Гашуудал 4:9 - Библи

⁹ Гэдэһээ үлдэжэ үхэһэнһөө һэлмээр сабшуулагдажа үхэһэниинь дээрэ. Юуб гэхэдэ, таряалангай ургасын хомордоходо, зон зобожо амяа алдадаг шуу.

Гашуудал 4:9 ပူးပေါင်းရင်းမြစ်များ

4 Хаан түрэнүүд 25:3

Дүрбэдэхи һарын юһэнэй үдэр (тэрэ сагта тэрэ хотын зон эдихэ хоолгүй болоһон тула туража үхэхэ туйлда хүрэбэ)

Египедһээ гаралга 16:3

– Египедтэ Эзэнэй гарһаа үхөө һаамнай дээрэ һэн ха, – гэлдэбэ. – Тэндэ мяхатай тогоо тойроод һуугша һэмди, дуран соогоо талха эдигшэ бэлэйбди. Арад зоноо үлэсхэлэндэ дайруулжа үхүүлхэ гэжэ энэ сүл губида асарба гүт?

Исай 22:2

Урдандаа хото ехэ шууяатай, хүл үймөөтэй, жаргалтай бэлэйл. Харин мүнөө тад ондоо. Зонтнай дайнда наһа бараа бэшэ.

Ерэмияа 16:4

Тэдэ угаа зобожо үхэхэ. Тэдэнэй хойноһоо хэншье уйдан гашуудахагүй, хэншье хүдөөлүүлхэгүй. Тэдэ газарай хүрьһэн дээрэ шэбхэ мэтэ хэбтэхэ, дайн дажарта алуулха, туража үхэхэ. Һэе хүүрнүүдынь шубуу шонхорой болон ан арьяатанай хүнэһэн болохо.

Эзэкээл 24:23

Гашуудалай тэмдэг болгон, толгой, хүл нюсэгэн ябахагүйт, гасалан уйлахагүйт. Нүгэлэйнгөө түлөө таанад гэмшэн, һанаа алдан ябахат.

Эзэкээл 33:10

Хүнэй үри Эзэкээл, нүгэлэйнгөө түлөө угаа ехээр хэһээгдээбди гэжэ Израилиин улад зон гомдоно. Тэдэ саашадаа амиды мэндэ байхамнай хэлсээтэй гээд маргана.

Эзэкээл 4:16

Тиигээд Тэрэ иигэжэ нэмэбэ: – Хүнэй үри Эзэкээл! Иерусалимда эдеэ хоол хомор болгохо гэжэ байнаб. Эдихэ хоолоо, ууха уһаяа хэмжэжэ эхилхэдээ, зон ехэ уйдан һанаагаа зобохо.

Эзэкээл 7:15

Байлдаан тулалдаан үйлсэ, талмайнуудаар дэлгэрхэ, үбшэ хабшан, үлэсхэлэн хооһон байдал гэр байранууд соо үзэгдэхэ. Хүдөө нютагуудаар байгааша хүн тулалдаанда алдалан унаха, хото соо байгаашад туража, үбшэлжэ үхэхэ.

Левит 26:39

Таанадһаа үлэгшэд хуули гурим эбдэһэнэйнгээ, элинсэг эсэгын бурууһаа боложо, дайсанай орон нютагта һалаха, үхэхэ.

Хуули дабталга 28:51

Таанадые хооһоруултараа тэдэнэр хони малыетнай, ургасыетнай буляажа абан эдихэ. Орооһо таряа, үзэмэй дараһан архи, оливын тоһо, тугал, хурьгашье таанадта тэдэнэр үлөөхэгүй. Туража үхэтэртнай бүхы юумыетнай абаха.