Эзраа 6:20 - Библи

²⁰ Санаартад, левидүүд бэеэ арюудхажа, булта арюун сэбэр болоод, баряанһаа бусаһан зоной түлөө, аха дүү санаартадайнгаа түлөө, өөр өөрынгөө түлөө гэхэшэлэн бултанай түлөө Паасхада үргэһэн малые үүсэлбэ.

Эзраа 6:20 ပူးပေါင်းရင်းမြစ်များ

2 Угай бэшэг 29:34

Бэеэ арюудхалгын ёһолол гараһан санаартад үсөөн байжа, түгэс шатаалта үргэлэй малые бултыень тэдэнэй гаргажа байха хүсэгүй һэн тула тэдээндэ левидүүд туһалаа бэлэй. Юуб гэхэдэ, санаартадта орходоо левидүүд бэеэ арюудхалгын ёһололые ехэ наринаар сахиһан байгаа. Тиигээд тэдэ бусад санаартадай бэеэ арюудхатар, хэрэгэй дүүрэтэр түгэс шатаалта үргэл үргэлгэдэ туһалаа һэн.

2 Угай бэшэг 35:11

Паасхын хурьгад, эшэгэдэй үүсэлэгдэхэдэ, левидүүд арһыень үбшэжэ абажа, санаартад үргэлэй шэрээ дээрэ шуһа сүршэжэ байба.

2 Угай бэшэг 35:14

Удаань тэдэ өөһэдтөө болон санаартадта Паасхын мяха бэлдэбэ, юуб гэбэл, Аһарооной үри һадаһад болохо санаартад һүни болотор түгэс шатаалта үргэл, өөхэ үргэжэ сүлөөгүй байгаа.

2 Угай бэшэг 35:15

Давидай, Асаапай, Һэмаанай, мүн хаанай мэдэлшэн Едүтүүнэй захяа заабариин ёһоор, дуушад, Асаапай үри һадаһад, өөрынгөө һуури орхихо ёһогүй һэн. Үүдэн бүхэнэй харуулшад мүн лэ һуурияа орхихо ёһогүй бэлэй. Тиимэһээ левидүүд тэдээндэшье Паасхын мал бэлдээ бэлэй.

Египедһээ гаралга 12:21

Моисей Израилиин аха захатаниие суглуулжа, зарлиг болобо: – Гэр бүлэ бүхэн хурьга эшэгэ шэлэжэ, үүсэлэн гаргаг – Паасха бэлдэг.

Еврейнүүдтэ 7:27

Ондоо ахамад санаартадтал адли түрүүн өөрынгөө нүгэлнүүдэй түлөө, һүүлдэнь арад зоной нүгэлнүүдэй түлөө үдэр бүхэн үргэл асарха Тэрээндэ хэрэггүй. Тэрэ нэгэтэ, тиихэдэ хэтын хэтэдэ Өөрыгөө үргэл болгон үргөө.