Гэршэлгэ 13:16 - Библи

¹⁶ Энэ хоёрдохи арьяатан бүхы хүнүүдые: юрыншье, засаг баридагшье, баяншье, үгытэйшье уладые, эрхэ сүлөөтэйшье зониие, богоол барлагуудыешье баруун гартаа гү, али духа магнайдаа тамга табюулха гэжэ баадхана.

Шэнэ Хэлсээн

¹⁶ Энэ хоёрдохи арьяатан бүхы хүнүүдые: юрыншье, засаг баридагшье, баяншье, үгытэйшье уладые, эрхэ сүлөөтэйшье зониие, богоол барлагуудыешье баруун гартаа гү, али духа магнайдаа тамга табюулха гэжэ баадхадаг бэлэй.

Гэршэлгэ 13:16 ပူးပေါင်းရင်းမြစ်များ

2 Угай бэшэг 15:13

Израилиин Эзэн Бурханиие хүндэлэн шүтэдэггүй хүн бүхэн – бага, ехэшье, эрэ, эмэшье, бултадаа, хосорхо зэргэтэй.

Иоов 34:19

Эзэн тайжанарай нюур харадаггүй, баян хүниие ядууһаа үлүүгээр үзэхэгүй. Юундэб гэхэдэ, хүн бүхэниие Тэрэ Өөрөө бүтээгээ.

Псалманууд 49:2

Үзэсхэлэн һайханай эгээл дээдэнь болохо Сионһоо Бурхан Өөрыгөө харуулан заларна.

Египедһээ гаралга 13:9

Энэ хадаа Эзэнэй зарлиг тогтоохын тулада гар дээрэш тэмдэг, нюдэнэйш урда хүшөө болохо ёһотой. Эзэнэй зарлиг хуули үгэ хэлэндэш хододоо байха ёһотой, юуб гэхэдэ, Эзэн хүсэ хүсэлэн, Египедһээ шамайе гаргаһан байна.

Эзэкээл 9:4

Тэрээндэ Эзэн иигэжэ айладхаба: – Иерусалим хотые бүхыдэнь ябажа, хото соо боложо байгааша жэгшүүритэй муухай хэрэгүүдые буруушаан, һанаагаа зобожо байгааша зониие шэлэн, магнай дээрэнь тэмдэг таби.

Захарияа 13:6

Ямар нэгэ хүнэй «Тиигэбэл, бэедэшни байһан эдэ шарханууд хаанаһаа гээшэб?» гэжэ асуухада, «Хархис үзэлтэ онгонуудта сохюулаа һэмби», – гэжэ тэрэ харюусаха.

Хэрэгүүд 26:22

Гэбэшье Бурханай туһаламжаар би энэ саг хүрэтэр сухаришагүй зогсоноб, юрыншье, нэрэ хүндэтэйшье зондо гэршэлнэб. Лүндэншэдэй болон Моисейн уридшалан хэлэһэндэ нэмэжэ би нэгэшье үлүү юумэ хэлээгүйб.

Коринфынхидтэ 1-дэхи 12:13

Бидэшье булта иудейнүүд гүбди, али бусад арадууд гү, барлагууд гүбди, али эрхэ сүлөөтэй гү, нэгэл Һүлдөөр нэгэ бэе болон уһаар арюудхуулаабди, зүрхэ сэдьхэлдэмнай нэгэл Һүлдэ үгтөө.

Галадуудта 3:28

Тиимэһээ мүнөө еврейнүүд, бусад арадуудшье илгаагүй, барлагууд, сүлөөтэйшүүлшье илгаагүй, эрэшүүл, эхэнэрнүүдшье илгаагүй. Таанад булта мүнөө нэгэн адли боложо, Иисүүс Христоостой нэгэдэбэт.

Галадуудта 6:17

Саашадаа хэншье намда зоболон бү асараг, юуб гэхэдэ, би Иисүүсэй шархануудые бэе дээрээ абажа ябанаб.

Эфесэйхиндэ 6:8

Барлаг гүт, али эрхэ сүлөөтэй хүн гүт, Эзэн илгаагүйгөөр һайн юумэ хэһэнэйтнай түлөө ашыетнай харюулха гэжэ һанажа байгаарайгты.

Хуули дабталга 11:18

Минии эдэ үгэнүүдые ой ухаандаа, зүрхэ сэдьхэлдээ хадуун абагты, гартаа дүлгэ тэмдэг болгон уягты, һанажа байхын тула магнай дээрэтнай тэдэ боолто болоод байг лэ.

Хуули дабталга 6:8

Дүлгэ тэмдэг мэтээр тэдэниие гартаа уягты, һануулга мэтээр магнай дээрээ боолто болгон байлгагты.

