Эзраа 3:10 - Библи

¹⁰ Эзэнэй һүмын һуури барилгашадай табижа дүүргэхэдэ, санаартад санаартанайнгаа хубсаһа үмдэжэ, Эзэнэйнгээ алдар солые Израилиин хаан Давидай табиһан хуули ёһоор дуудахын тула, санаартад бэшхүүрнүүдээ, левидүүд, Асаапай хүбүүд, дэмшэнүүдээ бариба.

Эзраа 3:10 ပူးပေါင်းရင်းမြစ်များ

1 Угай бэшэг 15:24

Шэбааньяа, Ёшапаат, Нэтанээл, Амасай, Захарияа, Бэнайяа, Элиээзэр Бурханай ханзын урда бүреэнүүдые үлеэгээ, Обээд-Эдоом Ехияа хоёр ханзын дэргэдэхи харуулшад байгаа.

1 Угай бэшэг 15:27

Давид маалинга хубсаһа үмдэбэ, ханза үргэжэ ябаһан левидүүд, дуушад, тэдэнэй дарга Хэнаанияа тон иимэ хубсаһатай байбад. Давид энэ хубсаһан дээрэ маалинга эфод үмдэбэ

1 Угай бэшэг 16:37

Давид Эзэнэй хэлсээнэй ханзын урда Асаапые, мүн тэрэнэй аха, дүүнэрые үлөөжэ, ханзын урда хододоо, үдэр бүри алба хэхыень уялгаба.

1 Угай бэшэг 16:42

Һэмаан Едүтүүн хоёр бүреэнүүд, кимвалнууд болон хүгжэмэй бусадшье зэмсэгүүд дээрэ наадажа байгаа; Едүтүүнэй хүбүүдые үүдэнэй дэргэдэ табиба.

1 Угай бэшэг 23:5

мүн харуулшад дүрбэн мянган, хүгжэмэй элдэб зэмсэгүүд дээрэ Эзэниие магтан дуулагшад – дүрбэн мянган,

1 Угай бэшэг 25:25

арбан наймадахинь Ханаанида, тэрэнэй хүбүүдтэ, тэрэнэй аха, дүүнэртэ, тэдэнэр арбан хоёр;

2 Угай бэшэг 35:14

Удаань тэдэ өөһэдтөө болон санаартадта Паасхын мяха бэлдэбэ, юуб гэбэл, Аһарооной үри һадаһад болохо санаартад һүни болотор түгэс шатаалта үргэл, өөхэ үргэжэ сүлөөгүй байгаа.

2 Угай бэшэг 35:15

Давидай, Асаапай, Һэмаанай, мүн хаанай мэдэлшэн Едүтүүнэй захяа заабариин ёһоор, дуушад, Асаапай үри һадаһад, өөрынгөө һуури орхихо ёһогүй һэн. Үүдэн бүхэнэй харуулшад мүн лэ һуурияа орхихо ёһогүй бэлэй. Тиимэһээ левидүүд тэдээндэшье Паасхын мал бэлдээ бэлэй.

Эзраа 2:41

дуушад: Асаапай уг – зуун хорин найман хүн,

Эзраа 5:16

Шэшбаццаар ошожо, Иерусалимдахи Бурханай гэрэй һуури табилгые эмхидхээ. Тэрэ сагһаа мүнөө болотор энэ барилга үргэлжэлһөөр, үшөө дүүргэгдээгүй».

Псалманууд 150:5

Тэрэниие шанга сан хүгжэмөөр магтагты, хүнхинэһэн сан хүгжэмөөр магтагты!

Хаггай 2:15

Мүнөө юун таанадтай болоһые ойлгожо шадаха гүт? Минии ордоной заһабарилгын ажалай үшөө эхилээдүйдэ

Захарияа 4:10

Долоон дэн тухай хэлээ һэмнайб. Эдэ хадаа Эзэнэй хамаг дэлхэйе шобто харадаг нюдэд гээшэ. Зэрубабээлэй гарта байһан тэгшэлүүр тээшэ баяртайгаар хаража байһан энэ үдэрые хэн шухала бэшэ гэжэ хэлэхэб даа, – гэжэ Эльгээмэл хэлэбэ.

Захарияа 4:6

Тэнгэриин Эльгээмэл намда иигэжэ ойлгуулба: – Түмэн Сэрэгтэ Эзэнэй Зэрубабээлдэ хандаһан иимэ үгэнүүд гээшэ: Шинии туһа болбол эрхэ мэдэлээр бэшэ, хүсэ шадалаар бэшэ, Минии Һүлдөөр ерэхэ.

Захарияа 4:7

Асари хада, Зэрубабээлэй урда ши хэмши? Ши тэгшэ тала гээшэш. Һүмын оройн шулуу дээшэнь гаргажа табихадань, арад зон «Эзэнэй үгэһэн аша буян энэл» гэжэ соло дуудаха.

Захарияа 6:12

Тэрээндэ иигэжэ хэлэ: Түмэн Сэрэгтэ Эзэн иигэжэ айладажа байна: Тэрэ эрын нэрэ – Угай түлөөлэгшэ. Түлөөлэгшын угайнь һалаа урган олошоржо, Эзэнэй Һүмэ бүтээхэ.

Захарияа 7:3

Тэдэ Түмэн Сэрэгтэ Эзэнэй үргөөгэй санаартан болон лүндэншэдһээ асууба: «Бидэ Һүмын һандарһан ушараар олон жэлдэ гашуудаһан заншалаараа табадахи һарада гашуудан уйлаха гүбди?»

1 Хаан түрэнүүд 22:18

Тиихэдэнь хаан Доһээгтэ: – Ши ошоод, санаартадые ала, – гэхэдэнь, Эдоомой Доһээг ошожо, санаартанда добтолжо, маалинга эфод үмдэһэн наян табан хүниие тэрэ үдэр алаба.