрдэниин шулуу, һубад һубһа ялалзуулан зүүгээд байба. Гартаа алтан хундага баринхай. Тэрэ хундага соонь янхан эмын һамуу зальхай ябадалай жэрхэштэй муухай, бузар булай юумэнүүд хэгдээд байгаа.

Гэршэлгэ 17:4 ပူးပေါင်းရင်းမြစ်များ

3 Хаан түрэнүүд 14:24

Мүн янхан эрэшүүл тэрэ газарта байгаа. Израилиин улад зонһоо Эзэнэй намнан холодуулагша арадуудай жэгшүүритэй муухай хэрэгүүдые тэдэ хэдэг байгаа.

4 Хаан түрэнүүд 21:2

Тэрэ Эзэндэ таарамжагүй хэрэгүүдые хэбэ. Эзэнэй израильшуудта үгэһэн газар дээрэхи уул арадууд мэтээр тэрэ жэгшүүритэй муухай ябадалнуудые үйлэдэбэ.

Эзраа 9:11

Зараса лүндэншэдөөрөө дамжуулан мандаа захигша һэнта: «Эзэмдэхэеэ ошожо ябаһан газартнай буса зоной муу муухайһаа, нүгэлтэ ябадалнуудһаань захаһаа заха хүрэтэрөө бузарлагданхай.

Исай 66:3

Үргэл үргэжэ, үхэр алана гү, али хүниие алана гү; хурьга үргэл гэжэ үргэнэ гү, али нохойн хүзүү мушхана гү; орооһо таряа үргэнэ гү, али гахайн шуһа үргэнэ гү; уталга ууюулна гү, али шүтөөндэ мүргэнэ гү, – зондо хамаагүй болонхой. Бузар муухай юумэ хэхэдээ тэдэ баясадаг.

Ерэмияа 51:7

Бүхы дэлхэйе һогтуулжа байһан, Минии гартахи алтан хундага мэтэ һэн Вавилоон.

Гашуудал 1:9

Хормойнь муухай юумэндэ зуурагданхай. Тэрэ ерээдүй тухайгаа бодоогүй, тиимэһээ гэнтэ доройтон унаа. Хэншье тэрэниие һатааруулхагүй! «Эзэн! Минии гай зоболон анхарыт! Дайсадай угаа баярлажа байһые!»

Эзэкээл 20:30

Үбгэ эсэгэнэрэйнгээ жэшээ дагажа, жэгшүүрилтэ муухай онгонуудтань юундэ мүргэнэбта гэжэ Намайе, Эзэн Бурханиие, айладхана гээд Израилиин улад зондо дуулга.

Эзэкээл 24:11

Тиигээд хооһорһон тогоогоо аһажа байһан нүүрһэн дээрэ табигты, тиихэдэ тэрэ халаха. Иигэжэ жэбэнь үгы боложо, тогоон сэбэр арюун болохо.

Эзэкээл 24:13

Хэдышье сэбэрлээ һаам, ши, Иерусалим, жэгшүүритэй муухай, нүгэлтэй зандааш. Уур хилэнгээ гүйсэд гаргатарни ши сэбэр болохогүйш.

Эзэкээл 28:13

Ши диваажанай орондо, Эдээмэй сэсэрлигтэ амидаржа, үнэтэ шулуунуудаар бэеэ шэмэглэдэг һэнши. Рубин, топаз, ошор, берил, оникс, яспис, миндарга, номин, оюун болон алтаар хэгдэһэн зүүдхэлнүүдые үмдэдэг бэлэйш. Түрэһэн үдэршни тэдэ шамда зорюулагдан бүтээгдээ.

Эзэкээл 36:25

Сэбэр уһаар таанадые сүршэхэб, онгонуудые зайсуулхаб, иигэжэ муу муухай бузарһаа һалахат.

Даниил 11:38

Хэрэм ханануудай бурхандал тэрэ мүргэдэг байха. Үбгэ эсэгэнэрэйнгээ мэдэхэгүй энэ бурханиие алта, мүнгөөр, үнэтэ шулуунуудаар, элдэб баян бэлэгүүдээр тэрэ хүндэлдэг байха.

Һошээ 9:10

Эзэн иигэжэ айладана: – Израилиие анха түрүүн Минии олоходо, тэрэ сүл губида үзэмэй модондол, инжирэй модондо түрүүшын жэмэс мэтэ байгаа бэлэйл. Теэд тэрэ Пэһоорой Баалда эрьен ошожо, жэгшүүритэй муухай онгонуудта дуратай боложо, мүргэжэ эхилээ, тиигээд тэдээндээ адли болоо.

Хуули дабталга 29:17

Модоор, шулуугаар, мүнгөөр, алтаар хэһэн жэгшүүритэй шүтөөнүүдыень хараа бэлэйт.

Гэршэлгэ 14:8

Дары хойноһоонь баһа ондоо, хоёрдохи Эльгээмэл иигэжэ хашхаран ниидэжэ ябаа: «Бүхы арад үндэһэтэниие забхайралайнгаа бузар архи уулгажа хорлоһон агуу ниислэл Вавилоон хото хосороо, хосороо!»

Гэршэлгэ 18:12

Тэдэнэй обоо собоо алта, мүнгые, үнэтэ шулуунуудые, һубад һубһые, нарин улһые, шад улаан бүдөөр, дардам торгоор, үнэтэй улаабтар бүдөөр оёһон хубсаһыень, хоншуухан үнэртэй модонуудые, заанай яһаар хэһэн бүтээлнүүдые, үнэтэ модоор, гуули, түмэрөөр, гантиг шулуугаар хэһэн амһартануудыень ондоо хэншье саашадаа абахагүйл.

Гэршэлгэ 18:16

иигэжэ хэлэхэ: – Нарин гэгшын улһаар, алта мүнгөөр, үнгэтэ шулуу, һубадаар толоржо байһан үнэтэй сэнтэй улаан бүд хубсаһа үмдэһэн агуу ниислэл, шамда гашуудал зоболон тудаба!

Гэршэлгэ 19:2

Ушарынь хэлэбэл, Тэрэнэй шиидхэбэринүүд үнэн зүб юм! Бүхы газар дэлхэйнхидые зальхайруулһанайнь түлөө аргагүй забхай Янхан эмые Бурхан шүүбэрилэн гэмнээ! Зарасанарайнь шуһа адхаруулһанайнь түлөө Янхан эмые Бурхан хэһээгээ!

Гэршэлгэ 21:21

Арбан хоёр хаалгануудынь арбан хоёр һубадаар, хаалга болгониинь үргэлжэ хүжэ һубадаар хэгдээтэй. Хотын гол гудамжань шэл шэнги нэбтэ харагдажа байдаг сула алтаар хэгдэнхэй.

Гэршэлгэ 9:21

Бусад үлэһэниинь хүнүүдые аладаг, хюдадаг, эльбэ шэди үйлэдэдэг, забхай зальхай ябадал гаргадаг, хулгай худал хэдэг ябадалаа орхёогүй байһаар.