Гашуудал 5:2 - Библи

² Маанадай уг залгамжалха зөөри хариин зондо, гэрнүүднай гадаадын уласта үгтэбэ.

Гашуудал 5:2 ပူးပေါင်းရင်းမြစ်များ

Исай 1:7

Орон нютагтнай хооһороо, хотонуудтнай дууһан шатаагдаа, хараһаар байтартнай хариин зон танай газар эзэмдэн, бүхы юумыетнай залгина, һандаргана.

Исай 5:17

Зон хони малаа хаяад, баряанда туугдан ошохо, тиихэдэнь хонидынь эзэгүй өөһэдөө тараха, баяшуулай орхиһон гэрнүүдэй дундуур эшэгэд бэлшэхэ.

Исай 63:18

Бидэ, Танай нангин арад, энэ газарые богони саг соо эзэмдэн байгаабди. Дайсаднай Танай нангин газарые дэбһэн бузарлаа.

Ерэмияа 17:4

Минии үршөөһэн газар нютагые таанад өөрынгөө мууһаа боложо гээхэт. Мэдэхэ-танихагүй нютагтатнай Би таанадые дайсадтатнай богоол болгон үгэхэб. Юуб гэхэдэ, таанад Намайе угаа сухалдуулаат, уур хилэмни гал мэтэ бушаганаа, хэтэ мүнхэдөө тэрэ носохол!

Ерэмияа 6:12

Тэдэнэй гэрнүүд, таряалангууд болон һамгадынь ондоо зондо үгтэхэ. Юуб гэхэдэ, Би энэ орон нютагай ажаһуугшадые хэһээхэ һанаатайб.

Эзэкээл 7:21

Эзэн Бурхан иигэжэ айладхана: – Хариин зондо баялигыень үгэхэб. Гэмтэд баялигыень абажа, бузарлаха.

Эзэкээл 7:24

Эгээл муу муухай үндэһэ арадуудые иишэнь асархаб, гэр байрануудыетнай эзэмдүүлхэб. Мүргэдэг нангин газарнуудыетнай тэдэ арадууд бузарлаха, тиихэдэ эгээл шанга зонтнай бардамлахаяа болихо.

Һошээ 8:7

Орооһоной орондо хооһон һалхи тариһандаа таанад хуй һалхи хуряажа абахат! Таряан ургахагүй, ямаршье үрэжэлгүй, хооһон таряан байха. Теэд нэгэ тэды таряанай ургабал, хариин зон тэрэниие хуряан абахал!

Һошээ 8:8

Израиль ондоо арадуудай хоорондо холилдон үгы болоо. Хэндэшье хэрэггүй, эбдэрхэй тогоон мэтэ тэрэ ондоо арадуудай дунда байхал.

Цэпаанияа 1:13

Тиигээд тэдэнэй баялиг дайсанай олзо болохо, гэр байшангуудынь эзэгүйрэн хооһорхо. Гэр баряашье һаа, тэдэ тэндэ ажаһуухагүй, үзэмэй модоной сэсэрлиг һуулгаашье һаа, үзэмэй дараһан архи тэдэ уухагүй.