Эзэкээл 9:6 - Библи

⁶ Хүгшэн зониие, залуушуулые, эхэнүүдые, хүүгэдыешье алагты. Харин магнай дээрээ тэмдэгтэй зондо гар бү хүрэгты. Нангин үргөөһөөм эхилэгты. Тиигэжэ нангин үргөө соо байгааша ахамадуудһаа тэдэ эхилбэ.

Эзэкээл 9:6 ပူးပေါင်းရင်းမြစ်များ

Эхин 4:15

Зүгөөр Эзэн харюусаба: – Тиимэшье бэшэ. Хэн шамайе аланаб, долоо дахин гэмынь ехэ болгоод, тэрээнһээ үһөөгөө абахаб. Тиигээд Эзэн уулзаһан зоной Хаяаниие алахагүйн тула тэрээндэ тусхай тэмдэг табиба.

2 Угай бэшэг 36:17

Иигэжэ Эзэн тэдээндэ добтолхыень Вавилооной хааниие эльгээбэ. Вавилооной хаан Эзэнэй Һүмэ соо залуу хүбүүдые һэлмээр сабшан усадхаба. Тэрэ хэнииешье – эрэ, эмыешье, залуу, хүгшэншье зониие хайрлабагүй. Бурхан тэрэнэй мэдэлдэ бүхы зониие үгэһэн байба.

Египедһээ гаралга 12:23

Египет ороной ууган хүбүүдэй ами хороохо гэжэ ябаһан Эзэн тотого, хүндэлэбшэдэ байһан шуһа харахадаа, хажуугаартнай гараха, усадхагша элшые таанадта оруулхагүй.

Ерэмияа 16:6

Баян бардамшье, үгытэй ядуу зоншье энэ орон нютагта наһа бараха. Тэдэ хүдөөлүүлэгдэхэгүй, хойноһоонь хэншье уйлан гашуудахагүй. Уйдан зобожо байһанаа гэршэлжэ хэншье бэеэ отолжо, толгойн үһэеэ хюһажа байхагүй.

Ерэмияа 25:29

Өөрын хото соо гай тодхор үйлэдэжэ эхилхэдэмни тэдэ хэһээлтэ амасангүй үлэхэ гэжэ гү? Үгы. Тэдэ хэһээгдэхэ, юуб гэхэдэ, дэлхэйн бүхы улад зоной урдаһаа Би дайн дажар эльгээхэм. Энэ болбол Би, Түмэн Сэрэгтэ Эзэн, айладхана мүн!

Ерэмияа 44:7

Би, Түмэн Сэрэгтэ Эзэн, Израилиин Бурхан, юундэ иимэ муухай зүйл өөһэдтөө хэнэбта гэжэ таанадһаа асуунаб. Эрэшүүл, эхэнэрнүүдтэ, үхи хүүгэдтэ, нарайшье үхибүүдтэ гай тодхор татажа, иудей зоной дунда нэгэшье хүн бү үлэһэй гэжэ һанана гүт?

Ерэмияа 44:8

Шүтөөнүүдые хэжэ, Египедэй газар дайдада ондоо бурхадта үргэл үргэжэ, өөһэдыгөө һалгаахатнай гү? Дэлхэйн арадуудай доромжолол болохо, танай нэрые хараал мэтээр дурдадаг болохын тула гү?

Ерэмияа 6:11

Эзэмни, тэдэнэй урдаһаа Танай уур хилэнгээр би мүн лэ халинхайб, досоогоо энээниие багтаажа ядажа байнаб». Тиихэдэм Эзэн намда иигэжэ хэлээ: – Уур хилэнгыем үйлсэдэхи үхибүүд болон сугларһан залуушуул дээрэ адха. Үбгэд, һамгад баряанда абтаха, үндэр наһатай үбгэдшье баряанда туугдан абтахал.

Ерэмияа 9:21

Үхэл сонхоорнай дамжан ороно. Үйлсэнүүдһээ үхи хүүгэдые, хотын талмайнуудһаа эдир хүбүүдые усадхахын тула үхэл хатал ордонгууд руумнай орожо байна.

