Эзэкээл 8:17 - Библи

¹⁷ – Хүнэй үри Эзэкээл, харана гүш? Иудын хан түрын улад зоной эндэ хэжэ байгааша жэгшүүритэй муухай хэрэгүүдынь багадаад, газар дэлхэйе тэдэ хүсэрхэл, алалсаагаар дүүргэбэ. Тэдэ Намайе дахин сухалдуулхаяа һанана, элдэб янзаар онгонуудта мүргэнэ.

Эзэкээл 8:17 ပူးပေါင်းရင်းမြစ်များ

Эхин 6:11

Ииһээр Бурханай урда хүн түрэлтэн ёро муу ябадалтан боложо, алаха, һүйд хэхэ ушар хаа-хаанагүй дэлгэрбэ.

Эхин 6:13

Нойдо айладхаба: – Хүн түрэлтэн хаа-хаанагүй ёрото муу хэрэг үйлэдэнэ, тиимэһээ Би тэдэниие дууһан хюдахам.

4 Хаан түрэнүүд 21:16

Тэрээнһээ гадуур Мэнашшээ ямаршье гэм зэмэгүй олон хүнүүдые хюдажа, бүхы Иерусалимые улаан шуһаар бүрхөөбэ. Тэрэ Эзэндэ таарамжагүй юумэ хүүлэхэ гэжэ Иуда эсэгын хүнүүдые нүгэлтэ зам руу түлхибэ. Тиихэдэнь энэ зэбүүрхэмэ ааша тэрэнэй нүгэлдэ нэмэри боложо үгэбэ.

4 Хаан түрэнүүд 24:4

Ушар юуб гэхэдэ, Мэнашшээ ямаршье гэм зэмэгүй хүнүүдые алажа, тэдэнэй шуһаар Иерусалимые дүүргэһэн байгаа. Эзэн тэрэниие хүлисөөгүй.

Ерэмияа 19:4

Ушарынь гэбэл, зон Намайе орхижо, энэ газар бузарлаа, өөһэдөөшье мэдэхэгүй, үбгэ эсэгэнэрэйньшье мэдэхэгүй, Иудын хаашуулайшье танихагүй ондоо бурхадта санзай эндэ ууюулаа. Гэм зэмэгүй зоной шуһаар энэ газарые дүүргээ.

Ерэмияа 20:8

Үгэ хэлэжэ эхилхэдээл ёолоноб, хүсэрхэл болон һандарал тушаа хашхарнаб. Эзэмни, Танай үгэ айладхахадаа би хүнэй наада-энеэдэн болоноб, бүхэли үдэртөө наадалуулнаб.

Ерэмияа 44:3

Ямар ушар шалтагаанһааб гэхэдэ, тэдэ зон муу юумэ хээ – элинсэг хулинсагайнгаашье, өөһэдөөшье, үхи хүүгэдэйнгээшье мэдэхэгүй ондоо бурхадта үргэл үргэдэг байгаа.

Ерэмияа 6:7

Хабсагайда сабшан бүтээгдэһэн амһарта соо уһанай хододоо шэнэлэгдэн байдагтал, хото соо шэнэ муу муухай ябадал хододоо болон байна. Хүсэрхэл болон һандарал тухай мэдээнүүд тэндэһээ дуулдана. Минии хараха юумэн гэхэдэ, гансал үбшэн болон шарханууд.

Гашуудал 1:5

Дайсадынь диилээ, түрүүлээ, баясажа байна. Оло дахин нүгэл хэһэнэйнь түлөө Эзэн энэ хотодо гай гасалан ушаруулаа. Дайсад үхи хүүгэдыень туун абаашана.

Эзэкээл 11:6

Таанад энэ хото соо угаа олон зониие алаат, тиимэһээ үйлсэнүүд үхэһэн хүнэй бэеэр дүүрэнхэй.

Эзэкээл 16:26

Намайе сухалдуулхын тула ши Египет ороной ташаяангы хүршэнэртөө өөрыгөө дурадхан унтажа байгааш.

