Гэршэлгэ 14:1 - Библи

¹ Би иимэ юумэ харааб: Сион хада дээрэ Үргэлэй Хурьган зогсоно, Тэрээнтэй хамта зуун дүшэн дүрбэн мянган хүнүүдэй духада Үргэлэй Хурьганай нэрэ, Тэрэнэй Эсэгын нэрэ бэшээтэй.

Шэнэ Хэлсээн

¹ Би иимэ юумэ харааб: Сион хада дээрэ Үргэлэй Хурьган зогсоно, тэрээнтэй хамта зуун дүшэн дүрбэн мянган хүнүүдэй духада Үргэлэй Хурьганай нэрэ, тэрэнэй Эсэгын нэрэ бэшээтэй.

Гэршэлгэ 14:1 ပူးပေါင်းရင်းမြစ်များ

Псалманууд 2:6

«Өөрын нангин хада Сион дээр Өөрын хааниие табяаб», – гэхэ.

Исай 49:14

Гэбэшье Иерусалимай ажаһуугшад иигэжэ хэлэнэ: «Эзэн маанадые хаяа! Тэрэ маанад тушаа мартаа!»

Ерэмияа 1:11

Эзэн намһаа: – Ерэмияа, ши юу харанабши? – гэжэ асууба. Би: – Гүйлсэ модоной мүшэр харанаб, – гэбэб.

Эзэкээл 1:4

Минии харахада, хойто зүгһөө һалхи шуурган ерэжэ ябана, сахилгаан мэтэ хурса гэрэл асари томо үүлэнһээ ялбажа, тойроод туяа гэрэл сасаран байгаа бэлэй. Гал соо улайжа байгша түмэр мэтэ гэрэл сахилгаан дотор үзэгдөө һэн.

Эзэкээл 10:1

Херүүбүүдэй толгой дээгүүр агаар мандал байгаа бэлэй. Би тэрээн руу харахадам, мандал дээгүүр сапфир шулуугаар бүтээһэн хан шэрээ мэтэ юумэн байгаа һэн.

Эзэкээл 10:9

Мүн лэ минии харахада, херүүб бүхэнэй дэргэдэ сахариг, дүн хамта дүрбэн сахариг байгаа. Тэдэ сахаригууд молор эрдэни шулуугаар хэгдэһэн мэтээр харагдаа.

Эзэкээл 2:9

Тиигээд минии харахада, нам руу гарынь һунгаатай, гар соонь хуйламал бэшэг байба.

Эзэкээл 44:4

Удаань тэрэ хүтэлэгшэ намайе нангин үргөөгэй нюур тала руу хойто хаалгануудаар абаашаба. Нангин үргөө Эзэнэй алдар солоор толорон байһыень харамсаараа газар руу һүгэдэн унабаб.

Эзэкээл 8:7

Удаань Тэрэ намайе дотор хашаагай үүдэнүүд руу абаашажа, ханада байгааша нүхэ харуулаа һэн.

Эзэкээл 9:4

Тэрээндэ Эзэн иигэжэ айладхаба: – Иерусалим хотые бүхыдэнь ябажа, хото соо боложо байгааша жэгшүүритэй муухай хэрэгүүдые буруушаан, һанаагаа зобожо байгааша зониие шэлэн, магнай дээрэнь тэмдэг таби.

Даниил 12:5

Минии, Даниилай, харахада, үшөө хоёр хүн зогсожо байна. Хоюулаа тэдэ голой ондо ондоо эрьенүүд дээрэ.

Ёһээл 2:32

Эзэнэй нэрэ дуудаһан хүн бүхэн абарагдаха. Ушарынь хадаа Сион хада дээрэ, Иерусалим хотодо абаралга бууха гэжэ Эзэн хэлэнэ. Абарагдагшадай дунда Эзэнэй дуудаһан бусадшье зон байха.

Амоос 8:2

Тэрэ: – Юу харанаш, Амоос? – гэжэ асууба. – Эдеэшэһэн жэмэс араг соо байна, – гэжэ харюусабаб. – Минии арад түмэн Израилиин хэһээлтэ амасаха сагынь тулаа! Би бэшэ тэдэниие хүлисэхэгүйб, – гэжэ Эзэн намда айладаа бэлэй.

