Филиппынхидтэ 3:19 - Библи

¹⁹ Бэе махабадайнь хүсэлэнгүүд тэдэнэй бурханиинь юм. Тэдэ эшэжэ байха ёһотой юумээрээ бахархана, энэл дэлхэйн юумэнүүд тухай тэдэ бододог. Тиимэһээ тэдэ тамада орожо хосорхол!

Шэнэ Хэлсээн

¹⁹ Бэе махабадайнь хүсэлэнгүүд тэдэнэй бурханиинь юм. Тэдэ эшэжэ байха ёһотой юумээрээ омогорхожо байна, энэл дэлхэйн юумэнүүд тухай тэдэ бододог. Тиимэһээ тэдэ тамада орожо хосорхол!

Филиппынхидтэ 3:19 ပူးပေါင်းရင်းမြစ်များ

Псалманууд 17:14

Эзэн огторгойдо хүнхинэжэ, Дээдэ Бурхан дуугаа үгэбэ. Мүндэр болон галта нүүрһэн.

Псалманууд 52:1

[Дуунай бүлэгэй хүтэлбэрилэгшэдэ: үлеэдэг хүгжэмтэ зэмсэгэй дууряалга доро. Давидай ирагуу үгэнүүд.]

Ерэмияа 44:17

Хэлэһэн үгэнүүдээ бэелүүлхэбди. Тэнгэриин хатан бурханда үргэл үргэхэбди, сэржэм үргэхэбди. Иудын орон нютагта болон Иерусалимда байхадаа бидэ, манай үбгэ эсэгэнэр, манай хаан, удамаршаднай тиидэг бэлэйл. Тиихэдэ бидэ эдеэ хоолтой, жаргалтай, хашалгүй ажаһуудаг бэлэйбди.

Эзэкээл 13:19

Адха таряанай, зүһэм хилээмэнэй түлөө таанад Намайе арад зоноймни урда бузарланат. Амиды мэндэ үлэхэ зониие аланат, үхэхэ зониие амиды байлганат. Арад түмэндэм худал юумэ дуулганат.

Эзэкээл 34:3

Һү, тоһыень эдеэд, нооһоорнь хубсалаад байнат. Эгээл тарган хонидые гарганат! Харин хонин һүрэг тэжээхэ, хооллуулха тушаа һанаагаа табинагүйт.

Һошээ 4:7

Санаартад олошорхо бүри урдаһаам нүгэл шэбэлээ бүри олоор үйлэдэжэ байна. Би тэдэнэй алдар солые эшэмхэй муу байдалаар һэлгэхэб.

Михей 3:11

Бэлэг абажа, удамаршадынь сүүд үйлэдэнэ, түлбэри абажа, санаартадынь һургаал заана, мүнгэ абажа, лүндэншэдынь лүндэн табина. Тэдэ бүгэдэ «Эзэн бидэнтэй хамта! Гай тодхор бидэнтэй болохогүй!» гэлдэн, Эзэндэ түшэглэнэ.

Михей 3:5

Эдилгэ үгэдэг зондо амгалан тайбаниие худал найдуулжа, эдилгэ үгэдэггүй зондо дайн дажар болохо гэжэ һүрдөөжэ байгааша худалша лүндэншэд арад зониием мэхэлнэ. Эзэн эдэ лүндэншэдтэ иигэжэ айладхана:

Малаахи 1:12

Харин таанад «Эзэнэй үргэлэй шэрээ бузарлагдаа, үргэлэй эдеэн, үрэ жэмэсынь жэрхэмээр» гэжэ хэлэхэдээ, тэрэниие бузарлажа байнат.

Матвей 16:23

Иисүүс Пётрто хандан: – Холо боло Намһаа, сатана! Ши Намда һаад хэнэш. Шинии һанал бодолнуудшни Бурханһаа үршөөгдэнэ бэшэ, харин хүн шанарһаашни бүрилдэнэ, – гэбэ.

Матвей 25:41

Тиигээд хаан Тэрэнэй зүүн талада байгаашадта хандан: «Бурханай хараалда хүртэгшэ таанад, Намһаа холо бологты! Шолмосто, мүн тэрэнэй эльгээмэлнүүдтэ бэлдээтэй хэтэ заяанай гал тамада ошогты!

Лука 12:19

Зай, тиигээд өөртөө: Азатай хүн байнаб! Олон жэл соо өөрыгөө хангаха эд зөөритэйб. Мүнөө юундэш һанаагаа зобонгүй, эдижэ, уужа, хүхижэ, сэнгэжэ байхаб, – гэжэ хэлэхэб».

Лука 16:19

Нэгэ баян хүн байгаа гэхэ. Магнал торгон хубсаһа үмдэдэг, мүн үдэр бүхэндэ ялагар тологор найр зугаа хэдэг байгаа.

