Гэршэлгэ 11:17 - Библи

¹⁷ Тэдэ иигэжэ хэлэбэ: – Хододоо байһан, мүнөөшье байгаа Хамагые зонхилогшо Бурхан, Танда баяр баясхалан хүргэнэбди, Та агууехэ һүр хүсэеэ харуулжа, Хаан болобот.

Шэнэ Хэлсээн

¹⁷ Тэдэ иигэжэ хэлэбэ: – Хододоо байһан, мүнөөшье байгаа Хамагые зонхилогшо Бурхан, шамда баяр баясхалан хүргэнэбди, ушарынь гэбэл, ши агууехэ һүр хүсэеэ харуулжа, Хаан болобош.

Гэршэлгэ 11:17 ပူးပေါင်းရင်းမြစ်များ

Эхин 17:1

Абрамай ерэн юһэтэй байхада, Эзэн тэрээндэ дахин үзэгдэжэ, иигэжэ айладхаба: – Би Түгэс Хүсэтэ Бурхамби. Минии үгөөр ябажа, зэмэгүй арюун ажаһуугаарай.

Псалманууд 21:13

Бухадал адли хүлзэжэ, дайсад намайе тойроол! Башаанай тобир буханууд намайе хүреэлөө.

Псалманууд 57:11

Тэдэнтэй юу болоһые харахадаа, зүб шударга хүн баярлаха, хорото муу хүнэй шуһанда хүлөө угааха.

Исай 52:10

Бүхы үндэһэ яһатанай хараһаар байтар Эзэн нангин хүсэ шадалаа үзүүлээ: Өөрынгөө арад түмэндэ абарал буулгахыень үлгэн дэлхэйн бүхы булангай зон хараа.

Даниил 2:23

Та намда сэсэн мэргэн ухаа, хүсэ үршөөгөөт, Таниие, уг удамайнгаа Бурханиие, магтан, түүрээн байналби. Гуйһан гуйлтыемнай дүүргээт, хаанай хэрэгые манда эли болгоот.

Даниил 6:10

Даниил иимэ зарлигай гараһан тушаа мэдэһэншье һаа, гэртээ ошоходоо урданайхидал адляар үдэртөө гурба дахин үбдэглэн, өөрын Бурханда зальбардаг, магтаал үргэдэг байба. Мүргэдэг дээдэ таһалгынь сонхонууд Иерусалим руу харанхай, нээгдэнхэй байдаг һэн.

Матвей 11:25

Баһа тэрэ сагта Иисүүс иигэжэ хэлэбэ: – Газар тэнгэриин Эзэн, Эсэгэмни! Сэсэн мэргэн, эрдэм номтой зонһоо далдалан нюуһан юумэеэ эгээлэй юрын зондо нээжэ элирүүлһэнэйтнай түлөө Танда баяр баясхалан хүргэнэб.

Лука 10:21

Энэ үедэ Арюун Һүлдын Иисүүсые баяраар дүүргэхэдэ, Тэрэ: – Газар тэнгэриин Эзэн, Эсэгэмни! Сэсэн мэргэн, эрдэм номтой зонһоо далдалан нюуһан юумэеэ эгээлэй юрын зондо нээжэ элирүүлһэнэйтнай түлөө Танда баяр баясхалан хүргэнэб. Зүб даа, Эсэгэмни, Та иимэл юумэнэй болохые хүсэжэ байгаа ха юмта.

Иоанн 11:41

Шулууень зайлуулба. Иисүүс Тэнгэри өөдэ хараад: – Эсэгэ аа, Намайе дуулаһандатнай баясхалан хүргэнэб.

Коринфынхидтэ 2-дохи 2:14

Христоостой хамтарһан маанадые илалтада хүргэжэ байдаг Бурханда баяр баясхалан хүргэнэб. Бурхан баһал Христоос тухай мэдээе хангалтай хоншуу үнэртэл адляар хаа хаанагүй маанадаар дамжуулан тараадаг.

