Гашуудал 2:2 - Библи

² Эзэн Яковай гэр байрануудые хайра гамгүй хюдаа, уур хилэн дундаа Иудын бүхэлэлтэнүүдые усадхаа, хааниие болон түшэмэлнүүдые бузарлаа, газар руу шэдээ.

Гашуудал 2:2 ပူးပေါင်းရင်းမြစ်များ

Иоов 2:3

Эзэн эрлигтэ хандаба: – Минии зараса Иоовые анхарба гүш? Тэрээн шэнги хүн дэлхэйдэ байхагүй. Гэм зэмэгүй, үнэн шударга тэрэ хүн намайе хүндэлжэ, буруу юумэнһээ зайлажа, болгоомжолон ябадаг. Ямаршье ушар шалтагаангүй ши бүхы юумыень үгы хэхэ зүбшөөл намһаа абаа һэнши, гэбэшье тэрэ мүнөөшье гэмтэй юумэ хээгүй.

Псалманууд 21:9

«Тэрэ Эзэндэ этигэдэг байгаа, тиимэ хадань Эзэниинь лэ абараг! Тэрээндэ Эзэн дуратай һаа, абараг!»

Псалманууд 74:7

– Зарга шүүлгэ зүүн зүгһөө бэшэ, баруун тээһээшье бэшэ, сүл губиһаашье бэшэ, хада уулаһаашье бэшэ ерэдэг.

Исай 22:5

Энэ болбол Үзэгдэлэй Нюрууда эхи эмхигүй үймөөнэй, хүл хөөрсэгэнөөн, һамараанай болохо үе сагые Түмэн Сэрэгтэ Эзэн тодорхойлон, маанад руу эльгээ! Хотын хэрэм хананууд эбдэгдэжэ, «абарыт!» гэһэн хашхараан хада уулаар сууряатана.

Исай 23:9

Бүхы гоо үзэсхэлэнгыень, бардам бахархалыень доромжолхын тула Түмэн Сэрэгтэ Эзэн энээниие түсэблэн хээ юм.

Исай 25:12

Үндэр ханатай Моһаабай хэрэмүүдые Тэрэ бута сохихо, шорой шохойтой адли болгохо!

Исай 26:5

Дээрэлхүү, бардам зантайшуул Тэрээндэ хамараа сохюулаа, тэдэнэй ажаһуудаг хүсэ ехэтэй хотые Тэрэ һандаргаа. Ханануудыень унагаажа, тооһо шоройтой худхаа.

Исай 27:11

Тэрэнэй мүшэрнүүд хатажа хухарха. Тиихэдэнь эхэнэрнүүд ерэжэ, түлеэн мэтээр шатааха. Зоной юушье ойлгоогүй һэн тула Байгуулагшань тэдэниие хайрлахагүй, Бүтээгшэнь нигүүлэсхы зан гаргахагүй.

Исай 43:28

Тиимэ ушарһаа Би санаарта ударидагшадые нангин үүргэһээнь болюулааб, Яковые хосоролдо үгөөб, Израилиие доромжолгодо оруулбаб.

Исай 47:6

Би Өөрын арад түмэндэ уурлан, доромжолжо, шинии мэдэлдэ дамжуулаа бэлэйб. Ши тэдээндэ энэрэл хайра үзүүлэнгүй, наһатайшье зониие дарлан-зобоон байгааш.

Ерэмияа 13:14

Домбо нүгөө домбоор домбодон сохижо байһандал, Би тэдэниие хүгшэн, залуугүй бэе бэедэнь хамталан бута сохихоб. Хайра үршөөл үзүүлхэгүйб, хайрлахагүйб, энэрилхэгүйб, хюдахаб! – гэбэ.

Ерэмияа 19:15

Израилиин Бурхан, Түмэн Сэрэгтэ Эзэн иигэжэ айладана: «Үзөөрэйгты, Минии үгэ дуулахагүй гэжэ үсэрхэһэнэйтнай түлөө Би тунхаглаһан бүхы гай тодхороо энэ хотодо болон оршон тойронхи һууринуудтань шэглүүлхэмни», – гээшые дуулгаа һэм.

Ерэмияа 21:7

Тэрэнэй удаа Иудын хаан Цэдэкиия, шамайе, түшэмэлнүүдыеш болон дайн дажарай, үлэсхэлэн хооһон байдалай, зуд тахалай һүүлээр үлөөшэ зониие Вавилооной хаан Навуходоносороор, таанадые алахаяа һанаһан дайсадаартнай, баряанда абхуулхаб. Навуходоносор таанадые һэлмээр сабшан алаха. Тэрэ хэнииешье амиды мэндэ үлөөхэгүй, хайрлахагүй, энэрэл үзүүлхэгүй. Энэ болбол Би, Эзэн, айладхана мүн!» гээшые нам руу ерэһэн зондо дамжуулан хэлэбэб.