Лука 18:4

Заргаша туһалха дурагүй байжа, нилээд удаан саг үнгэргэбэ. «Би Бурханһааш айдаггүйб, хүнһөөшье эшэдэг гайхадаггүйб.

Римэйхиндэ 16:18

Тэдэ зон тиимэ юумэ хэхэдээ, манай Эзэн Христоосто бэшэ, харин өөрынгөө гэдэһэ ходоодо алба хэнэ. Тэдэнэр уран гоё үгэ хүүрээрээ гэнэн гэдэргэ зонииел зангадаа оруулдаг.

Римэйхиндэ 6:21

Урдань үйлэдэдэг хэрэгүүдһээ таанад юу оложо абабат? Мүнөө тэдэ хэрэгүүдһээ эшэжэ улайхаһаа бэшэ ондоо юумэн үгы, тэдэтнай таанадые үхэлдэ хүтэлжэ байгаа.

Коринфынхидтэ 1-дэхи 3:3

Ушарынь юуб гэхэдэ, таанад үшөөл энэ дэлхэйн хүнүүдэй жама ёһоор ажамидарнат. Бэе бэедээ атаархалдадаг, хоорондоо арсалдадаг байһантнай таанадай энэ дэлхэйн хүнүүдэй заншалаар бэеэ абажа ябадаг энэ дэлхэйн хүнүүд байһыетнай харуулна бэшэ аал?

Коринфынхидтэ 1-дэхи 5:2

Харин тиихэдэ таанад омогорхолдобот! Орондонь таанад гашуудаха байгаат, тиимэ бузар юумэ хэһэн хүниие өөһэдһөө холодуулха ёһотой байгаат.

Коринфынхидтэ 1-дэхи 5:6

Таанадай омогорхолдожо байһантнай буруу. Багахан эһээбэри бүхы эдьхүүр эһээдэг гэдэгые таанад мэдэхэгүй аалта?

Коринфынхидтэ 2-дохи 11:12

Тэдэ бусад «элшэнэрэй» маанадтайл адли юумэ хэнэбди гэжэ бахархаха боломжогүй байхын тула мүнөө хэжэ байһан юумэеэл хэжэ байхаб.

Коринфынхидтэ 2-дохи 11:15

Тиимэһээ тэрэнэй зарасанарай үнэн зүбэй зарасанарай дүрэ дүрсэлэн, тэдээндэл адляар харагдахада, ямаршье гайхамаар юумэн үгы. Эсэстээ тэдэнэр хэһэн юумэнүүдэйнгээл үрэ дүнгые абаха.

Галадуудта 6:13

Тэдэ өөһэдөө отолуулһан мүртөө Хуули сахидаггүй, харин өөһэдыгөө магтуулхын тула таанадые отолуулха һанаатай байна.

Филиппынхидтэ 2:21

Бусад зон бүгэдөөрөө Иисүүс Христоосто һайшаагдаха юумэ бүтээхэ тухай огто бодонгүй, өөрынгөө амидаралай түлөө оролдожо ябадаг.

Колоссынхидтэ 3:2

Эндэ, газар дэлхэйдэ байһан юумэнүүдтэ бэшэ, харин тэндэ, тэнгэридэ байһан юумэнүүдтэ һаналаа табижа байгты.

Фессалоникиинхидтэ 2-дохи 1:9

Эзэнэй ерэхэ тэрэ үдэр тэдэ зон Эзэнһээ, Тэрэнэй алдарта һүр хүсэнһөө амяарлагдаад, хэтын хэтэдэ хэһээгдэн зобохо.

Фессалоникиинхидтэ 2-дохи 2:12

Һүүлдэнь үнэн зүб юумэндэ этигээгүй, харин нүгэлтэ юумэ үйлэдэхэ дуратай байһан хүн бүхэн буруушаагдаха.

Фессалоникиинхидтэ 2-дохи 2:8

Тиигээд Бурханай дайсан элирхэ, харин Эзэн Иисүүс ерэхэдээ, тэрэниие аманайнгаа амисхалаар алаха, Өөрынгөө һаргама ялагар байдалаар тэрэниие һүнөөхэ.

Тимофейдэ 1-дэхи 6:5

Тиимэ хүнүүд үнэн зүбһөө холодоһон, балартаһан ухаантай хүнүүдээр дэмы заргалдажа байдаг. Тэдэнэр зөөри баялигтайл болохын тула Бурханда шүтэдэг гэжэ бододог.

Тимофейдэ 2-дохи 3:4

урбадаг, убайгүй ябадалтай, маадагар зантай, Бурханда шүтэнхаар, нааршаахань дээрэ гэжэ тоолодог,

Яковай хандалга 4:16

таанад бардам зангаараа бүдүүрхэнэт, теэд тиигэжэ бүдүүрхэхэнь буруу юм.

