Эзэкээл 8:16 - Библи

¹⁶ Тиигээд Тэрэ намайе нангин үргөөгэй дотоодо хашаа руу оруулба. Тэндэ үүдэнэй болон үргэлэй шэрээгэй хоорондо нюргаараа Эзэнэй нангин руу, нюураараа зүүн зүг руу зогсон, мандажа байгаа наран руу мүргэжэ байгааша хорин табан хүн харагдаба.

Эзэкээл 8:16 ပူးပေါင်းရင်းမြစ်များ

3 Хаан түрэнүүд 8:29

«Эндэ Минии нэрэмни оршохо» гэжэ Та айладхаа бэлэйт. Үдэр, һүнигүй энэ газарые – Һүмые мэлмытнай хаража байг лэ! Танай зарасын тэрэ газарта зальбархада, тэрэниие анхаржа, шагнажа байгыт!

4 Хаан түрэнүүд 16:14

Тахилай хүрэл шэрээ Эзэнэй һүмын үүдэнэй сэхэ урдань табяатай байба. Тиихэдэнь хаан тэрэниие Эзэнэй һүмэдэ ородог үүдэнһээ холо болгожо, тахилай шэнэ шэрээ Эзэнэй һүмэ хоёрой хоорондо урдандаа байһан үргэлэй шэрээе шэнээр табигдаһан үргэлэй шэрээгэй хойто талада абаашажа табиха захиралта үгэбэ.

4 Хаан түрэнүүд 21:5

Мэнашшээ Эзэнэй һүмын хоёр хашаа соо тэнгэриин наран, һара болон одо мүшэдтэ үргэл хэхэ үргэлэй шэрээнүүдые барюулба.

4 Хаан түрэнүүд 23:11

Тиигээд тэрэ Иудын хаашуулай Наранда зорюулһан моридые, дайшалхы тэргэнүүдые галдаба. Тэдэнэр Эзэнэй һүмын үргөөндэ ородог үүдэнһээ холо бэшэ байдаг заһаагаа абхуулһан Натаан-Мээлэх харуулшанай таһалгануудта дүтэшэг байгаа.

4 Хаан түрэнүүд 23:5

Тиигээд тэрэ Иудын хотонууд ба Иерусалимай оршон тойронхи мүргэлэй обоонууд дээрэ үргэл үргэжэ байха гэжэ Иудын хаашуулай тогтоол гаргаһан, мүн баһа Баалай ба тэнгэриин наран, һара болон одо мүшэдтэ шүтэдэг тэрэс шажанай бүхы шүтөөнүүдые абхуулба.

2 Угай бэшэг 29:6

Манай үбгэ эсэгэнэр муу юумэ үйлэдэн, Эзэн Бурхандамнай таагүй хэрэгүүдые хэдэг байгаа. Тэдэ Бурханаа орхижо, Эзэнэй Һүмэһөө буруу хаража,

2 Угай бэшэг 7:7

Соломоон хаан Эзэнэй Һүмын урда тээхи дотор хорёо арюудхан, түгэс шатаалта болон талха таряанай үргэлнүүдые, амгалан байдалай түлөө үргэлэй өөхэ тэндэ үргөө бэлэй. Эзэнэй урда оршодог үргэлэй гуулин шэрээ эдэ бүгэдэ үргэл багтааха аргагүй дээрэһээ тэдэ дотор хорёо соо үргэгдөө һэн.

Ерэмияа 2:27

«Модон – манай эсэгэ, хабсагай – манай эхэ» гэжэ хэлэдэг таанад Намһаа буруу хараа бэлэйт. Харин гай тодхорой болоходонь, Минии ерэхые, таанадые абархыемни гуйдагта.

Ерэмияа 32:33

Тэдэ Намһаа буруу хараа. Һургаал заабари айладхаашье һаам, тэдэ шагнаха, һураха дурагүй һэн.

Ерэмияа 44:17

Хэлэһэн үгэнүүдээ бэелүүлхэбди. Тэнгэриин хатан бурханда үргэл үргэхэбди, сэржэм үргэхэбди. Иудын орон нютагта болон Иерусалимда байхадаа бидэ, манай үбгэ эсэгэнэр, манай хаан, удамаршаднай тиидэг бэлэйл. Тиихэдэ бидэ эдеэ хоолтой, жаргалтай, хашалгүй ажаһуудаг бэлэйбди.

Ерэмияа 7:18

Үхибүүдынь түлеэ суглуулжа, эсэгэнэрынь гал носоожо, эхэнэрнүүдынь Тэнгэриин хатанда бообо хэхын тула талха зуурана. Намайе гомдоохын тула тэдэ ондоо бурхадта сэржэм үргэнэ.

