Гэршэлгэ 17:14 - Библи

¹⁴ Тэдэ хаанууд Үргэлэй Хурьганай урдаһаа дайлалдаха, тиин Үргэлэй Хурьган Тэрэнэй урижа асарагшадтай, Тэрэнэй шэлэжэ абагшадтай, Тэрээндэ үнэн шударгы байгшадтай хамта тэмсэжэ тэдэниие диилэхэ. Юуб гэбэл, Үргэлэй Хурьган эзэдүүдэй Эзэн, хаануудай Хаан мүн».

Шэнэ Хэлсээн

¹⁴ Тэдэ хаанууд Үргэлэй Хурьганай урдаһаа дайлалдаха, тиин Үргэлэй Хурьган тэрэнэй урижа асарагшадтай, тэрэнэй шэлэжэ абагшадтай, тэрээндэ үнэн шударгы байгшадтай хамта тэмсэжэ тэдэниие диилэхэ. Юуб гэбэл, Үргэлэй Хурьган эзэдүүдэй Дээдын Эзэн, хаануудай Хаан мүн».

Гэршэлгэ 17:14 ပူးပေါင်းရင်းမြစ်များ

Псалманууд 110:5

Тэрэ Өөрһөөнь түбэгшөөдэг зондо хоол үгэдэг, י Ёд хэлсээгээ хэтэдээ һанан байдаг. כ Каап

Ерэмияа 1:15

Юуб гэхэдэ, хойто зүгэй хаан түрэнүүдэй бүхы угсаатануудые ерэхыень Би дуудахаб. Тэдэ ерэжэ, хаан шэрээгээ Иерусалимай хаалгануудай хажууда, бүхы ханануудыень тойруулан, мүн Иудын бүхы хотонуудые тойруулан табиха.

Ерэмияа 50:44

Иорданай шугы шэдхэһээ тунга ногоон бэлшээри руу ошожо байһан арсаландал Би гаража, Вавилооной улад зониие гэнтэ орон нютагһаань тэрьедүүлхэб. Минии шэлэһэн хүн арад түмэниие хүтэлбэрилхэ. Хэн Намтай зэргэсэжэ шадахаб? Хэн Минии урдаһаа тулажа шадахаб? Ямар удамарша урдаһаамни һөөргэдэхэб?

Даниил 2:44

Тэдэ хаан түрэнүүдэй үедэ Огторгойн Бурхан хэтэ мүнхэдөө һандархагүй, бусад арадта диилдэхэгүй нэгэ хаан түрэ байгуулжа, тэрэнь бүхы хаан түрэнүүдые һандаргаажа, өөрөө мүнхэ оршохо.

Даниил 2:47

Тиигээд хаан Даниилда: – Үнэхөөрөөл танай Бурхан бурхадай дунда эгээл ехэ Бурхан, хаашуулай Захирагша, Нюуса нээгшэ мүн. Шинии энэ нюуса таажа хэлэхэдэ би энээндэ этигэбэб.

Даниил 7:21

Тэрэ эбэрэй гэгээшүүлэй урдаһаа байлдаа хэхые, диилэжэ байхыень би хараһан байнаб.

Захарияа 2:8

«Таанадые дээрмэдэһэн арадуудта Тэрэ намайе алдар солын тулада эльгээгээ, танай ойро хүрэбэл, Тэрэнэй нюдэнэй сэсэгыдэ хүрэһэнтэй адли» гээ.

Матвей 22:14

Уряалаар ерээшэд олоншье һаа, шэлэгдэн абтаашад үсөөн юм, – гэжэ Иисүүс хөөрөөгөө түгэсхэбэ.

Матвей 25:40

Тиихэдэнь хаан: «Эгээлэй юрын Минии дахагшадай нэгэндэнь тиимэ һайн юумэ хэхэдээ, таанад Намдашье һайниие хээ гээшэт», – гэжэ харюусаха.

Матвей 28:18

Тиигээд Иисүүс тэдэндэ ойртоод: – Тэнгэридэшье, газар дээрэшье бүрин эрхэ засаг Намда үгтэбэ!

