Эзраа 8:22 - Библи

²² Замда ушарһан дайсадһаа маниие хамгаалха сэрэг хаанһаа эрихэеэ эшэдэһэмни хүрөө һэн. Юуб гэхэдэ, «Манай Бурхан Тэрээндэ мүргэн һүгэдэгшэдтэ бултандань туһалдаг, харин буруу харагшадта уураа хүсэн түгэсөөр харуулдаг» гэжэ хаантай хөөрэлдэхэдөө хэлэһэн байгаа бшууб.

Эзраа 8:22 ပူးပေါင်းရင်းမြစ်များ

1 Угай бэшэг 28:9

Ши, минии хүбүүн, Соломоон, өөрынгөө эсэгын Бурханиие мэдэрэ, үнэн зүрхэнһөө, хамаг сэдьхэлһээ Тэрээндээ алба хэжэ яба, Эзэн сэдьхэлыш, һанаан бодолыень мэдэжэ байха. Хэрбэеэ Тэрэниие бэдэрээ һааш, Тэрэниие олохош; харин Тэрэнээ мартабалшни, Тэрэ шамайе хэтын хэтэдэ орхихо.

2 Угай бэшэг 15:2

Тэрэ Асаада ерэжэ, иигэжэ хэлэбэ: – Асаа болон Иудын, Бэньямиинэй улад зон, намайе шагныта! Эзэнтэй хамта байбалтнай, Тэрэ таанадтай хамта оршохо. Тэрэниие бэдэрээ һаа, олохот; харин Эзэниие орхиболтнай, Тэрэ таанадые орхихо.

2 Угай бэшэг 16:9

Газар дэлхэйн Тэрээндэ үнэн этигэдэг зониие бултыень Эзэн хаража байдаг, тиигээд тэдээндэ Тэрэ туһалдаг. Мүнөө ши буруу юумэ хэбэш. Тиимэһээ энээнһээ хойшо шамда добтолон орогшод бии болохо.

Эзраа 7:6

Эзраа Эзэнһээ, Израилиин Бурханһаа, заяатай, Моисейн хуулинуудые һайн сахидаг, Хуули заадаг багша байгаа. Эзэнэй Эзраае харгалзажа байдаг тула тэрэнэй һанаһан юумэнүүдые хаан бултыень хүсөөдэг байгаа.

Эзраа 7:9

Нэгэдэхи һарын нэгэнэй үдэр Вавилоонһоо гараад, табадахи һарын нэгэнэй үдэр Иерусалим хото хүрэхэдөө, тэдэнэр Түгэс Хүсэтэ Бурханайнгаа харууһан доро ябаа.

Эзраа 8:31

Нэгэдэхи һарын арбан хоёрой үдэр Аһаваа голһоо бидэ Иерусалим ошохо замдаа гарабабди. Бурхамнай мантаяа һэн тула харгыдамнай отоһон дайсадһаа маниие ходо абаржа ябаа.

Нэхэмьяа 2:9

Евфратһаа баруулжаа газарнуудай засаг баряашадта ерээд, хаанай бэшэгүүдые үгэбэб. Хаан намтай сэрэгэй нэгэ хэдэн даргануудые морин сэрэгтэй суг эльгээһэн байгаа.

Псалманууд 20:8

Дээдэ Эзэн, Танда хаан найдадаг, Танай хайрын ашаар тэрэ ганхахагүй.

Псалманууд 34:22

Эзэн, Та энээниие хараа бэлэйт, аниргүй бү байгыт! Эзэн, намһаа бү холодыт!

Псалманууд 90:11

Юуб гэбэл, бүхы замдашни шамайе аршалан хамгаалхые Тэрэ Өөрынгөө Эльгээмэлнүүдтэ захиралта үгэхэ.

Гашуудал 3:25

Өөртэнь найдадаг зондо, Өөр руунь тэгүүлэгшэдтэ Эзэн һайнаар хандадаг.

Римэйхиндэ 8:28

Бурханда дуратай, Тэрэнэй эрхэ хүсэлөөр дуудуулагдаһан хүнүүдэй бүхы юумэнүүдтэнь Бурхан урагшатай байдаг.

Коринфынхидтэ 1-дэхи 9:15

Гэхэтэй зэргэ би энэ дурдаһан эрхэнүүдээ нэгэтэшье хэрэглээгүй һэнби, тиин эрхэеэ мэдүүлхын тулашье энэ бүхэниие мүнөө бэшэнэгүйб. Тиигээ һаа, үхэбэлни дээрэ. Хэншье минии хүлһөөрөө олоһон магтаалые хооһон үгэ болгожо шадахагүй.

Коринфынхидтэ 2-дохи 7:14

Би тэрэнэй урда таанадаар бахархааб, тиин таанадшье намайе эшээжэ улайлгаагүйт. Бидэ таанадта ходо үнэн зүбые хэлэдэгбди, тон тиигэжэл мүнөө Титэй урда таанадаар бахархаһан ябадални үнэн зүб юм.

Еврейнүүдтэ 10:38

Үнэн сэдьхэлтэн этигэл һүзэгэйнгөөл ашаар амидарха, хэрбээ хэн нэгэнэй таталзабалнь, Би тэрэниие һайшаахагүйб.

Нүүнэй Иисүүс 22:16

– Эзэнэй хамта олон иигэнэ: мүнөө Эзэнһээ хазагайржа, өөһэдтөө үргэлэй шэрээ барижа, Эзэнэй урдаһаа бодожо, Израилиин Бурханай урда ямар гэмтэ хэрэг үйлэдөөбта?

Нүүнэй Иисүүс 23:16

Эзэнтэй, танай Бурхантай баталһан хэлсээгээ эбдээ һаатнай, Тэрэнэй захяа заабаринуудые сахяагүй һаатнай, ондоо бурхадта алба хэжэ, тэдээндэ мүргөө һаатнай, Эзэнэй уур хилэн танай тархида шатажа, Эзэнэй танда үгэһэн энэ һайн газарһаа таанар үгы болон арилхат.

Пётрой 1-дэхи хандалга 3:12

Эзэн үнэн сэдьхэлтэниие хаража байдаг, тэдэнэй зальбаралнуудые дуулажа байдаг, харин муу юумэ үйлэдэгшэдые Тэрэ буруушаадаг», – гэжэ Нангин Бэшэг соо хэлэгдэнэ.