Михей 4:7

Тэрэ дохолон һалга, холуур тараагдаһан зониие хүсэтэй шанга арадай эхи табигшад болгохоб. Энэ сагһаа эхилэн, хэтэ мүнхэдөө Сион хада уулаһаа Би тэдэниие хааншалан зонхилон байхаб».

Захарияа 4:2

– Юу харанаш? – гэжэ тэрэ намһаа асууба. – Сула алтаар хэһэн дэнгэй табюур, тэрээн дээрэ томо аяга байна, аяга дээрэ долоон сүгсэ, тус тустаа долоон голтой.

Лука 12:8

Улад зоной урда Минии мэдэлдэ байнаб гэжэ айладхаһан хүнүүдые Хүн түрэлхитэнэй Хүбүүн Бурханай Эльгээмэлнүүдэй урда баһал Намайе дахагша гэжэ нэрлэхэл.

Римэйхиндэ 9:33

Бурхан Нангин Бэшэг соо тон тиигэжэ хэлэнэ: «Хара даа! Би Сион дээрэ хүнүүдэй бүдэрдэг шулуун, хүнүүдэй торожо унадаг шулуун табинаб. Харин Тэрээндэ һүзэглэһэн хүн хэзээдэшье урмаа хухархагүй».

Гэршэлгэ 14:14

Иимэ юумэ харааб: сагаан үүлэн, тэрэнэй дээрэнь Хүн түрэлхитэнэй Хүбүүндэ адлирхуу хүн һууна. Толгой дээрэнь алтан титим, гартаа хурса хадуур баринхай.

Гэршэлгэ 14:3

Тэдэнэр хаан шэрээгэй урда, дүрбэн амитадай болон ахамадуудай урда байгаад, магтаал дуу зэдэлүүлнэ. Газар дэлхэйһээ сүлөөлэгдэһэн зуун дүшэн дүрбэн мянган тэдэ хүнүүдһээ бэшэ ондоо хэншье эдэ дуунуудые дуулажа шадаагүй.

Гэршэлгэ 15:5

Удаань иимэ юумэ харааб: тэнгэри дээрэ Гэршэлгын Майханай Хамагай Нангин газарынь нээгдэбэ.

Гэршэлгэ 22:4

Зарасанарынь тэрэнэй нюурые хараха, тэрэнэй нэрэнь тэдэнэй магнайда байха.

Гэршэлгэ 3:12

Илагшые Би Өөрынгөө Бурханай Һүмэ доторхи бахана тулгань болгохоб, тиин тэрэ илагша хэтэ заяандаа тэндэ үлэхэ. Бурханайгаа нэрые, Минии Бурханай үршөөлөөр тэнгэриһээ бууха Бурханайгаа хотын, шэнэ Иерусалимай нэрые, мүн Өөрынгөө шэнэ нэрые тэрэ Һүмын бахана дээрэ бэшэхэб.

Гэршэлгэ 4:1

Тэрэнэй удаа би тэнгэри өөдэ шэртэхэдээ, тэнгэриин үүдэнэй онгорхой байхые обёорбоб. Тиин бүреэгэй дуугарһандал адли абяа дуулабаб. Түрүүн хандаһан абяан намда иигэжэ хэлэбэ: – Өөдөө гара. Тиигээд юунэй болохые шамда хөөрэхэб.

Гэршэлгэ 6:8

Харан гэхэдэмни, сунхигар сагаабтар морин байба. Дээрэнь Үхэл һууба, тэрэниие дахаад, Үхэлэй орон ябаба. Газар дэлхэйдэ һуугаашадай дүрбэнэй нэгэ хубиие һэлмэ жадаар, үлэсхэлэн хооһон байдалаар, үбшэн тахалаар, ан арьяатанаар алуулха хюдуулха эрхэ засаг Үхэлдэ, Үхэлэй орондо олгогдобо.