Пётрой 2-дохи хандалга 2:1

Урдань израильшуудай дунда хуурмаг лүндэншэдэй элирдэгтэл адляар таанадай дунда хуурмаг һургагшад байха. Тэдэнэр зүб замһаа хадууруулдаг хуурмаг һургаалнуудые нюусаар асарха, тэдэниие эрхэ сүлөөтэй болгоһон Эзэнһээ арсаха, тиигэжэ тэдэнэр өөһэдтөө түргэн хосорол олохо.

Пётрой 2-дохи хандалга 2:13

Тэдэнэр хүнүүдтэ хүргэһэн хороо амсана. Үдэр дунда найрлаха, архидаха, һамгадаар орёолдохонь зохистой гэжэ тоолодог. Тиимэһээ таанадтай хамта хоол барихадаа, тэдэнэр өөһэдынгөө худал хуурмаг ябадалаар сэдьхэл ханажа, танай нэрэ түрые унагаадаг, бузарладаг.

Пётрой 2-дохи хандалга 2:3

Тэдэ хомхой хуурмаг һургагшад, зохёоһон үльгэрнүүдээ таанадта хөөрөөд, нилээн олзо өөһэдтөө олохо. Гэхэтэй сасуу хэһэн хэрэгүүдэйнь түлөө хэһээлтэ үни гэһээр бэлэн хүлеэжэ байна, тэдэнэй үхэлынь удахагүй.

Иудын хандалга 1:10

Харин тэдэ хуурмаг һургагшад ойлгохогүй юумэнүүдээ хорото үгэнүүдээр хараажа, хэлэгүй малдал мэтэ зүнгөөрөө мэдэдэг юумэнүүдээрээ өөһэдыгөө хосорооно.

Иудын хандалга 1:16

Тэдэнэр бүхы юумэндэ дурагүйсэһэн гэмэрэлдэгшэд, тэдэнэр ташаяангы хүсэлэнгүүдээ дахажа ажамидардаг, ёһорхуу омог үгэнүүдээр өөһэдыгөө магтадаг, алта мүнгэндэ шуналтайгаар билдагуушалдаг.

Иудын хандалга 1:4

Өөһэдынгөө харата хэрэгүүдые сагааруулха зорилготойгоор Бурханаймнай буян хэшэг тухай һургаалые хазагайруулдаг, буруу болгодог, манай Захирагша болон Эзэн Иисүүс Христоосые буруушаадаг һүзэг шүтөөнгүй зарим хүнүүд бидэнэй дунда шургажа ороо. Тэдэ зон хэһээлтэдэ орохо гэжэ Нангин Бэшэг соо эртэ урдын сагһаа хойшо бэшээтэй байдаг.

Гэршэлгэ 18:7

Өөрыгөө тэрэ хэды ехээр магтуулаа гээшэб, хэды ехэ баялиг соо умбаа гээшэб, тэды ехэ ядарал зоболон, уйдхар гашуудал тэрээндэ асарагты! Юундэб гэбэл, тэрэ ниислэл иигэжэ досоогоо һанаа: «Би хатан шэнги һайн һуунаб, би бэлбэһэн эхэнэр бэшэб, уйдхар гашуудалые үзэхэгүйб!»

Гэршэлгэ 19:20

Арьяатаниие шүүрэн бариба, тэрээнэй урда элдэб дүлгэ тэмдэг харуулжа, арьяатанай тамга табяад, тэрэнэй хүрэг дүрсэдэ һүгэдэн мүргүүлжэ байһан хуурмаг лүндэншые арьяатантай хамта шүүрэн бариба. Тэдэ хоёрые хоюулыень дүрэжэ байһан хүхэртэй нуур худар амидыгаар шэдэбэ.

Гэршэлгэ 21:8

Аймхай дүүлэгэрнүүд, Иисүүстэ һүзэглэдэггүй хүнүүд, бузар муухай нүгэл хэгшэд, алууршад дээрмэшэд, зальхай ябадалтан, эльбэ хэгшэд, онгондо шүтэгшэд, элдэб худалшад гал, хүхэрөөр дүлэтэн носогшо нуур руу хаюулха. Энэнь хоёрдохи үхэлгэ мүн.

Гэршэлгэ 22:15

Теэд нохосууд, эди шэдитэн, зальхай забхай ябадалтан, алуурша этэгээдүүд, онгонуудта шүтэгшэд, худал хуурмаг ябадалда дуратайшуул, тиимэ юумэ хэгшэд – хотын гадаа тээ үлэхэ.

1 Хаан түрэнүүд 2:29

Теэд Намда үргэхэ үргэлнүүдые, бэлэгүүдые юундэ хүндэлнэгүйбта? Минии арад түмэн Израилиин үргэлнүүдэй хамагай һайгаарнь өөрынгөө хүбүүдые таргалуулан, тэдэ хүбүүдээ Намһаа үлүүгээр юундэ һанажа байнабши?