Эзэкээл 18:12

ядуу, үгытэй зониие дарладаг, зонһоо юумыень буляадаг, бариса гэжэ абаһан юумэеэ бусаадаггүй, онгонуудта мүргэдэг, жэгшүүрилтэ муухай юумэ хэдэг,

Эзэкээл 23:25

Би шамда угаа уурланхайб, тиимэһээ тэдэнэй шамда хэрзэгы муухайгаар хандахыень хорихогүйб. Тэдэ хамар, шэхыеш отолхо, үхи хүүгэдыеш һэлмээр усадхаха, галдан һалгааха.

Эзэкээл 28:16

Аралжаа наймаа хүгжөөһөөр ши хүсэрхэдэг, нүгэл үйлэдэдэг болоош. Тиимэһээ Би Минии нангин хадаһаа буухыеш баадхааб. Шинии аршалагша байһан херүүб туяа гэрэлээр сасарһан үнэтэ шулуунуудһаа шамайе үлдөө һэн.

Эзэкээл 45:9

Эзэн Бурхан иигэжэ айладхана: – Израилиин удамаршад, нүгэл үйлэдэхэтнай хүрөө! Харшалха, дээрмэшэлхэеэ болижо, үнэн зүбые үйлэдэн байгты. Өөрын газар дээрэһээнь арад зониием үлдэжэ, гаргажа байхаяа болигты. Энэ болбол Би, Эзэн Бурхан, айладхана мүн!

Эзэкээл 7:11

Хүсэрхэлгэ ехэ олон хорон муу юумэ үйлэдэхэ. Тэдэнэй баялигһаа, яла сала байдалһаа, суу солоһоонь юуншье үлэхэгүй.

Эзэкээл 7:23

Газар дэлхэй алалсаан хюдалсаанаар дүүрэнхэй, хотонууд хүсэрхэлөөр халинхай, юрэдөө, бүхы юумэн эхи-эмхигүй болоо.

Эзэкээл 8:6

Эзэн Бурхан айладхаба: – Хүнэй үри Эзэкээл! Юун боложо байһые харана гүш? Израилиин улад зоной хэжэ байгааша жэгшүүритэй муухай хэрэгүүдые харыш. Иигэжэ тэдэ Намайе нангин үргөөһөөм холодуулна. Энээнһээшье муу муухай үйлэ хэрэгүүдыень үзэн харахаш.

Эзэкээл 9:9

Тиихэдэм Эзэн иигэжэ харюусаба: – Израилиин болон Иудын хан түрын улад зон угаа ехэ зэмэтэй. Тэдэ газар дэлхэй дүүрэн алалсаа хюдалсаа үүдхэжэ, Иерусалим хотые гэмтэ ябадалаар дүүргээ. Намайе, Эзэниие, орон нютагһаань арсажа, өөһэдыень харалсахаа болиһон тухаймни тэдэ хэлэнэ.

Амоос 3:10

Үнэн зүбөөр яажа ажаһуухые тэдэ мэдэдэггүй, хэрэмүүд соогоо гансал хүсэрхэл, дээрмэшэлгээр баялиг суглуулаа! – гэжэ Эзэн айладхана.

Амоос 6:3

Гай гасалангай үдэр холодуулан, болзорынь хойшо татан байха һанаатайт. Теэд гансал хүсэрхэл мандахые ойртуулнат.

Михей 2:2

Тэдэ таряаланда һанаашархабал, хүсэ хэрэглэн, буляажа абана, гэр байрада обтобол, саб байса абана, хүниие, гэр хогшолыень, уг залгамжалан дамжуулдаг зөөри зөөшыень хуряажа абана юм.

Михей 6:12

Ушар юуб гэхэдэ, хотын баяшуул хүсэрхэл хаа-хаанагүй хэрэглэнэ, ажаһуугшадынь худал хэлэнэ.

Цэпаанияа 1:9

Шүтээн онгонуудта мүргэгшэдые бултыень, Минии нангин үргөө хулгайлһан, дээрмэшэлһэн олзоороо дүүргэгшэдые усадхахаб.