Эзэкээл 11:1

Бурханай Һүлдэ намайе үргэжэ, Эзэн Бурханай нангин үргөөгэй зүүн бартаанууд руу асарба. Тэндэ хорин табан хүниие, тэдэнэй тоодо арад түмэнэй удамаршад болохо Аззуурай хүбүүн Яазаанияае, Бэнайяа гэгшын хүбүүн Пэлаатияа гэгшэдые харабаб.

Эзэкээл 9:4

Тэрээндэ Эзэн иигэжэ айладхаба: – Иерусалим хотые бүхыдэнь ябажа, хото соо боложо байгааша жэгшүүритэй муухай хэрэгүүдые буруушаан, һанаагаа зобожо байгааша зониие шэлэн, магнай дээрэнь тэмдэг таби.

Эзэкээл 9:5

Бэшэ зон тушаа Бурханай иигэжэ айладхахые дуулаа һэм: – Хото соогуур хойноһоонь ябажа, хайрлангүй, үмэгшэлэнгүй тэдэ зониие алагты.

Амоос 3:2

Дэлхэйн обогуудһаа гансал таанадые мэдэржэ байгааб. Тиимэһээ бүхы гэмэйтнай түлөө таанадыел шиидхэн асуухаб.

Лука 12:47

Эзэнэйнгээ юу хүсэжэ байһые мэдэжэ байгаад, тэрэнииень дүүргээгүй, бэлэн бэшэ байһан зараса ехээр сохюулжа хэһээгдэхэ.

Хуули дабталга 2:34

Тэрэ үедэ бүхы хотонуудыень эзэлээбди, һандаргаабди, эрэшүүл, эхэнэрнүүдые, үхи хүүгэдые бултыень алаабди, хэнииеньшье амиды үлөөгөөгүйбди.

Хуули дабталга 3:6

Хэшбооной хаан Сиһооной хотонуудые һандаргааһандал, бидэ тэдэниие һандаргаабди. Эдэ хотонуудта эрэшүүл, эхэнэрнүүдые, үхи хүүгэдые бултыень үгы хээ бэлэйбди.

Хуули дабталга 32:23

Би тэдээн дээрэ гай тодхор обоолжо, годлинуудаа дууһан тэдээн руу харбахаб!

Тимофейдэ 2-дохи 2:19

Тиигэбэшье Бурханай татаһан бата һуури хүдэлөөгүй. «Эзэн Өөрынгөө хүнүүдые мэдэхэ», «Эзэнэй харьяалда орооб гэжэ хэлэһэн хүн нүгэлтэ хэрэгүүдые хэхэеэ болихо ёһотой» гэһэн үгэнүүдтэй тамга тэрэ татагдаһан һууриндань табигданхай байна.

Гэршэлгэ 14:4

Тэдэ хүнүүд эхэнэрнүүдээр орёоһолдон бэеэ бузарлаагүй, гэр бүлэ болоогүй зандаа үлөө, Үргэлэй Хурьганай ошоһон тээшэ дахажа ябаа. Гансал тэдэ хүнүүд газар дэлхэйһээ абтан абарагдаа. Тэдэнэр Бурханда болон Хурьганда үргэһэн түрүүшын ургасын дээжэ мэтэ.

Гэршэлгэ 7:3

«Бурханай бүхы албатанай магнай духадань тамга даража тэмдэглээдүйдэмнай газар дайдадашье, уһан далайдашье, ой модондошье гэм бү хэгты».

Гэршэлгэ 9:4

Теэд үбһэ ногоондошье, ургамал модонуудташье хоро хүргэхэгүйт, харин духадаа Бурханай тамгагүйл хүнүүдтэ хоро хүргэхэт гэжэ тэдэ таршаа шумуулда хэлэгдээ.

1 Хаан түрэнүүд 15:3

Мүнөө ши ошожо, амалээгүүдые бута сохин, тэдэнэй хамаг юумые усадха, бү хайрла. Эрэ, эмые, нарай нялха хүүгэдыньшье, үхэр ба хони, тэмээ ба элжэгыень бултыень хюда» гэнэ, – гэбэ.