Гэршэлгэ 12:14 - Библи

¹⁴ Болзоото сүл губи газартаа лууда баригдангүй ниидэжэ ошохынь тула тэрэ эхэнэртэ бүргэд шубуунай аргагүй томо хоёр дали үгтэбэ. Гурба хахад жэл соо тэрэ эхэнэрые харууһалжа байха юм.

Шэнэ Хэлсээн

¹⁴ Болзоото сүл губи газартаа лууда баригдангүй ниидэжэ ошохынь тула тэрэ эхэнэртэ бүргэд шубуунай аргагүй томо хоёр дали үгтэбэ. Гурба хахад жэл соо тэрэ эхэнэрые харууһалжа байха юм.

Гэршэлгэ 12:14 ပူးပေါင်းရင်းမြစ်များ

Псалманууд 55:6

Бүхэли үдэрөө тэдэ үгыем ондоо болгоно, намда муу юумэ хэхэеэ һанаашална.

Египедһээ гаралга 19:4

«Египедшүүдтэ хэһэн үйлыем хараба гээшэт. Бүргэдэй дали дээрэ һуулгаһандал шуумар ябуулжа, таанадые Өөртөө асарба гээшэб.

Исай 40:31

Харин Эзэндэ найдагшад шэнэ хүсэтэй болодог. Тэдэ бүргэд мэтэ жэгүүр дээрээ элин халиха, гүйхэдөө эсэхэгүй, алхалан ябахадаа сусахагүй.

Даниил 12:7

Голой урасхал өөдэ байгааша, улһан хубсаһа үмдөөшэ тэрэ нэгэн хоёр гараа тэнгэри өөдэ һунгаад, иигэжэ хэлэбэ: – Хэтэ мүнхын Бурханай нэрээр тангаригланаб: гурбан жэлэй үнгэрхэдэ, нангин арад түмэнэй хүсэ шадалай дууһахада энэ дүүрэхэ.

Даниил 7:25

Дээдын дээдэ Бурханай урдаһаа һөөргэдэн тэрэ үгэ хэлэдэг болохо, Тэрэнэй гэгээшүүлые харшалха, һайндэрнүүдые, Хуули ёһые үгы хэхэеэ һэдэхэ. Гэгээшүүл тэрэнэй мэдэл доро нэгэ сагай, хоёр сагай, хахад сагай хугасаанууд соо байха.

Даниил 8:14

Тэрэнь иигэжэ харюусаба: – Хоёр мянган гурбан зуун үдэшэ, үглөө. Удаань нангин газар дахин һэргээгдэхэ.

Гэршэлгэ 12:6

Харин эхэнэр сүл губи руу тэрьелжэ ошобо. Тэндэ эхэнэрэй байха байрые Бурхан түхеэрээ һэн. Мянга хоёр зуун жаран үдэрэй турша соо тэрэ байрадань эхэнэрые харууһалжа байха.

Гэршэлгэ 17:3

Удаань тэрэ Эльгээмэл Арюун Һүлдэтэй болгогдоһон намайе сүл губида асарба. Бурханиие доромжолһон нэрэнүүдэй бэшээтэй, улаан арьяатанай дээрэ һуужа байһан эхэнэрые харабаб. Тэрэ арьяатан долоон толгойтой, арбан эбэртэй һэн.