Гашуудал 2:7 - Библи

⁷ Тэрэ үргэлэй шэрээгээ буруушаагаа, нангин үргөөһөө буруу хараа. Эзэн Сионой бүхэлэлтэнүүдые дайсадта эзэлүүлээ. Дайсад мүнөө Эзэнэй нангин үргөө соо шууялдана, мүнөө тэдэнэй һайндэр гээшэ!

Гашуудал 2:7 ပူးပေါင်းရင်းမြစ်များ

4 Хаан түрэнүүд 25:9

Тэрэ Эзэнэй һүмэ, хаанай ордон, Иерусалимай бүхы томо һайн гэрнүүдые дууһан шатааба.

2 Угай бэшэг 36:19

Навуходоносорой сэрэгшэд Бурханай гэрые галдан шатааба, Иерусалимай хэрэм ханануудые һандаргаба, шухала ордон, самхагуудыень галдаба, бүхы баялигуудыень үгы хэбэ.

Исай 64:9

Эзэмнай, дан ехээр бидэндэ бү уурлыт даа, нүгэлыемнай ходо бү дурсыт. Бидэ бүгэдэ Танай арад түмэн гээшэлди.

Ерэмияа 26:18

– Хэзэкияа гэгшын Иудын хаан байха үедэнь лүндэншэ Морээшэдэй Михей Иудын хан түрын бүхы арадта Түмэн Сэрэгтэ Эзэнэй иимэ айладхал дуулгаа бэлэй: Сион таряалангай талмай мэтэ хахалагдаха, Иерусалим обоолоотой һандархай шулуун болохо, Һүмын мүнөө байгааша газар ой модоной ургадаг гүбээ болохо.

Ерэмияа 26:6

Иигэжэ байгаа һаатнай, Би энэ Һүмэдэ Шилоодо хандаһандал адляар хандахаб, тиихэдэм дэлхэйн бүхы арадууд энэ хотын нэрые хараал мэтээр дурдан хэлэдэг болохо.

Ерэмияа 32:29

гал табиха. Ондоо бурхадта мүргэжэ, Баалда зорюулан сан санзай бааюулан, Намайе сухалдуулһан тэдэ байшангуудтайнь хамта дайсад энэ хотые дууһан шатааха.

Ерэмияа 39:8

Тэрэ үедэ Вавилооной сэрэг хаанай ордон, зоной байра галдажа, Иерусалимай хэрэм ханануудые һандаргааба.

Ерэмияа 4:26

Обёорходом, үрэжэлтэ-жэмэстэ газар элһэн сүл губи болошоод байгаа. Бүхы хотонуудынь һандаргагданхай. Эзэнэй уур хилэн энээнэй шалтагаан болоно.

Ерэмияа 4:27

Эзэн иигэжэ тунхаглана: Бүхэли газар нютаг һандаргагдан хооһорхо, гэбэшье Би бүримүһэн усадхахагүйб.

Ерэмияа 50:28

Вавилооной орон нютагһаа тэрьедэн гүйжэ, Иерусалим руу ерэгшэдэй абяан дуулдана. Тэдэ Эзэн Бурханаймнай Һүмын түлөө үһөөгөө абаһан тухай дуулгана.

Ерэмияа 52:13

Тэрэ Эзэнэй Һүмэ, хаанай ордон, Иерусалимай бүхы томо һайн гэрнүүдые дууһан шатааба.

Гашуудал 1:4

Сионой харгынууд шаналан байна: һайндэртэ ошохо хүн байхагүй. Иерусалимай бартаанууд хооһон, санаартадынь ёолоно, басагадынь зобон уйдана, Сион өөрөөшье зобоно.

Гашуудал 2:1

Оо, гай даа! Уур сухал дундаа Эзэн Сионой басагые шэб харанхыгаар хүреэлөө. Израилиин гоо һайханиие огторгойһоо газар руу шэдээ. Уур хилэнтэ үдэртөө нангин үргөө тухайгаашье мартаа.

Гашуудал 2:5

Эзэн дайсан шэнги болоо, Израилиие усадхаа, ордонгуудынь һандаргаа, бүхэлэлтэнүүдынь ниса сохёо, Иудын нютаг орониие гай гашуудал, бархираагаар дүүргээ.

Эзэкээл 24:21

Таанарай хүсэ шадалай бахархал, нюдэнэйтнай хужар, сэдьхэлэйтнай сэсэг болохо нангин үргөөе Тэрэ үгы хэхэеэ байна. Иерусалимда үлөөшэ үхи хүүгэдтнай һэлмээр усадхагдаха.

Эзэкээл 7:24

Эгээл муу муухай үндэһэ арадуудые иишэнь асархаб, гэр байрануудыетнай эзэмдүүлхэб. Мүргэдэг нангин газарнуудыетнай тэдэ арадууд бузарлаха, тиихэдэ эгээл шанга зонтнай бардамлахаяа болихо.

Левит 26:31

Хото балгасыетнай хооһоруулхаб, мүргэлэйтнай орон хооһон болгохоб. Үргэһэн үргэлэйтнай хоншуу һайхан үнэрыень абахагүйб.

Левит 26:44

Харин дайсадай газарта байхадань, Би тэдэнһээ арсахагүйб, тэдэниие орхихогүйб, хюдахагүйб, Хэлсээгээ эбдэхэгүйб. Юуб гэхэдэ, Би тэдэнэй Эзэн Бурханиинь гээшэб.

Амоос 2:5

Иуда руу гал эльгэхэб, Иерусалимай хэрэмүүд галда дүрэхэ!

Михей 3:12

Тиимэһээ таанадһаа боложо, Сион таряалангай талмай мэтэ хахалагдаха, Иерусалим обоолоотой һандархай шулуун болохо, Һүмын мүнөө байгааша газар ой модоной ургадаг гүбээ болохо!

Матвей 24:2

Иисүүс шабинартаа: – Эдэ бүгэдые харана гүт? Энэ һууринда ганса шулууншье үлэхэгүй; баран һандаргагдаха гэжэ танда хэлэнэб, – гэбэ.