Ерэмияа 8:2

Дуратай, алба хэдэг нара, һара болон мүшэд доогуурнь яһануудыень тараажа тэдэ хаяхал. Тэдээнтэй зүбшэдэг, мүргэдэг, һүгэдэн унадаг тэдэ байгаа ха юм. Яһаниинь суглуулагдан хүдөөлүүлэгдэхэгүй. Шэбхэ мэтэ тэрэ газарай хүрьһэн дээрэ хэбтэхэ.

Эзэкээл 10:3

Тэрэнэй нангин үргөө руу ороходонь херүүбүүд үргөөгэй баруун талада зогсожо байгаа. Дотор хорёо үүлээр хушаатай һэн.

Эзэкээл 11:1

Бурханай Һүлдэ намайе үргэжэ, Эзэн Бурханай нангин үргөөгэй зүүн бартаанууд руу асарба. Тэндэ хорин табан хүниие, тэдэнэй тоодо арад түмэнэй удамаршад болохо Аззуурай хүбүүн Яазаанияае, Бэнайяа гэгшын хүбүүн Пэлаатияа гэгшэдые харабаб.

Эзэкээл 23:35

Ши Намайе мартажа, буруу харааш, тиимэһээ һальхай забхай байһанайнгаа түлөө хэһээгдэхэш.

Эзэкээл 23:39

Онгонуудтаа үргэл болгон үхи хүүгэдээ алаһанайнгаа һүүлээр тэрэл үдэртөө Минии нангин үргөө руу ерэжэ, тэдэ бузарлаа. Иигэжэ тэдэ Минии нангин гэртэ хандаа болоно.

Эзэкээл 40:28

Тэрэ намайе урда хаалгануудаар дотор хорёо руу абаашаба. Хаалгын хэмжүүр бусад хаалгануудта адли бэлэй.

Эзэкээл 40:6

Удаань тэрэ зүүн зүгтэхи хаалганууд руу шэглэжэ, табсангуудаарнь гэшхэн оробо. Хаалгануудай хоёр талаар алишье талаһаа тэгшэ нэгэ хэмжүүрэй модоной утатай тэбхэлжэн багахан таһалганууд байгаа.

Эзэкээл 43:5

Эзэнэй Һүлдэ намайе бодхоожо, дотор хорёо руу оруулба. Нангин үргөө Эзэнэй һүр жабхалангаар дүүрэнхэй байна гэжэ тэндэ хараа һэм.

Эзэкээл 43:8

Тэдэ хаашуул ордонгуудаа Минии нангин үргөөдэ няан шахуу барижа, гансал нэгэ хана тэдэниие Намһаа илган байдаг һэн. Жэгшүүрилтэй муухай хэрэгүүдые үйлэдэжэ, тэдэ Минии нангин нэрэ бузарлаа. Тиимэһээ Би уурлан сухалдан, тэдэниие һалгаагаа һэм.

Эзэкээл 45:19

Нүгэл сагааруулгын энэ үргэлэй нэгэ тэды шуһа санаартан нангин үргөөгэй тотогонуудта, үргэлэй шэрээгэй дүрбэн углуу, дотор хорёогой үүдэнүүдэй тотогонууд дээрэ сүршэг.

Эзэкээл 46:1

Эзэн Бурхан иигэжэ айладхана: – Дотор хорёогой зүүн үүдэнүүд зургаан үдэрэй туршада хаалтатай байха ёһотой. Харин субботын үдэр болон һарын шэнэдэ тэдэ нээгдээтэй байха зэргэтэй.

Эзэкээл 7:23

Газар дэлхэй алалсаан хюдалсаанаар дүүрэнхэй, хотонууд хүсэрхэлөөр халинхай, юрэдөө, бүхы юумэн эхи-эмхигүй болоо.

Эзэкээл 8:15

– Хүнэй үри Эзэкээл, харана гүш? Энээнһээшье жэгшүүритэй муухай юумэ харахаш, – гэжэ Тэрэ айладхаба.

Ёһээл 2:17

Эзэнэй зарасанар, санаартад Һүмын үүдэнэй танхим болон үргэлэй шэрээгэй хоорондо уйлалдаг. Тэдэ бүгэдэ зальбаран хэлэг: – Эзэн манай, арад түмэнөө хайрлыт. Бусад угсаатанай доромжодо тэрэниие бү үгыт. Яахадаа бусад угсаатан «Эдэнэйш Бурхан хаана юун бэ? гэжэ хэлсэхэ болооб?» гэжэ хэлэг.

Хуули дабталга 4:19

Юундэ хэрэгтэйб гэхэдэ, нара, һара, мүшэдые, юрэдөө, тэнгэриин һүрөөтэ үзэсхэлэн обёоржо, таанадай тэрээндэ татагдан, доро унан һүгэдэхэгүйн, тэдээндэ мүргэхэгүйн тула. Юуб гэхэдэ, Эзэн Бурхантнай тэдэниие хамаг огторгой доро ажаһуудаг бүхы арадуудта үршөөһэн ха юм даа.