Коринфынхидтэ 2-дохи 9:15

Үнэлшэгүй бэлэгэйнь түлөө Бурханда баяр баясхалан хүргэел!

Тимофейдэ 1-дэхи 1:12

Намда ажаллаха хүсэ шадал үгэһэн Эзэн Христоос Иисүүстэ би баясхалан хүргэнэб. Намайе найдабаритай гэжэ тоолоод, Өөртэнь алба хэхыемни табиһандань баясхалан хүргэнэб.

Гэршэлгэ 1:4

Аси можын һүзэглэгшэдэй долоон бүлгэмүүдтэ би Иоанн ханданаб. Бурхан бии, байһаншье, байхашье юм. Бурханһаа, Тэрэнэй хаан шэрээгэй урдахи долоон Һүлдэнүүдһээ,

Гэршэлгэ 1:8

«Би хадаа Альфа, Омега гээшэб!» – гэжэ Эзэн Бурхан хэлэнэ. Тэрэ хододоо байгаа, байнашье, байхашье, Хамагые зонхилогшо мүн.

Гэршэлгэ 11:15

Долоодохи Эльгээмэл бүреэгээ дуугаргаба. Тиихэдэнь тэнгэридэ иигэжэ шангаар дуугарха абяанууд дуулдаба: – Дэлхэйн засаг түрэ Эзэн Бурханаймнай, Тэрэнэй Табисууртын засаг түрэ болоо. Тэрэ засаг түрые Бурхан хэтэ мүнхэдөө барижа байха.

Гэршэлгэ 15:3

Тиихэ зуураа, Бурханай зараса Моисейн дууе, Үргэлэй Хурьганай иимэ дууе дууланад: Танай бүтээһэн хэрэг аргагүй ехэл, гайхалтай һайхан лэ, Хамагые зонхилогшо Дээдэ Бурхан! Арадуудай Хаан! Танай хэрэгүүд үнэхөөр зүб, үнэн сэхэ лэ!

Гэршэлгэ 16:14

Эдэ болбол дүлгэ тэмдэг үйлэдэдэг ада шүдхэрнүүдэй һүнэһэ һүлдэнүүд мүн: Хамагые зонхилогшо Бурханай агууехэ Үдэртэ дайлалдахыень бүхы замбуулин дайдын хаашуулые суглуулхаяа тэдэ ошожо ябаа.

Гэршэлгэ 16:5

Уһа мүрэнүүдэй Эльгээмэлэй иигэжэ хэлэхыень дуулабаб: мүнөөнэйшье, урданайшье арюун гэгээн Бурхан, Та, зүбөөр иигэжэ шиидхээт:

Гэршэлгэ 16:7

Тахилай шэрээгэй хажууһаа иигэжэ хэлэхыень би дуулааб: «Тиимэ даа, Хамагые зонхилогшо Эзэн Бурхан, Танай гаргаһан шиидхэбэринүүд үнэн зүб!»

Гэршэлгэ 18:8

Тиимэһээ али бүхы гай аюулнууд: үхэл хосорол, гай гашуудал, үлэсхэлэн зоболон тэрэ эмэдэ гэнтэ буужа ерэхэ даа! Тэрэниие галда шатааха, ушарынь гэбэл, тэрэниие шүүбэрилхэ Эзэн Бурхан угаа хүсэтэй юм.

Гэршэлгэ 19:11

Тиин сэлеэтэй байһан тэнгэри харабаб – тэндэ сагаан мори унаһан хүн байба. Мори унаашань Үнэн зүб, Сэхэ шударгы гэжэ нэрэтэй. Тэрэ һуугаашань зарга шүүбэриие, дайн сэрэгые үнэн зүбөөр хэгшэ юм.

Гэршэлгэ 19:6

Аргагүй олоороо хүнүүдэй суглараад дүүелдэжэ байһан шэнги гү, али уһан хүүюурэй шууяжа, шангаар тэнгэри дуугаржа байһан шэнги иимэ абяан намда дуулдаба: – Бурханда магтаал соло! Хамагые зонхилогшо Эзэн Бурхамнай засаг түрөө абаба!