Гашуудал 1:4 - Библи

⁴ Сионой харгынууд шаналан байна: һайндэртэ ошохо хүн байхагүй. Иерусалимай бартаанууд хооһон, санаартадынь ёолоно, басагадынь зобон уйдана, Сион өөрөөшье зобоно.

Гашуудал 1:4 ပူးပေါင်းရင်းမြစ်များ

Ерэмияа 10:22

Шагнагты! Иимэ һураг дуулдаба! Иудын хотонуудые хооһон, сүүбэн шонын үүр болгохоёо хойто зүгэй орон нютагһаа ехэ шууяатай сэрэг гаража байна.

Ерэмияа 14:2

– Иудын хан түрын улад хосорһон зон тухайгаа гашуудан уйлалдана. Хотонуудаарнь газар дээрэ зон уйдан хүсэгүй хэбтэнэ. Иерусалим соо улад зон Бурханһаа туһа гуйнал.

Ерэмияа 9:11

Эзэн айладхана: «Иерусалимые һандарһан шулуун обоо, сүүбэн шонын үүр болгохоб. Иудын хотонуудые ажаһуугшадгүй хооһон болгохоб».

Гашуудал 1:21

Дайсад минии ёолохые дуулаа, хэншье намайе һатааруулхагүй. Минии зоболон тушаа тэдэ соносожо, Танай энээниие үйлэдэһэндэ баясаа. Тэдэниие намтай адли болгохо үдэр тухай Та тунхаглаһан ёһоороо асараарайт!

Гашуудал 5:13

Залуу эрэшүүл тээрмэдэ ажаллана, эдир хүбүүд бүдэртэрөө түлеэ зөөнэ.

Гашуудал 5:14

Хотын бартаануудай хажууда ахатан һуунагүй, залуушуул дуулалданагүй.

Һошээ 2:13

Баал бурхадуудта уталга ууюулжа, һиихэ болон элдэб зүүдхэлнүүдээр бэеэ шэмэглэн, амарагуудайнгаа хойноһоо гүйжэ, Намайе мартан орхижо байһанайнь түлөө Би тэрэниие хэһээхэб. Энэ болбол Би, Эзэн, айладхаа мүн!

Левит 26:22

Таанадта хүдөө хээрын зэрлиг амитадые эльгээхэб. Тэдэ таанадые үри хүүгэдгүй болгохо, адуу малыетнай хюдаха, өөһэдыетнай үсөөрүүлхэ, тиигээд харгынуудтнай хооһорхо.

Михей 3:12

Тиимэһээ таанадһаа боложо, Сион таряалангай талмай мэтэ хахалагдаха, Иерусалим обоолоотой һандархай шулуун болохо, Һүмын мүнөө байгааша газар ой модоной ургадаг гүбээ болохо!