Гашуудал 2:9 - Библи

⁹ Бартаанууд газарта унаа, Тэрэ шэбхыень сохижо унагаагаа. Хаан болон түшэмэлнүүд баряанда туугдан ошоо, һургаал эбдэгдээ. Лүндэншэдтэ Эзэнһээ үзэгдэл эльгээгдэнэгүй.

Гашуудал 2:9 ပူးပေါင်းရင်းမြစ်များ

4 Хаан түрэнүүд 25:7

Цэдэкииягай хараһаар байтар хүбүүдыень алаба, удаань тэрэнэй нюдэ тэһэлжэ, хүрэл гэнжээр гэнжэлээд, Вавилоон руу абаашаба.

2 Угай бэшэг 15:3

Олон үдэрэй туршада Израиль бодото үнэн бурхангүй, һургадаг санаартагүй, хуули ёһогүй байха.

Нэхэмьяа 1:3

Тэдэнэр иигэжэ харюусаба: – Баряанһаа амиды бусаашад тэрэ газарта аргагүй хүшэр хүндэ байдалда, ехэ доромжолго доро байна. Иерусалим һандаргагданхай, үүдэнүүдынь галдагданхай.

Псалманууд 74:9

Эзэнэй гарта аяга байна, тэрээн соо үзэмэй дараһан архи хөөһэрнэ. Дэлхэйн хорото муу бүхы зондо тэрэниие аягалхадань, тэдэ шабхарууень шахан ууха юм.

Исай 24:12

Хото угаа һандараа, бартаануудынь унаад эбдэрээ.

Ерэмияа 14:14

Эзэн намда: – Лүндэншэд Минии нэрэһээ хуурмаг абарал буулгажа байна. Би тэдэниие эльгээгээгүй, тэдээндэ захираагүй, тэдээндэ айладхаашьегүй бэлэйб. Тэдэ худал хуурмаг үзэгдэл, хубхай хооһон үзэл үзэлгэ, миин өөһэдын һанаашые таанадта дуулгана гээшэ.

Ерэмияа 23:16

Түмэн Сэрэгтэ Эзэн Иерусалимай зондо иигэжэ айладхана: – Худал лүндэншэдэй хэлээшые бү шагнагты. Тэдэ таанадые хооһоор, дэмы найдуулна. Минии айладхал бэшэ өөһэдынгөө хүсэһэн, һанаһан юумэ таанадта дуулгана.

Ерэмияа 39:2

Цэдэкииягай хан түрэеэ арбан нэгэдэхи жэлээ засаглажа байхада, дүрбэдэхи һарын юһэнэй үдэр хотын хэрэм хана сүмэ сохигдобо.

Ерэмияа 39:8

Тэрэ үедэ Вавилооной сэрэг хаанай ордон, зоной байра галдажа, Иерусалимай хэрэм ханануудые һандаргааба.

Ерэмияа 51:30

Вавилооной сэрэгшэд тулалдахаа болижо, бата хэрэмүүдтээ хоргодон байна. Тэдэ шэн зориггүй, хүсэгүй ядуу болонхой. Хотын бартаанууд һандаргагдаа, гэр байрануудынь галдагдаа.

Ерэмияа 52:14

Набузарадаанай сэрэгшэд Иерусалимые тойроһон хотын хэрэм ханые буталан һандаргаба.

Гашуудал 1:3

Иудын улад зон туугдан абаашагдана. Гай гасалан, хүндэ богоолшолго тэдээндэ тохёолдоо, хариин зоной дунда байрлаад, амар заяа үзэнэгүй. Дайсад Иудые хойноһоонь намнажа хүсөө, гай тодхор тэрэниие бахалуурдана!

Гашуудал 4:15

«Зайлагты! Бузартайт! Холодогты, бү хүрэгты!» гэжэ тэдээндэ зон хашхарна. «Тэнээшэд! Тэдэ бэшэ амидарахагүй!» гэжэ тэдээн тушаа үндэһэтэд хэлсэнэ.

Гашуудал 4:20

«Тэрэнэй хамгаалалта доро бидэ үндэһэтэдэй дунда амидархабди» гэжэ маанадай хэлэжэ байһан, амисхалнай болохо, Эзэнэй шэлэһэн нэгэн тэдэнэй нүхэндэ орожо баригдаа.

Эзэкээл 12:13

Би тэрээн дээрэ Өөрынгөө гүльмэ хаяжа, барихаб. Тиигээд Вавилоон руу абаашахаб, гэбэшье тэрэ Вавилооной орон нютаг харангүй гээгдэхэ.

Эзэкээл 17:20

Урьха гүльмэ табижа, тэрэниие барихаб. Тиигээд Вавилоон руу абаашажа, Минии урдаһаа буруу юумэ хэһэнэйнь түлөө тэндэ шүүн хэһээхэб.

Эзэкээл 7:26

Гай тодхор дээрэ дээрэһээ ерэжэ байха, муу һураг суу хойно хойноһоо дуулдаха. Лүндэншэдые үзэл үзэхыень гуйжа байхат. Санаартан зониие һургаха юушьегүй, аха захатан хэлэхэ нэгэшье зүбшэл заабаригүй байха.

Һошээ 11:6

Дайн дажар хотонуудынь дайража, хаалгануудынь унагааха, муу муухай һанаатай байһанайнгаа түлөө тэдэ хосорхо.

Һошээ 3:4

Ушар юуб гэхэдэ, Израилиин улад зон олон хоногой туршада хаангүй, ноёнгүй, тахилгүй, арюун баханагүй, эфодгүй, гэрэй онгонгүй үлэхэ болоно.

Амоос 1:5

Дамааск хотын хаалга эбдэхэб, Аавэн нюруугай уладые хюдахаб, Бэт-Ээдэнэй удамаршые һалгаахаб! Араамай арад зон баряанда сүлэгдэн Киир руу туугдаха.

Хуули дабталга 28:36

Эзэн шамайе, хаантайшни хамта танигдаагүй, үбгэ эсэгэнэрэйтнайшье мэдэхэгүй арад зондо ябуулха. Тэндэ ши модоор болон шулуугаар хэһэн бурхадта һүгэдэн мүргэжэ эхилхэш.

Хуули дабталга 28:63

Таанадта һайн юумэ хэжэ, таанадые олон болгон, үнэржүүлжэ байхадаа Эзэн хэды ехэ баясажа байгааб даа. Тэрээндэл адляар, таанадые үгы хэжэ, һалгаажа байхадаа Тэрэ баярлан бахархан байхал. Эзэлхэеэ зорин ошожо байһан газар дайдаһаа таанад хамагдан гаргуулхат.

1 Хаан түрэнүүд 28:6

Тэрэнэй Эзэндэ хандахадань, Эзэн зүүдээршье, уримээршье, лүндэншэдээршье харюу үгэбэгүй.