Гашуудал 1:5 - Библи

⁵ Дайсадынь диилээ, түрүүлээ, баясажа байна. Оло дахин нүгэл хэһэнэйнь түлөө Эзэн энэ хотодо гай гасалан ушаруулаа. Дайсад үхи хүүгэдыень туун абаашана.

Гашуудал 1:5 ပူးပေါင်းရင်းမြစ်များ

Эзэкээл 9:9

Тиихэдэм Эзэн иигэжэ харюусаба: – Израилиин болон Иудын хан түрын улад зон угаа ехэ зэмэтэй. Тэдэ газар дэлхэй дүүрэн алалсаа хюдалсаа үүдхэжэ, Иерусалим хотые гэмтэ ябадалаар дүүргээ. Намайе, Эзэниие, орон нютагһаань арсажа, өөһэдыень харалсахаа болиһон тухаймни тэдэ хэлэнэ.

Ерэмияа 39:9

Харуулай ахамад Набузарадаан хото соо үлэһэн зониие, мүн дайсанай тала баримталан ошогшодые Вавилоон руу нүүлгэн абаашаба.

Гашуудал 3:46

Дайсаднай бултадаа маанадые залгихаар амаа ангайгаа.

Гашуудал 2:17

Шиидэһэн хэрэгээ Эзэн бүтээгээ, эртэ урдын үдэрнүүдтэ айладаһан үгөө бэелүүлээ. Тэрэ хайра гамгүй һалгаана, дайсадаар шамайе баһуулан баясуулаа, дайсадые үргэмжэлөө.

Гашуудал 1:18

Теэд Эзэн зүб шударга! Юуб гэхэдэ, би үгыень дуулаагүйб. Бүхы арад түмэн, шагнагты, зоболонгым харагты: залуу басагад, хүбүүдни баряанда туугдан ошожо байна.

Ерэмияа 23:14

Харин Иерусалимай худал лүндэншэд бүри муухай юумэ үйлэдэнэ: тэдэ һальхай забхай ябадалтай, худалаар хэлэнэ, муу юумэ хэгшэдые дэмжэнэ. Тиимэһээнь хэншье муу хэрэгээ орхиногүй. Тэдэ бүгэдэ Намда жэгшүүритэй, Содом болон Гоморрын зон шэнги.

Ерэмияа 12:7

Би Израилиие орхижо, Өөрынгөө арад түмэниие хаяаб. Дуратай арад зоноо дайсадайнь мэдэлдэ үгөөб.

Ерэмияа 5:29

Тиимэһээ Би, Эзэн, тэдэниие хэһээхэб, иимэ арад зонһоо үһөөгөө абахаб.

Исай 63:18

Бидэ, Танай нангин арад, энэ газарые богони саг соо эзэмдэн байгаабди. Дайсаднай Танай нангин газарые дэбһэн бузарлаа.

Псалманууд 80:6

Тэрэ Египедэй нютагаар ябажа байхадаа энэ зарлигые Иосифто үгэһэн юм. Урдань дуулаагүй иимэ хоолой соносоо бэлэйб:

Хуули дабталга 31:29

Би мэдэнэб: минии нүгшэһэнэй удаа зон ёһоо алдаха, минии заабарилһан харгы замһаа хадуурха. Нэгэ хэды сагай үнгэрхэдэ, тэдэ гай гасалантай дайралдаха, юуб гэхэдэ, Эзэнэй муу гэжэ тоолодог юумэ хэхэеэ байна, өөһэдынгөө хэрэгүүдээр тэдэ Эзэниие сухалдуулха.

Исай 22:5

Энэ болбол Үзэгдэлэй Нюрууда эхи эмхигүй үймөөнэй, хүл хөөрсэгэнөөн, һамараанай болохо үе сагые Түмэн Сэрэгтэ Эзэн тодорхойлон, маанад руу эльгээ! Хотын хэрэм хананууд эбдэгдэжэ, «абарыт!» гэһэн хашхараан хада уулаар сууряатана.

Ерэмияа 10:20

Минии майхан дээрмэдүүлэгдээ, минии ооһорнууд таһаранхай. Улад зомни намһаа ошоо, хэншье үлөөгүй. Майхангыем табиха, хүшэгэнүүдыем татаха хэншье үгы.

Гашуудал 1:8

Иерусалим ехэ нүгэл хээ, тиимэһээ бузартай болоо. Тэрээндэ соло үргэн байгаашад мүнөө шоо үзэн хаража байна. Өөрөө тэрэ уйлажа, буруу хараад байна.

Эзэкээл 9:10

Тиимэһээ Би тэдэниие хайрлахагүйб, энэрэл үзүүлхэгүйб. Хэһэн юумыень өөһэдтэнь амасуулхаб.

4 Хаан түрэнүүд 21:15

Тэдэнэй үбгэ эсэгэнэрэй Египедһээ гараһан үдэрһөө эхилээд, мүнөө болотор Намда таарамжагүй хэрэг ябуулгануудые хэһэн, хэжэшье байһан эдэ хүнүүд Минии уур сухалые хүргэнэ!

Гашуудал 1:16

Эдэ бүгэдэ тухай би уйланаб, нюдэмни уһан болонхой. Амиды мэндэ байлгадаг, һатааруулдаг нэгэн намһаа холо. Дайсанай хүсэндөө ороһон ушарһаа үхи хүүгэдни хооһон хосорно.