Гашуудал 2:1 - Библи

¹ Оо, гай даа! Уур сухал дундаа Эзэн Сионой басагые шэб харанхыгаар хүреэлөө. Израилиин гоо һайханиие огторгойһоо газар руу шэдээ. Уур хилэнтэ үдэртөө нангин үргөө тухайгаашье мартаа.

Гашуудал 2:1 ပူးပေါင်းရင်းမြစ်များ

2 Хаан түрэнүүд 1:19

Израилиин бахархал! Ши дайсанайнгаа урда һүгэдэн сухарингүй алуулбаш! Эгээл эрэлхэг зоригтойшуулнай алдалан унаба!

1 Угай бэшэг 28:2

Давид тэдэнэй урда хүл дээрээ бодоод, сугларагшадта иигэжэ хэлэбэ: – Минии аха, дүүнэр, мүн минии арад түмэн, намайе шагнагты! Эзэнэй хэлсээнэй ханза хадаглаха гэр бодхоохо хүсэлөө зүрхэндөө хадуун абажа ябааб. Бурханда хэрэгтэй энэ барилгые бэелүүлгэдэ хамагые түгэс бэлдээб.

Псалманууд 99:5

Юуб гэбэл, Эзэн һайн, энэрэл хайрань хэтэ мүнхын, үнэн сэхэнь үеһөө үедэ дамжанал.

Исай 64:11

Үбгэ эсэгэнэрэймнай Танда магтаал үргэдэг газар – манай нангин үзэсхэлэнтэ үргөө гал дүлэндэ шатаа. Манай дуратай газарнууд һандаргагдаа.

Ерэмияа 30:14

Бүхы амарагуудтнай таниие мартаа, бэшэ таанадые хэрэгсээхэеэ болёо. Дайсанай сохилтоор, шэрүүн хэһээлтээр таанадые дайрааб, юуб гэбэл, гэм зэмэтнай угаа ехэ. Нүгэлтнай тоолошогүй олон.

Гашуудал 1:1

Оо, гай даа! Улад зоноор хүүен-хүнхинэн байгааша энэ хото мүнөө яагаа гансаарданги гээшэб! Үндэһэтэдые зонхилон байһан аад, мүнөө тэрэ бэлбэһэн эхэнэртэ адли болоол! Хото можонуудай хатан байһан тэрэ мүнөө богоол болоо!

Гашуудал 1:12

Аянай зон, таанар хажуугаар үнгэрөөшье һаа, харыта, анхарыта: намтай тушаалдаһан зоболондол адли зоболон бии юм аал? Уур хилэнгээр дүрэлзэһэн үдэртөө Эзэн намда тэрэниие эльгээ!

Гашуудал 2:17

Шиидэһэн хэрэгээ Эзэн бүтээгээ, эртэ урдын үдэрнүүдтэ айладаһан үгөө бэелүүлээ. Тэрэ хайра гамгүй һалгаана, дайсадаар шамайе баһуулан баясуулаа, дайсадые үргэмжэлөө.

Гашуудал 4:1

Оо, гай даа! Алтан ямараар харлаа, шэжэр алтан хэды ехэ бүрүүл болоо гээшэб! Нангин үргөөгэй үнэтэ шулуун харгын уулзуураар хаягданхай.

Гашуудал 4:11

Эзэн уур сухалаар дүүрэжэ, уур сухалаа адхаба, Сиондо гал түймэр носообо, дууһан шатааба!

Эзэкээл 13:13

Тиимэһээ Эзэн Бурхан иигэжэ тунхаглана: – Уур сухал дундаа Би шанга һалхи, аадар бороо, мүндэр эльгэжэ, хана унагаахаб.

Эзэкээл 19:12

Харин Би уур хилэнтэжэ, тэрэниие газарһаань һуга татан газарта хаябаб. Элһэн сүл губиин халуун һалхин жэмэсынь хатаагаа. Хүдэр гэшүүһэдынь хатажа, галда шатаагдаба.

Эзэкээл 24:21

Таанарай хүсэ шадалай бахархал, нюдэнэйтнай хужар, сэдьхэлэйтнай сэсэг болохо нангин үргөөе Тэрэ үгы хэхэеэ байна. Иерусалимда үлөөшэ үхи хүүгэдтнай һэлмээр усадхагдаха.

Эзэкээл 30:18

Танай хүсэ шадалые бууруулжа, омогорходог хүсыетнай һалгаахадам, Тахпанхээс хото дээрэ харанхы бууха. Баряанда туугдан ошоходотнай бүрэгэр хара үүлэн орон нютагыетнай бүрхөөхэ.

Ёһээл 2:2

Тэрэ бүрхэг харанхы үдэр уулын оройгоор үүрэй туяагай сасарһан мэтэ амаргүй олон ба агуу хүсэтэй арад түмэн таража байна. Тэрээнтэй тэнсэхэ юумэн урданшье байгаагүй, хойшодоошье олон үедэ байхагүй.

Матвей 11:23

Капернаум хотынхид, таанад огторгойдо алдаршаха һанаатай байна гүт? Таанад тамын оёорто унахат. Хэрбээ танай хотодо бүтээһэн гайхамшагта хэрэгүүдээ Содомдо харуулһан байбални, тэрэ хотынхид гэмээ наманшалаад, хотонь мүнөөшье хүрэтэр бүтэн байха бэлэй.

Лука 10:15

Капернаум хотынхид, таанад огторгойдо алдаршаха һанаатай байна гүт? Таанад тамын оёорто унахат!

Лука 10:18

Тиихэдэнь Иисүүс тэдээндээ хэлэбэ: – Тэнгэриһээ сатанагай сахилгаан мэтээр доошоо унаһые Би хараһан байнаб.

1 Хаан түрэнүүд 4:21

Бурханай ханзын буляагдажа, хадам эсэгынгээ ба үбгэнэйнгөө наһа бараһан ушарһаа тэрэ: – Бурханай алдар Израильһаа һалан ошобо, – гэжэ хэлэн, хүбүүгээ Ихабоод гэжэ нэрлэбэ.

1 Хаан түрэнүүд 4:22

– Бурханай ханзын буляагдаһан ушарһаа Бурханай алдар Израильһаа һалаба, – гэжэ тэрэ үгүүлээ бэлэй.