Гашуудал 1:9 - Библи

⁹ Хормойнь муухай юумэндэ зуурагданхай. Тэрэ ерээдүй тухайгаа бодоогүй, тиимэһээ гэнтэ доройтон унаа. Хэншье тэрэниие һатааруулхагүй! «Эзэн! Минии гай зоболон анхарыт! Дайсадай угаа баярлажа байһые!»

Гашуудал 1:9 ပူးပေါင်းရင်းမြစ်များ

2 Хаан түрэнүүд 16:12

Эзэн минии доромжолуулагдажа байһые хаража, тэрэнэй хараалай орондо намда һайн һайханиие хэжэ магад.

4 Хаан түрэнүүд 14:26

Эзэн Израилиин багашуулһаа ехэшүүл хүрэтэр булта үхэжэ, гашуун зоболон үзэжэ, абарагшагүйдэлгые хараад,

Нэхэмьяа 9:32

Ассириин хаашуулай үеһөө энэ болотор Танай бүхы арадай, манай эсэгэнэрэй хуби заяанда, мүн манай лүндэншэдэй, санаартадай, манай удамаршадай, хаашуулай хуби заяанда, маанадта үзэгдэһэн бүхы бэрхэшээлнүүдые багада бү тоолыт, Хэлсээгээ үнэн сэхээр хадагалагша, нигүүлэсхы, аймшагтай, хүсэтэй агуу Бурхан, Ээ манай Бурхан!

Псалманууд 140:8

– Эзэн Бурхан, Тан руу нюдэмнай шэглэнэ, Тандал найданабди, ами наһым аршалыт!

Египедһээ гаралга 3:17

Таанадые Би Египедэй дарлалтаһаа зайлуулжа, ханаһаан, хээт, эмоор, пэриззии, хиив ба евүүс угсаатанай һуудаг, һү тарагаар, бал тоһоор дэлбэржэ байдаг нютагта абаашахам».

Египедһээ гаралга 3:7

– Би Минии арадай Египедтэ зобожо байхыень харааб, харуулшадай харшалхада туһа эрижэ байхыень дуулааб; Би тэрэнэй зобоһыень мэдээб.

Египедһээ гаралга 4:31

Арад зон одоошье үнэншэбэ. Эзэн Израилиингаа хүбүүдые анхаран, ядарал зоболонгымнай хараа гэжэ дуулахадаа, тэдэ һүгэдэн хүндэлжэ, доро дохин байгаа бэлэй.

Экклезиаст 4:1

Нарата юртэмсэдэ бүхы дарлалтын үйлэ дахин дахин харабаб. Дарлуулагшадай нулимса хаража байхада, тэдэнэй һанаа заһаха хэншье олдохогүй. Дарлагшын талада хүсэн, харин дарлуулагшадые хайрлаха хэншье байхагүй.

Исай 3:8

Иерусалим бүдэрэн унахаяа байна, Иудын хан түрэ доройтон һандарна, юуб гэхэдэ, тэдэ Эзэнэй урдаһаа һөөргэдэн дуугарна, хэрэг ябуулна, Алдарта Бурханай хараа нюдэндэ энэ доромжолол мүн.

Исай 37:17

Мүнөө шэхээ табижа, шагныт, нюдөө нээжэ, харыт! Амиды Бурханиие доромжолхо гэжэ элшэдээ эльгээһэн Сэннахэриибэй үгые соносыт!

Исай 37:23

Хэниие доромжолон-наадалан байһанаа мэдэнэ гүш? Хэн руу шангаар бадашажа, хэн руу бардамлан харанабши?! Намайе, Израилиин арюун Бурханиие, дайран доромжолоош.

Исай 37:29

Минии шэхэндэ соностоһон Намда эсэргүүсэн уурлаһанайш түлөө, дээрэлхүү ааша зангайш түлөө шинии хамарта гохо хадхаад, шинии аманда хазаар үмэдхөөд, шамайе ерэгшэ харгыгааршни бусаахаб!»

Исай 37:4

Ассириин хаан ахамад түшэмэлөө амиды Бурханиие доромжолхо-баһахын тула эльгээгээ. Эзэн Бурхантнай баһаһан тэдэ үгэнүүдые соносожо, хэлэһэн хүнүүдыень хэһээхэ бэзэ. Амиды мэндэ үлэһэн өөһэдынгөө зон тушаа Бурхандаа зальбарыт».

Исай 40:2

Иерусалимай зонтой эелдэр зөөлэнөөр хөөрэлдэгты. Тэдэнэй зобохо-тулиха саг дүүрээ, нүгэл хилэнсэгынь арюудхагдаа гэжэ хэлэгты. Бүхы нүгэлэйнь түлөө тэдэниие Би хоёр дахин ехээр хэһээгээб».

Исай 47:7

Хэтэ мүнхэдөө хатан байхаб гэжэ ши һанааш. Саашадаа юун болохыень һанаандаашье оруулаагүйш.

Исай 51:19

Дабхар гай тодхор шамайе дайраа! Хэн шамайе хайрлахаб?! Дээрмэдэлгэ ба хюдалга, үлэсхэлэн байдал ба һэлмээр усадхалга! Шамайе һаатуулха хэншье үгы!

Исай 54:11

Эзэн иигэжэ айладана: «Иерусалим, ши зобоһон нэгэнши даа! Һалхи шуурганда сохигдоһон хотош! Хараарай, Би шамайе оюун шулуугаар барижа, һуурииешни биндарьяагаар табихаб.

Ерэмияа 13:27

Үзэн ядадаг юумыень хэжэ байхыетнай Эзэн хараа бэлэй. Хүршынгөө һамга эдлэхые хүсэдэг хүндэл гү, али гүүнэй хойноһоо инсагаалһан азаргадал адли таанадай хээрэ талын добонууд дээрэ шүтөөнүүдтэ мүргэжэ байхые Тэрэ хараа һэн. Иерусалимай улад зон, таанад заатагүй хосорхот! Хэды болотор бузартай байхабта?!

