Гашуудал 1:2 - Библи

² Бүхэли һүниндөө тэрэ сурхирса уйлана, нёлбоһод хасар дээгүүрнь урдана. Дуратай байһан зонойнь дунда тэрэниие һаатуулха хүн үгы, нүхэдынь тэрээндэ урбажа, дайсадынь болонхой.

Гашуудал 1:2 ပူးပေါင်းရင်းမြစ်များ

Иоов 6:15

Гэхэдэш таанар хаа-яа шэргэһэн, хаа-яа үерлэһэн горхон мэтэ найдабаригүй байнат.

Иоов 7:3

Тэрэшэлэн минии бэе уйтай үдэр һарануудые тэбшэн хүлеэбэшье, һайниие үзөөгүй. Һайниие үзэхын орондо һүни бүри зобон тэршэлдэг.

Псалманууд 126:5

Тэдээр һаадагаа дүүргэгшэ хүн угаа юрөөлтэй. Тэрэ хаалгануудай хажууда дайсадтай мүргэлдэбэл, эшэхэ байдалда орохогүй.

Псалманууд 31:11

Зүб шударга зон Эзэндэ баярлан, баясан байха, сэхэ зантай бүхы зон һайндэрлэхэ!

Псалманууд 6:6

Юуб гэхэдэ, үхэһэн хүн Тан тушаа һанахагүй, Үхэлэй орондо хэншье Танда магтаал үргэхэгүй.

Һургаал 19:7

Ядуу хүниие аха дүүнэрыншье үзэн ядахадань, хани нүхэдэйнь хүйтэрэн холодохонь гайхалгүй. Үгэ хэлэн шарайшалхадань, тэдэнь олдохошьегүй.

Ерэмияа 13:17

Харин энээниие анхараагүй һаатнай, танай бардам занһаа боложо, минии зүрхэ сэдьхэл бүтүү уйлахал. Эзэнэй арад зоной һүрэг мэтээр баряанда туугдаһанһаа боложо, нюдэдэйнгөө шэргэтэр би сурхирса уйлахаб.

Ерэмияа 2:25

Израиль, ши шүтөөнүүдэй хойноһоо ябахаяа боли! Хоолойнгоо ангатар тэдэниие хүсэхэшни хүрөө! Харин ши: «Үгы! Би һөөргөө бусахагүйб, хариин бурхадта дуратайб, тэдэниие дахан ябахаб», – гээ бэлэйш.

Ерэмияа 3:1

Эзэн айладхал буулгана: – Хэрбээ үбгэн һамган хоёрой һалажа, һамганайнь ондоо хүнэй һамган болоо хадань, дахин тэрэниие түрүүшын үбгэниинь һамган болгон абажа шадахагүй. Тиигээ һаань, газар дэлхэй бүхыдөө бузарлагдаха бэлэйл. Израиль, ши олон амарагтай һальхайрааш. Тиигээд үшөө намда бусахаяа һанажа байнаш!

Ерэмияа 30:14

Бүхы амарагуудтнай таниие мартаа, бэшэ таанадые хэрэгсээхэеэ болёо. Дайсанай сохилтоор, шэрүүн хэһээлтээр таанадые дайрааб, юуб гэбэл, гэм зэмэтнай угаа ехэ. Нүгэлтнай тоолошогүй олон.

Ерэмияа 4:30

Һандаргагдаһан Иуда, ши яахабши? Юундэ шад улаанаар хубсалнабши? Юундэ алта шэмэглэлээр бэеэ гоёожо, нюдөө будажа байнабши? Ши дэмыл өөрыгөө гоёонош: амарагуудшни шамайе хаяжа, алахаяа бэлдэжэ байна.

Ерэмияа 9:1

Минии толгойн уһаар дүүрэн байгаа һаань, минии нюдэдэй нулимсын булаг болоо һаань, алагдаһан улад зонойнгоо хойноһоо үдэр, һүнигүй уйлаха һэм.

Гашуудал 1:19

Би амарагуудаа дуудааб, теэд тэдэ намда урбаа. Санаартадни, үндэр наһатайшуулни хото соо хосоржо байна, үхэлһөө зайлахын тула эдеэ хоол гуйраншалжа ябана.

Гашуудал 1:21

Дайсад минии ёолохые дуулаа, хэншье намайе һатааруулхагүй. Минии зоболон тушаа тэдэ соносожо, Танай энээниие үйлэдэһэндэ баясаа. Тэдэниие намтай адли болгохо үдэр тухай Та тунхаглаһан ёһоороо асараарайт!

Гашуудал 1:9

Хормойнь муухай юумэндэ зуурагданхай. Тэрэ ерээдүй тухайгаа бодоогүй, тиимэһээ гэнтэ доройтон унаа. Хэншье тэрэниие һатааруулхагүй! «Эзэн! Минии гай зоболон анхарыт! Дайсадай угаа баярлажа байһые!»

Гашуудал 2:11

Нёлбоһодһоо боложо һохор болонхойб, доторни хабданхай, арад түмэнэйнгөө хосоржо байхада, бага хүүгэдэй үлдэжэ-хооһоржо, хотын үйлсэнүүдтэ үхэжэ байхада зүрхэмни хахаран байна.

Эзэкээл 16:37

Тиимэһээ Би шинии дуратай амарагуудыеш, мүн шамайе үзэн ядагшадые бултыень хамта суглуулжа, шамайе тойруулан зогсоогоод, хубсаһыеш хуулан абахаб. Тиихэдэм тэдэ шинии шараа нюсэгые хараха.

Һошээ 2:7

Тэрэ амарагуудайнгаа хойноһоо гүйхэ, гэбэшье хүсэхэгүй. Тэрэ тэдэнээ бэдэрхэ, гэбэшье олохогүй. Тиигээд тэрэ иигэжэ хэлэхэ: «Өөрынгөө түрүүшын үбгэндэ бусахам, юуб гэхэдэ, тиихэдэ мүнөөндэм орходоо намда һайн байгаа бэлэйл».

Михей 7:5

Дүтын хүндөө бү этигэгты, нүхэртөө бү найдагты. Һамга, үбгэндөөшье хэлэхэеэ тэбшэгты.

Гэршэлгэ 17:13

Тэдэнэр хаба шадалаа, засаг түрэеэ арьяатанда үгэхэ гэһэн гансал зорилготой.

Гэршэлгэ 17:16

Шинии хараһан эдэ арбан эбэрнүүд, мүн арьяатан тэрэ Янхан эмые үзэн ядажа зэбүүрхэхэ, тэрэниие үгырүүлэн хооһоруулха, салдаган нюсэгөөр үлөөхэ, тэрэ эмые эдижэрхихэ, тиигээд галда шатааха.