Иоанн 15:16

Таанар Намайе шэлэжэ абаагүйт, харин Би таанадые шэлэжэ абааб, хүнүүдтэ ошожо, саг үргэлжын үрэжэл асархыетнай заяагааб. Тиин таанарай Минии нэрэһээ эриһэн, хүсэһэн бүхы юумыетнай Эсэгэмни үгэхэ.

Римэйхиндэ 8:30

Бурхан шэлэжэ абаһан хүнүүдээ дуудаа, дуудаһан хүнүүдээ үнэн сэдьхэлтэй болгоо, үнэн сэдьхэлтэнгүүдые алдар солодоо хүртөөгөө.

Римэйхиндэ 8:37

Эдэ бүхы ушарнуудта бидэ маанадта дуратай байһан Христоосой ашаар илалта туйлан гаранабди.

Коринфынхидтэ 1-дэхи 15:24

Тиигээд бүхы юумэнэй эсэс ерэхэ, Христоос бүхы хүсэнүүдые, замбуулинай бүхы засаг захиргааниие, засаглагша захирагшадые илаад, хаан түрые Эсэгэ Бурханда барюулха.

Хуули дабталга 10:17

Юуб гэхэдэ, Эзэн Бурхантнай бурхадай ехэ Бурхан, эзэдэй ехэ Эзэн, Тэрэ агууехэ, асари хүсэтэй, һүрөөтэй Бурхан. Тэрэ нюур илгажа байдаггүй, эдилгэ абадаггүй,

Тимофейдэ 1-дэхи 6:15

Ори ганса Захирагша, хаануудай Хаан, эзэдэй Эзэн болохо үршөөлтэ Бурхан хэрэгтэй сагта Христоосой ерэхые харуулха.

Тимофейдэ 2-дохи 2:4

Алба хэжэ байһан сэрэгшэ ахалагшадаа һайшаагдахын тула юрын ажамидаралтай холбоотой хэрэгүүдтэ оролсодоггүй.

Пётрой 1-дэхи хандалга 2:9

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.

Гэршэлгэ 1:5

мүн үнэн бодото Гэршэ байһан, үхөөд, анха түрүүн амидырһан, газар дэлхэйн хаашуулай Эзэн бологшо Иисүүс Христоосһоо таанадта амгалан байдал, буян хэшэг үршөөгдэнэ. Иисүүс Христоос манда дуратай, тиимэһээ Өөрынгөө шуһа адхажа, бидэниие нүгэлһөөмнай сүлөөлөө.

Гэршэлгэ 11:7

Тэдэ хоёр лүндэншэдэй гэршэлгэеэ хэжэ дүүргэхэдэнь, оёоргүй нүхэн сооһоо ан арьяатан гаража ерээд, тэдэ хоёртой дайлалдан, алаха хюдаха.

Гэршэлгэ 16:14

Эдэ болбол дүлгэ тэмдэг үйлэдэдэг ада шүдхэрнүүдэй һүнэһэ һүлдэнүүд мүн: Хамагые зонхилогшо Бурханай агууехэ Үдэртэ дайлалдахыень бүхы замбуулин дайдын хаашуулые суглуулхаяа тэдэ ошожо ябаа.

Гэршэлгэ 2:10

Зобохо тулихаяа байнабди гэжэ бү айгаарайгты. Туршажа үзэхэеэ заримыетнай шолмос түрмэдэ хааха, арбаад хоног соо тамалуулхат. Теэд үхэн үхэтэрөө үнэн сэхэ байгаарайгты, Би танда мүнхын амидарал үршөөхэб!

Гэршэлгэ 2:13

таанад сатанагай хаан шэрээгэй газарта байдагта гэжэ Би мэдэнэб. Зүгөөр таанад Намда үнэн сэхээр хандадагта, сатанагай байдаг газартатнай Минии үнэн сэхэ гэршэ Антипын алуулһан үдэрнүүдтэшье Намһаа арсаагүйт.

Гэршэлгэ 3:21

Би илажа гараад, Өөрынгөө Эсэгэтэй хамта хаан шэрээдэнь һуугааб, тэрээндэл адляар, Намтай хамта Минии хаан шэрээдэ һууха эрхые Би илагшада олгохоб.