Ерэмияа 16:7

Эхэ, эсэгэеэ, дүтын хүнөө алдаад байгша хүнэй һанаа тэгшэлхын, һамааруулхын тула хэншье тэрээндэ эдеэ хоол дурадхажа, хундага барижа бахагүй.

Ерэмияа 2:34

Мүн дэгэлэйтнай хормой дээрэ гэм зэмэгүй, үгытэй ядуу зоной шуһан харагдана. Теэд тэдэ зоной дээрмэдэжэ байхань үзэгдөөгүйл.

Ерэмияа 48:26

Эзэн айладхана: – Моһаабые һогтуулагты, юуб гэхэдэ, тэрэ Минии урдаһаа эсэргүү бодоо. Бөөлжэдэһэн соогоо тэрэ хэбтэг лэ, зоной наадан, шоо үзөөн болохо.

Ерэмияа 5:31

лүндэншэд хуурмаг абарал буулгана, тэдэнэй туһаар санаартад улад зониие ударидана. Минии арад түмэн энээндэ угаа дуратай байха юм! Харин энээнэй дүүрэжэ, хэһээлтын сагай ерэхэдэ, тэдэ яаха болоноб?

Ерэмияа 50:29

Вавилооной урдаһаа харбагшадые дуудагты. Хотые тойрон, хэнииешье тэндэһээ амиды мэндэ табингүй тэдэ зогсог лэ! Үйлэдэһыень өөртэнь бусаагты! Ондоо арадуудта ямараар хандаа һэм, тон тиимээр өөртэнь хандагты! Юуб гэбэл, Вавилоон Минии, Израилиин Нангинай, урдаһаа бардамлан үндыгөөл.

Гашуудал 1:17

Сион гараа һунгана, тэрэниие һатааруулха хэншье байхагүй. Эзэнэй захирхада дайсад Яковые бүһэлөө. Тэдэнэй дунда Иерусалим бузарлагдаһан эхэнэр мэтэ болоо.

Гашуудал 1:21

Дайсад минии ёолохые дуулаа, хэншье намайе һатааруулхагүй. Минии зоболон тушаа тэдэ соносожо, Танай энээниие үйлэдэһэндэ баясаа. Тэдэниие намтай адли болгохо үдэр тухай Та тунхаглаһан ёһоороо асараарайт!

Гашуудал 2:13

Иерусалим! Шамда юу гэжэ хэлэхэбиб, юунтэй жэшээлхэбиб? Сионой басаган, шамайе юунтэй сасуулха, яажа һатааруулхабиб? Гай зоболоншни тэнгис далайдал хизааргүй. Хэн шамайе аргалжа шадахаб?

Гашуудал 4:1

Оо, гай даа! Алтан ямараар харлаа, шэжэр алтан хэды ехэ бүрүүл болоо гээшэб! Нангин үргөөгэй үнэтэ шулуун харгын уулзуураар хаягданхай.

Гашуудал 5:1

Эзэн! Бидэнтэй юу болоһые һаныт! Маанадай доромжологдоһониие харыт, үзыт!

Һошээ 2:14

Зай, иигэжэ Би тэрэниие зэлүүд хооһон газар руу дахуулан абаашаад, уриханаар хандан тэрээндэ үгэ хэлэхэб.

Цэпаанияа 2:10

Энэ болбол Моһаабтай болон Аммоонтой юундэ ушарааб гэбэл, тэдэнэй бардамлаһандань, Түмэн Сэрэгтэ Эзэнэй арад түмэниие шоо үзэн баһаһанайнь түлөө!

Иоанн 11:19

Дүүгэйнгээ наһа барахада уйдан гашуудажа байһан Марфа Мария хоёрой һанаа заһахаяа олон еврейнүүд тэдэнэйдэ ошобо.

Хуули дабталга 26:7

Тиихэдэнь бидэ Эзэндэ, элинсэг хулинсагайнгаа Бурханда, орилон бархиран мүргөө бэлэйбди. Эзэн манай гуйлтые дуулаа, манай ядарал, хүндэ хүшэр ажалыемнай, маанадай дарлалта хараа.

Хуули дабталга 32:27

Теэд дайсадынь юун гээд һанахаб гэжэ мэдэнэб. „Эзэн Израилиие хюдаа бэшэ, энэ хадаа бидэ өөрынгөө асари ехэ хүсөөр тэдэниие диилээбди“, – гэжэ дайсадынь буруу ойлгохол».

Хуули дабталга 32:29

Ухаатай гээшэ һаа, тэдэнэр тэдээнтэй юунэй болохоёо байһыень ойлгохо бэлэйл.

Пётрой 1-дэхи хандалга 4:17

Зарга шүүбэриин эхилхэ саг дүтэлөөд байна. Тиихэдэ Бурханай хүнүүд хамагай түрүүн зарга шүүбэридэ орохо. Хэрбээ заргаяа бидэнһээ эхилбэл, Бурханда һүзэглэхэеэ арсаһан хүнүүд ямар хойшолонтой байхань гээшэб?

1 Хаан түрэнүүд 1:11

Ханнаа дашаа тангариг үгэжэ, иигэжэ хэлэбэ: – Түмэн Сэрэгтэ Эзэн, Танай шэбэгшэ болохо минии гай гашуудалые хаража, нам тушаа һанажа, мартангүй, хүбүү үршөөгөө һаатнай, тэрэниие бүхы наһаараа Танай мэдэлдэ үгэхэб. Толгойнь үһые хайша хүрэхэгүй.