Колоссынхидтэ 3:11

Эсэстээ грегүүдэй болон иудейнүүдэй хоорондо, отолуулһан болон отолуулаагүй хүнүүдэй хоорондо, хариин болон зэрлиг зоной хоорондо, барлагуудай болон сүлөөтэй хүнүүдэй хоорондо ямаршье илгаа үгы юм, гансал Христоос бии, тиин бүхы юумэн Христоос, бүхы юумэн соо Христоос байха.

Тимофейдэ 2-дохи 3:8

Янээс Ямбрээс хоёрой Моисейдэ эсэргүүсэдэг байһандал тон адляар тэдэ зон зүбөөр сэдьхэхэеэ болёод, һүзэгөө алдаад, үнэн зүбэй урдаһаа эсэргүүсэбэ гээшэ.

Гэршэлгэ 11:18

Бусад арадууд уур сухалаа хүрэбэ, баһа Ташье уур сухалаа хүрэбэт – үхэһэн хүнүүдые шүүбэрилхэ сагтнай, Танай зарасанар-лүндэншэдтэ, Танай арюун нангин арадта, Танай алдар нэрые хүндэлдэг юрыншье, засаг баридагшье хүнүүдтэ шагнал хайра үршөөхэ сагтнай, газар дайда усадхан хосороогшодые үгы хэхэ сагтнай хүрэжэ ерэбэ.

Гэршэлгэ 15:2

Галтай холиһон шэл далай шэнги юумэ харабаб. Энэ шэл далайн хажууда арьяатаниие, тэрэнэй хүрэг дүрсые, арьяатанай нэрын тоое илаашад байна. Тэдэнэр тус бүридөө Бурханай ятага баряад зогсоно.

Гэршэлгэ 19:18

Хаашуулай, сэрэгэй дарганарай, хүсэ ехэтэ хүнүүдэй мяха, моринуудай, тэдэниие унаад ябагшадай мяха, сүлөө ажалтанай, барлаг богоолнуудай мяха, багашуул, ехэшүүлэй мяха эдихэт».

Гэршэлгэ 19:20

Арьяатаниие шүүрэн бариба, тэрээнэй урда элдэб дүлгэ тэмдэг харуулжа, арьяатанай тамга табяад, тэрэнэй хүрэг дүрсэдэ һүгэдэн мүргүүлжэ байһан хуурмаг лүндэншые арьяатантай хамта шүүрэн бариба. Тэдэ хоёрые хоюулыень дүрэжэ байһан хүхэртэй нуур худар амидыгаар шэдэбэ.

Гэршэлгэ 19:5

Хаан шэрээгэй зүгһөө иигэжэ хэлэхэ абяан дуулдаба: – Бурханай бүхы зарасанар, Бурханиие хүндэлдэг бүхы хүнүүд, юрыншье хүнүүд, засаг баридагшье хүнүүд, манай Бурханиие магтыт!

Гэршэлгэ 20:12

Үхөөшэдые, багашуулые, ехэшүүлые хаан шэрээгэй урда зогсожо байхыень би харабаб. Номууд нээлгээтэй байба. Удаань баһа нэгэ ном – амидаралай ном дэлгэгдэбэ. Үхөөшэд тэдэнэй өөһэдынь үйлэ хэрэгэй ёһоор, мүн номуудта бэшээтэй байһан ёһоор шиидхүүлээ.

Гэршэлгэ 20:4

Зарга шүүбэри хэхэ эрхэтэй хүнүүдэй һууһан хаан шэрээнүүдые харабаб, мүн Иисүүс тухай, Бурханай Үгэ тухай гэршэлһэнэйнгээ түлөө толгойгоо таһа сабшуулаашадай һүнэһэнүүдые, арьяатанда, тэрэнэй хүрэг дүрсэдэ һүгэдэн мүргөөгүйшүүлэй, духадаа гү, али гартаа тэрэ арьяатанай тамга табюулаагүйшүүлэй һүнэһэнүүдые би харабаб. Тэдэнэр дахин амидыруулагдажа, мянган жэл соо Христоостой хамта зонхилжо байгаа.

Гэршэлгэ 6:15

Газар дэлхэйн хаашуулшье, дээгүүр тушаалтай дарганаршье, сэрэгэй ноёдшье, баяшуулшье, засаг баригшадшье, барлаг богоолнуудшье, юрын хүнүүдшье агы нүхэнүүдтэ, хада уулын хабшалда орожо хоргодобо.

Гэршэлгэ 7:3

«Бурханай бүхы албатанай магнай духадань тамга даража тэмдэглээдүйдэмнай газар дайдадашье, уһан далайдашье, ой модондошье гэм бү хэгты».