Гэршэлгэ 11:10 - Библи

¹⁰ Газар дэлхэйдэ һуудаг хүнүүд хүхилдэн баясажа, найр зугаа хэнэ, бэе бэедээ бэлэг сэлэгүүдые барина, юундэб гэбэл, эдэ хоёр лүндэншэд газар дэлхэй дээрэ һуугшадые тамалан хэһээдэг байгаа.

Шэнэ Хэлсээн

¹⁰ Газар дэлхэйдэ һуудаг хүнүүд хүхилдэн баясажа, найр зугаа хэнэ, бэе бэедээ бэлэг сэлэгүүдые барина, юундэб гэбэл, эдэ хоёр лүндэншэд газар дэлхэй дээрэ һуугшадые тамалан хэһээдэг байгаа.

Гэршэлгэ 11:10 ပူးပေါင်းရင်းမြစ်များ

3 Хаан түрэнүүд 18:17

Ахааб Элияа гэгшые харахадаа: – Израилиие зобоогшо ши эндэ байна гүш? – гэбэ.

3 Хаан түрэнүүд 21:20

Ахааб Элияа гэгшые харахадаа: – Зай, дайсамни, олобо гүш намайе? – гэбэ. Элияа тэрээндэ хэлэбэ: – Олоол бэзэб. Юуб гэхэдэ, ши Эзэндэ таагүй хэрэг үйлэдэжэ байнаш.

3 Хаан түрэнүүд 22:18

Израилиин хаан Ёшапаадта: – Тэрэ нам тушаа һайнаар бэшэ, гансал муугаар уридшалан айладхадаг гэжэ би хэлээ бэшэ һэн гүб? – гэбэ.

3 Хаан түрэнүүд 22:8

Израилиин хаан Ёшапаадта: – Эзэнэй харюу дамжуулан хэлэдэг үшөө нэгэ хүн биил даа, теэд би тэрээндэ дурагүйб, юуб гэхэдэ, тэрэ нам тушаа гансал муугаар уридшалан хэлэдэг, һайн юумэ хэлээгүй. Имлаагай хүбүүн Михай гээшэ, – гэбэ. Ёшапаат тэрээндэ: – Үгы, хаан, тиигэжэ бү хэлыш, – гэбэ.

Псалманууд 13:4

Муу юумэ хэдэг тэдэ юушье ойлгодоггүй юм гү? Хилээмэ эдиһэндэл адляар минии арад түмэниие зооглонол, Эзэниие дууданагүй.

Һургаал 24:17

Дайсанайнгаа унахада хүхихэ хэрэггүй, бүдэрхэдэнь сэдьхэлээ баярлуулжа бү бай.

Ерэмияа 38:4

Тиихэдэм түшэмэлнүүд хаанда ошожо, «Энэ хүн саазалуулагдаха ёһотой. Элдэб юумэ хэлэжэ, тэрэ сэрэгшэдэй зориг мохооно, һүр һүлдыень дарана. Хотын бүхы зондошье тэрэ иимэ юумэ хэлэнэл. Арад зондо туһа бэшэ, тушаа хэнэ гээшэ», – гэжэ дуулгаба.

Ерэмияа 50:11

Эзэн иигэжэ айладхана: – Вавилооной улад зон, таанад Минии арад түмэниие тоноот. Жаргажа, налайжа, таряа сохижо байһан үнеэндэл ябабат, азаргадал инсагаалнат.

Авдии 1:12

Өөрын дүүгэй золгүй тэрэ үдэр бардамлаха бэшэ, Иудын зоной һүйдхэлтэ үдэр баясаха бэшэ, тэдэнэй зоболонгой үдэр энеэжэ байха бэшэ байгааш.

Михей 7:8

Минии дайсан, намһаа боложо бү баяса! Би хэды унаашье һаа, бодохоб. Харанхыда хэды байгаашье һаам, Эзэн минии гэрэл юм.

Матвей 10:22

Минии түлөө таанадые булта үзэн ядаха; зүгөөр эсэстэнь хүрэтэр тэсэжэ гараһаниинь абарагдаха.

Иоанн 16:20

Таанарта үнэн зүбые хэлэнэб: уйлахат, гашуудахат, харин дэлхэйн зон баярлаха, хүхихэ. Түрүүшээр уйдхар гашуудалда абтахат, теэд удаань баярлахат.

Иоанн 7:7

Дэлхэйн хүнүүд таанарта дурагүйлхэхэгүй, харин Намда тэдэ дурагүйлхэдэг, тэдэ хүнүүдэй үйлэ хэрэгэйнь ёро муутай байһые Би гэршэлэн харуулна ха юмбиб.

Хэрэгүүд 5:33

Зүблэлэй гэшүүд хэлэһыень дуулахадаа хиирэн гааража, элшэнэрые алаха гэбэ.

Коринфынхидтэ 1-дэхи 13:6

Хайра дуратай хүн нүгэл шэбэлдэ баярладаггүй, харин үнэн зүбтэ баярладаг.

Гэршэлгэ 12:13

Луу газарта шэдүүлһэнээ мэдээд, хүбүү түрэһэн эхэнэрые хойноһоонь мүшхэн намнаба.

Гэршэлгэ 13:14

Тиин энэнь нэгэдэхи арьяатанай нэрээр гайхамшаг ехэ дүлгэ тэмдэгүүдые харуулжа, газар дэлхэйн зониие мэхэлнэ. Һэлмээр сабшуулаад амидырһан арьяатанай нэрэ хүндэдэ тэрэнэй хүрэг дүрсэ хэгты гэжэ газар дэлхэйн зондо хоёрдохи арьяатан захиралта үгэбэ.

Гэршэлгэ 13:8

Үргэлэй Хурьганай тэмдэглэдэг амидаралай ном соо нэрэнүүдэйнь бэшэгдээгүй бүхы газар дайдын зон тэрэ арьяатанда һүгэдэн мүргэхэ. Үргэлэй Хурьган тахил болгогдон Бурханда үргэгдэхэ гэжэ газар дэлхэйн бүтээгдэхэһээ түрүүн хараалагдаа.

Гэршэлгэ 16:10

Табадахи Эльгээмэл өөрынгөө аяга соохиие арьяатанай хаан шэрээ руу адхаба, тиихэдэнь арьяатанай засаг түрэ соо балай харанхы болошобо. Тэнсэлгүй үбшэнтэй байһан туладань тэндэхи хүнүүд хэлээ хазажа байбад.

Гэршэлгэ 3:10

Тэсэбэритэй байха тухай Минии зарлиг заабариие сахиһан туладатнай, газар дэлхэйнхидые туршажа үзэхэеэ бүхы юртэмсэдэ тохёолдохоёо байгаа гай аюулай үедэ Би таанадые хамгаалан үлөөхэб.