Ерэмияа 5:10

Үзэмэй таряалан мэтэ арад зон руу сүйд хэхыень дайсадые эльгээхэб, гэбэшье бүримүһэн усадхуулхагүйб, харин мүшэрнүүдыень хухалхые захирхаб, юуб гэхэдэ, тэдэ Минии арад бэшэ.

Гашуудал 2:17

Шиидэһэн хэрэгээ Эзэн бүтээгээ, эртэ урдын үдэрнүүдтэ айладаһан үгөө бэелүүлээ. Тэрэ хайра гамгүй һалгаана, дайсадаар шамайе баһуулан баясуулаа, дайсадые үргэмжэлөө.

Гашуудал 2:21

Хүүгэд, хүгшэд газарта, харгын захаар хэбтэнэ! Залуу хүбүүд, басагадни һэлмээр сабшуулан алуулаа! Хилэнтэ үдэртөө Та тэдэниие алаат, хайра гамгүй усадхаат!

Гашуудал 2:5

Эзэн дайсан шэнги болоо, Израилиие усадхаа, ордонгуудынь һандаргаа, бүхэлэлтэнүүдынь ниса сохёо, Иудын нютаг орониие гай гашуудал, бархираагаар дүүргээ.

Гашуудал 3:43

Уур сухалаар бушаганан, маанадые намнаат, хайра гамгүй хюдаат.

Эзэкээл 5:11

Би амиды Бурхан мүн, тиимэһээ Минии ордон онгонуудаараа, муу муухай хэрэгүүдээрээ бузарлаһанайтнай түлөө Би таанадые хайра гамгүй үсөөрүүлхэб.

Эзэкээл 7:4

Би шамайе хайрлахагүйб, энэрэл үзүүлхэгүйб, хэһэн хэрэгүүдэйшни хэмээр, жэгшүүрилтэ ябадалайшни түлөө шамайе хэһээхэб. Тиихэдэм таанад Намайе Эзэн гээд мэдэрхэт.

Эзэкээл 7:9

Таанадые хайрлахагүйб, энэрэл үзүүлхэгүйб. Хэһэн хэрэгүүдэйтнай хэмээр хэһээхэб, жэгшүүрилтэ хэрэгүүдтнай эли болохо. Тиихэдэ Намайе Эзэн, хэһээлтэ амасуулдаг Эзэн гээд таанад ойлгохот.

Эзэкээл 8:18

Тиимэһээ тэдэ Минии уур хилэнгэй бүхы хүсые мэдэрхэ! Хайрлахагүйб, энэрэл үзүүлхэгүйб! Намайе гуйжа хашхаралдаашье һаань, Би тэдэниие шагнахагүйб!

Эзэкээл 9:10

Тиимэһээ Би тэдэниие хайрлахагүйб, энэрэл үзүүлхэгүйб. Хэһэн юумыень өөһэдтэнь амасуулхаб.

Михей 5:14

Ашэраа бурханда мүргэдэг модон баханануудыеш үгы хэжэ, хотонуудыеш усадхахаб.

Малаахи 1:4

«Бидэ сохигдоошье һаа, бусажа ерээд хото балгааһануудаа һэргээн бодхоохобди» гэжэ эдоомуудай хэлэхэдэ, Түмэн Сэрэгтэ Эзэн иигэжэ айладана. «Бодхоохо һаа, бодхоожо байг, харин Би тэрээнииень һандаргахаб. Эдоом гээшэ ёро муута орон нютаг, Эзэнэй зэбүүрхэл хэтэдээ шэнгээһэн арад түмэн гэжэ тэрэниие нэрлэхэ».

Матвей 18:33

Шамайе минии хайрлаһандал адляар, шишье нүхэрөө хайрлаха ёһотой байгаа бэшэ гүш?» – гэжэ сухалтайгаар хэлэбэ.

Хуули дабталга 28:52

Эзэн Бурханайтнай үгэһэн газарта бүхы хотонуудыетнай тэдэ бүһэлхэ, хотын бүһэлүүр хананууд үндэр, бүхэ гээд найдахадатнай, бүхы газар дайдаартнай эдэ ханануудые эбдэхэ.

Хуули дабталга 32:22

Гал дүлэн мэтээр Минии уур сухал бужаганаа, үхэлэй орон хүрэтэр дүлэтэнэ, газарые болон хэшэгыень шатаан залгижа, хада уулын үндэһэ һуури хайрана.