Гашуудал 1:1 - Библи

¹ Оо, гай даа! Улад зоноор хүүен-хүнхинэн байгааша энэ хото мүнөө яагаа гансаарданги гээшэб! Үндэһэтэдые зонхилон байһан аад, мүнөө тэрэ бэлбэһэн эхэнэртэ адли болоол! Хото можонуудай хатан байһан тэрэ мүнөө богоол болоо!

Гашуудал 1:1 ပူးပေါင်းရင်းမြစ်များ

3 Хаан түрэнүүд 4:21

Евфрат мүрэнэй болон Пилишт орон нютагай хоорондуур оршодог, Египет хүрэтэр нэмжыгшэ дайдануудай хан түрэнүүдые Соломоон зонхилон ажаһуугаа. Тэдэ хан түрэнүүд Соломооной амиды мэндэ сагта үргэлжэ ясаг түлэжэ байгаа.

4 Хаан түрэнүүд 23:33

Фараон Нээхо тэрэниие Иерусалимай хан шэрээһээ хаһажа, харуул доро Хамаатдахи Риблаада байлгаад, яла болгожо зуун талаант мүнгэ, нэгэ талаант алта түлэхыень Иудын орон нютагта баадхаба.

4 Хаан түрэнүүд 23:35

Ёякиим фараондо мүнгэ ба алта үгэхэ болобо. Фараоной эриһэн эрилтые дүүргэхын тула Ёякиим оронойнгоо бүхы хүнүүдтэ татабари мүнгэ тохобо. Тиихэдээ тэрэ хүн бүхэндэ ядамаггүй һууха хэмжээһээ (ажаһууха байдалһаа) дулдыдажа, фараон Нээходо алта мүнгэ үгэхэ эрилтэ табиба.

2 Угай бэшэг 9:26

Иигэжэ тэрэ Евфрат мүрэнһөө эхилээд, Пилиштын газар дайда хүрэтэр, Египет орон хүрэтэр бүхы хаашуулые зонхилон һуугаа.

Эзраа 4:20

Евфратһаа баруулжанхи газарнуудые эзэмдэжэ, алба, татабари абажа байһан хүсэтэй хаашуул Иерусалимда байһан гэжэ элирээ.

Нэхэмьяа 5:4

Гурбадахинь баһа иигэжэ хэлэбэ: – Бидэ хаанда алба татабари түлэхын тула таряанайнгаа газар, уһан үзэмэй талбай барисаанда үгэжэ, мүнгэ зээлеэр абаха баатай болонобди.

Нэхэмьяа 9:37

Манай нүгэлнүүдэй түлөө энэ газарай баян ургаса маанадые зонхилхоор табигдаһан хаашуулда хүртэнэл. Тэдэнэр маанадые, үхэр малыемнай өөһэдынгөө дураар хэрэглэнэл. Бидэ аргагүй ехэ хохидолдо байнабди.

Псалманууд 122:4

Манай сэдьхэл садхалан зоной дээрэлхэлгээр, бардам зоной доромжололоор ехэ дүүрэнхэй.

Исай 14:12

Үүрэй солбон, үүрэй толоной хүбүүн ши огторгойһоо унааш! Урдань арадуудые дарлажа байгша ши газар руу хаягдан унабаш!

Исай 22:2

Урдандаа хото ехэ шууяатай, хүл үймөөтэй, жаргалтай бэлэйл. Харин мүнөө тад ондоо. Зонтнай дайнда наһа бараа бэшэ.

Исай 49:21

Тиихэдэнь ши досоогоо иигэжэ һанахаш: «Хэн эдэ хүүгэдые намда түрөөб, хэн тэдэниие тэжээгээб? Би дутуу түрэжэ, үхибүүгээ гээгээ һэм, бэшэ хүүгэдтэй болохогүй байгааб. Би ори гансаараа, орхисооной болоод байгаа һэм. Хаанаһаа эдэ үхибүүд ерээ гээшэб?»

Исай 50:5

Эзэн Бурханай намда ойлгосо, мэдэсэ үршөөхэдэнь, би татагалзаагүйб, арсаагүйб.

Исай 52:2

Шоройгоо өөрһөө гүбижэ, һэргэн бодыш, баряанда байгаа Иерусалим! Баряанда байгаа Сионой улад зон, хүзүүнһээ гэнжэ таһалан хаягты!

Исай 52:7

Энхэ тайбаниие соносхожо, һайн мэдээ асаран, абарал зарлажа, «Танай Бурхан хаан түрэеэ бахим баряа!» гэжэ Сиондо хэлэжэ, һайн мэдээсэл дэлгэрүүлэгшын алхамууд хэды дэмбэрэлтэйб!

Исай 54:4

Бү айгты, эшхэбтэр байдалда дахин орохогүйт. Бү эшэ, нэрээ бэшэ гутаахагүйш. Залуу наһандаа нүгэл хэһэнээ мартахаш, бэлбэһэн эхэнэр боложо, доромжолгодо ороһоноо бэшэ дурсахагүйш.

Ерэмияа 31:7

Эзэн иигэжэ тунхаглана: Яковта баяртай шангаар дуу дуулагты, үндэһэ яһатадай эгээл ехыень угтагты. Тунхаглан, иимэ магтаал үргэгты: «Эзэн Өөрынгөө арад түмэниие абараа, үлэһэн бүхы зоноо абараа!»

Ерэмияа 40:9

Шапаанай аша, Ахикаамай хүбүүн Гэдаалияа тэдэнэй ба тэдэнэй хүнүүдэй урда иигэжэ тангариглаба: – Халдейн ноёд һайдһаа бү айгты! Энэ орон нютагта үлэгты. Вавилооной хаанда алба хэгты, тиигэбэл, бүхы юумэнтнай һайн байха.

