Эзраа 8:18 - Библи

¹⁸ Бурханаймнай манаа хаража байһан тула Маһлиигэй хүбүүдэй нэгэн болохо Шэрээбияа гэжэ сэсэн хүниие хүбүүдтэйнь, аха дүүнэртэйнь хамта арбан найман хүниие манда эльгээбэ. Маһлиинь Левиин хүбүүдэй нэгэн, Левиинь Израилиин.

Эзраа 8:18 ပူးပေါင်းရင်းမြစ်များ

1 Угай бэшэг 6:1

Левиин хүбүүд: Гэршоон, Кэһаат, Мэрарии;

1 Угай бэшэг 6:19

Мэрариин хүбүүд: Маһлии ба Мушии. Левийһээ үдэн гараһан уг унгинууд ба тэдэнэй үбгэ эсэгэнэр.

1 Угай бэшэг 6:4

Эльазаарай хүбүүн Пинэһаас, Пинэһаасай хүбүүн Абишууа;

2 Угай бэшэг 30:22

Эзэнэй һайндэрые һайнаар үнгэргэжэ байгааша левидүүдые Хэзэкияа магтаба. Амгалан байдалай түлөө үргэл үргэн, үбгэ эсэгэнэрэйнгээ Эзэн Бурханиие магтан, иигэжэ долоон хоногой туршада тэдэ һайндэрэй эдеэ бариба.

Эзраа 7:6

Эзраа Эзэнһээ, Израилиин Бурханһаа, заяатай, Моисейн хуулинуудые һайн сахидаг, Хуули заадаг багша байгаа. Эзэнэй Эзраае харгалзажа байдаг тула тэрэнэй һанаһан юумэнүүдые хаан бултыень хүсөөдэг байгаа.

Эзраа 7:9

Нэгэдэхи һарын нэгэнэй үдэр Вавилоонһоо гараад, табадахи һарын нэгэнэй үдэр Иерусалим хото хүрэхэдөө, тэдэнэр Түгэс Хүсэтэ Бурханайнгаа харууһан доро ябаа.

Эзраа 8:16

Тиигээд удамаршадһаа Элиээзэр, Ариээл, Шэмаяа, Элнатаан, Ярииб, Элнатаан, Натаан, Захарияа болон Мэшуллаамые, эрдэмтэдһээ Ёярииб Элнатаан хоёрые дуудуулжа асаруулаад,

Эзраа 8:19

Мүн Мэрариин хүбүүдһээ Хашаабияа Ешайя хоёрые хүбүүдтэйнь, аха дүүнэртэйнь, хамтадаа хорин хүниие үгөө.

Эзраа 8:22

Замда ушарһан дайсадһаа маниие хамгаалха сэрэг хаанһаа эрихэеэ эшэдэһэмни хүрөө һэн. Юуб гэхэдэ, «Манай Бурхан Тэрээндэ мүргэн һүгэдэгшэдтэ бултандань туһалдаг, харин буруу харагшадта уураа хүсэн түгэсөөр харуулдаг» гэжэ хаантай хөөрэлдэхэдөө хэлэһэн байгаа бшууб.

Эзраа 8:24

Санаартадые хүтэлбэрилхэ арбан хоёр удамаршые томилбоб: Шэрээбияа Хашаабияа хоёрой хажууда тэдэнэй арбан аха дүүнэр.

Нэхэмьяа 10:12

Заххуур, Шэрээбияа, Шэбааньяа,

Нэхэмьяа 12:24

Левидүүдэй гулбаанууд: Хашаабияа, Шэрээбияа ба Кадмиһээлэй хүбүүн Иисүүс, баһа тэдэнэй түрэлнүүд шанха урдань зогсодог байгаа; Бурханай хүн Давидай захиһанай ёһоор нэгэ бүлэгынь нүгөөдынгөө шанха урдаһаа баяр баясхалангай магтаал бэелүүлдэг байгаа.

Нэхэмьяа 2:8

хаанай ойн харуулшан Асаапта Һүмын хажуудахи хэрэм хана ба үүдэнүүдэй, хотын хэрэм ханын, минии байха гэрэй модо үгэхэ тухай бэшэг үгэг лэ. Минии Бурхан намтай байжа, хаан эдэ бүгэдые үгэбэ.

Нэхэмьяа 8:7

Иисүүс, Бании, Шэрээбияа, Ямиин, Аххууб, Шэббэтай, Һодьяа, Маашэяа, Кэлитаа, Азаарияа, Ёзабаад, Ханаһаан, Пэлаяа ба левидүүд талмай дээрэ байһан арад зондо Хуули тайлбарилба.

Һургаал 24:3

Гэр орониие сэсэн мэргэн зохёодог, оюун ухаагаар тэрэ бэхижэдэг.

Һургаал 3:6

Өөрын бүхы замда Тэрэниие танижа мэдэ. Тэрэ шинии замые шууд сэхэ болгоно.

Ерэмияа 3:15

Тиигээд Намда үнэн сэхэ удамаршадые таанадта үгэхэб. Тэдэ таанарые ойлгон, ухаатай сэсэнээр хүтэлбэрилхэ.

Даниил 1:20

Ямаршье хэрэгээр зүбшэл заабари асуухадаа, эдэ хүбүүд хан түрэ соомни байгааша мэргэшүүлһээ, үзэлшэдһөө долоо дахин дээрэ гэжэ хаан шиидээ һэн.

Тоололго 3:20

Мэрариин хүбүүд уг угсаатайгаа хамта гэбэл, Маһлии ба Мушии. Левиин уг удамай гэр бүлэнүүд болон угууд гэбэл, иимэ юм.

Коринфынхидтэ 1-дэхи 14:20

Аха дүүнэр, таанад үхибүүдтэл адляар бодомжолхоёо болигты. Нүгэл шэбэлэй талаар зэмэгүй хүүгэд байгты, харин бодомжолходоо, наһаяа хүсэһэн хүнүүд байгты.