Ерэмияа 42:2

намда ерэжэ, иигэжэ хэлэбэ: – Манай гуйһан гуйлтые дүүргыт! Манай түлөө, энэ үлөөшэ зоной түлөө Эзэн Бурхандамнай зальбарыт. Олон байһанаа үсөөн болообди, та өөрөө харана ха юмта даа.

Ерэмияа 44:2

Түмэн Сэрэгтэ Эзэн, Израилиин Бурхан иигэжэ айладхаа: – Иерусалим болон Иудын хан түрын хотонуудта Минии татаһан бүхы гай тодхорые таанад хараа-үзөө бэлэйт. Мүнөө болотороо тэдэ хооһон, һандархай, хэншье тэндэ ажаһуунагүй.

Ерэмияа 44:6

Тиимэһээ Би Иудын хан түрын хотонуудта болон Иерусалимай үйлсэнүүдтэ уур хилэнгээ адхажа, тэдэниие шатаагааб. Тэдэ һандарал болон эзэгүй хооһон болоо, мүнөөшье болотор тиимэ байһаар.

Ерэмияа 50:23

Вавилоон – бүхы дэлхэйе мунсадажа байһан алха, өөрөө бутаран һалаба! Тэрэ бүхы үндэһэ яһатанай айха зүйл болобо.

Ерэмияа 9:11

Эзэн айладхана: «Иерусалимые һандарһан шулуун обоо, сүүбэн шонын үүр болгохоб. Иудын хотонуудые ажаһуугшадгүй хооһон болгохоб».

Гашуудал 1:19

Би амарагуудаа дуудааб, теэд тэдэ намда урбаа. Санаартадни, үндэр наһатайшуулни хото соо хосоржо байна, үхэлһөө зайлахын тула эдеэ хоол гуйраншалжа ябана.

Гашуудал 2:1

Оо, гай даа! Уур сухал дундаа Эзэн Сионой басагые шэб харанхыгаар хүреэлөө. Израилиин гоо һайханиие огторгойһоо газар руу шэдээ. Уур хилэнтэ үдэртөө нангин үргөө тухайгаашье мартаа.

Гашуудал 2:10

Сионой аха захатан шэмээгүй газарта һууна, толгойдоо үнэһэ сасаа, гашуудалай шэрүүн хубсаһа үмдөө. Иерусалимай басагад толгойгоо газар руу гунхуулаа.

Гашуудал 4:1

Оо, гай даа! Алтан ямараар харлаа, шэжэр алтан хэды ехэ бүрүүл болоо гээшэб! Нангин үргөөгэй үнэтэ шулуун харгын уулзуураар хаягданхай.

Гашуудал 5:16

Толгойһоомнай титим унаа! Нүгэл хэһэнэймнай түлөө гай тодхор болоо!

Эзэкээл 26:16

Далайн эрьеэр оршодог улас түрэнүүдэй хаашуул хан шэрээһээ буужа, нэмэргэнүүдээ, шэрэн оёһон гоё һайхан хубсаһануудаа хуу татан тайлажа, шэшэрэн доогуур һууха. Диилдэжэ байһан тухайш шэнэ һонин байд гээд лэ дуулажа байхадаа, тэдэ шэшэрхэ һалганахаяа оройдоош болюулжа шадахагүй.

Эзэкээл 26:2

– Хүнэй үри Эзэкээл! Тиир хотын зон Иерусалимай гай тодхорто баярлан иигэжэ хэлсэнэ: «Ха-ха, Иерусалим һандаргагдаа! Олон уласуудай аралжаа наймаанай томо уулзуур газар һэн бэлэй, мүнөө тэрэ хооһороо, һуурииень бидэ эзэлхэбди».

Эзэкээл 5:5

Эзэн Бурхан иигэжэ үргэлжэлүүлээ: – Энэ болбол Иерусалим тухай уридшалан буулгагдаһан абарал мүн. Би тэрэниие бүхы дэлхэйн дунда табижа, бусад оронуудые хажуугаарнь жэрылгээ бэлэйб.

Левит 26:31

Хото балгасыетнай хооһоруулхаб, мүргэлэйтнай орон хооһон болгохоб. Үргэһэн үргэлэйтнай хоншуу һайхан үнэрыень абахагүйб.

Левит 26:33

Таанадые буса арад зоной дунда тараахаб, хойноһоотнай һэлмэ һугалхаб. Газартнай хооһорхо, хото балгасатнай һандаргагдаха.

Цэпаанияа 2:15

Аюулгүй оршогшо, баяр зугаатай байгша, «бил гээшэб, намһаа ондоо һайхан хото байхагүй» гэжэ досоогоо бардамлажа байгааша хото иимэ болохо! Ан арьяатанай байра, һандаралай үүр тэрэл! Хажуугаарнь үнгэрөөшэ хүн бүхэн шоо үзэн, гараараа занган гараха.

Гэршэлгэ 18:7

Өөрыгөө тэрэ хэды ехээр магтуулаа гээшэб, хэды ехэ баялиг соо умбаа гээшэб, тэды ехэ ядарал зоболон, уйдхар гашуудал тэрээндэ асарагты! Юундэб гэбэл, тэрэ ниислэл иигэжэ досоогоо һанаа: «Би хатан шэнги һайн һуунаб, би бэлбэһэн эхэнэр бэшэб, уйдхар гашуудалые үзэхэгүйб!»