Эзэкээл 7:26 - Библи

²⁶ Гай тодхор дээрэ дээрэһээ ерэжэ байха, муу һураг суу хойно хойноһоо дуулдаха. Лүндэншэдые үзэл үзэхыень гуйжа байхат. Санаартан зониие һургаха юушьегүй, аха захатан хэлэхэ нэгэшье зүбшэл заабаригүй байха.

Эзэкээл 7:26 ပူးပေါင်းရင်းမြစ်များ

Псалманууд 74:9

Эзэнэй гарта аяга байна, тэрээн соо үзэмэй дараһан архи хөөһэрнэ. Дэлхэйн хорото муу бүхы зондо тэрэниие аягалхадань, тэдэ шабхарууень шахан ууха юм.

Исай 47:11

Гай тодхорой ерэхэдэ, эльбэ шэди хэрэглэбэшье, болюулжа шадахагүйш! Шинии мэдэхэгүй сүйрэл гэнтэ шам дээрэ унаха!

Ерэмияа 18:18

Байһаар улад зон иигэжэ хэлсэбэ: «Ерэмияагай урдаһаа хамтарая! Маанадта хуули ёһо зааха санаартад, зүбшэл үгэхэ сэсэн мэргэшүүл, лүндэншэд хододоо байхал. Тэрэниие улаан хэлээрээ даража, хардая, хэлээшыень анхархаяа болие!»

Ерэмияа 21:2

«Манай түлөө Эзэниие гуйгыш. Юуб гэхэдэ, Вавилооной хаан Навуходоносор бидэндэ дайлажа байна. Манай түлөө оролдожо, Эзэн Өөрынгөө гайхамшагта нэгэ үзэгдэл харуулжа магад, тиихэдэнь Навуходоносор бидэнһээ сухарин ошохо аалам».

Ерэмияа 37:17

Цэдэкиия хаан минии хойноһоо эльгээжэ, ордон руугаа асаруулаад, «Эзэнһээ мэдээсэл бии гү?» – гэжэ асууба. «Бии, – гэжэ хэлээд, – Вавилооной хаанай һабарта орохот», – гэжэ нэмэбэб.

Ерэмияа 4:20

Гай тодхор дээрэ үшөө гай тохёолдоно, бүхы орон нютаг һандаргагдан хооһороо. Гэнтэ манай майхангууд эбдэгдээ, агшам зуур соо хүшэгэнүүднай ударагдаа.

Гашуудал 2:9

Бартаанууд газарта унаа, Тэрэ шэбхыень сохижо унагаагаа. Хаан болон түшэмэлнүүд баряанда туугдан ошоо, һургаал эбдэгдээ. Лүндэншэдтэ Эзэнһээ үзэгдэл эльгээгдэнэгүй.

Эзэкээл 11:2

Бурхан намда иигэжэ айладхаба: – Хүнэй үри Эзэкээл! Эдэ зон муу юумэ түсэблэн байдаг, хотын зондо муу зүбшэл үгэдэг.

Эзэкээл 12:22

– Хүнэй үри Эзэкээл! «Саг ябажал байха, харин уридшалан айладхаһан лүндэнүүд бэелүүлэгдэнэгүй» гэһэн үгэнүүдые зон юундэ дабтанаб, юундэ зүйр үгэ тэрэ болооб?

Эзэкээл 14:1

Эзэн Бурханай зарлиг мэдэхэеэ Израилиин нэгэ хэды ахамадууд нам руу ерэжэ, урдамни һууба.

Эзэкээл 21:7

Тэдэнэй шамһаа «Юундэ ёолонобши?» гэжэ асуухада, зүрхэ алдахуулха, гар һуларуулха, зориг мохоохо, үбдэг шэшэрүүлхэ аймшагтай юумэнэй болохоёо байһан тухай мэдээтэйб гээд хэлэ.

Эзэкээл 22:26

Санаартадынь Минии хуули хазагайруулна, нангин, мүн бэшэ, сэбэр болон сээртэй зүйлнүүдые илгаруулнагүй, иигэжэ нангин зүйлнүүдыем бузарлана. Тэдэ субботые сахинагүй, Намайе хүндэлнэгүй.

Эзэкээл 33:31

Тиигээд тэдэ сугларан шамда ерэжэ, хэлэһыешни шагнана, гэбэшье соносоһоноо дүүргэнэгүй. Гансал үгэнүүд. Харин өөһэдөө тэдэ ашаг олзын түлөө мэхэлхэдээ һэншье гэхэгүй.

Эзэкээл 8:1

Сүлэлгэдэ байһанай зургаадахи жэлэй зургаадахи һарын табадахи үдэр Иудын хан түрын ахамадууд намтай хамта гэртэмни һуужа байгаа бэлэй. Гэнтэ Эзэн Бурханай хүсэ шадал намда халин ороо һэн.

Левит 26:18

Хэрбээ иимэ юумэнэй болоходошье, Минии үгэ дуулаагүй һаатнай, нүгэл хэһэнэйтнай түлөө долоо дахин ехээр хэһээхэб.

Левит 26:21

Хэрбээ эдээнэйшье һүүлээр Намда эсэргүүсээ һаатнай, Минии үгэ дуулаха дурагүй һаатнай, нүгэлэйтнай түлөө сохилто долоо дахин нэмэхэб.

Левит 26:24

Би сухал дундаа танай урдаһаа эсэргүүсэн орохоб. Танай хэһэн нүгэл шэбэлэй түлөө долоо дахин ехээр сохихоб.

Левит 26:28

Би сухал дундаа танда эсэргүүсэн орохоб, нүгэлэйтнай түлөө таанадые долоо дахин хэһээхэб.

Михей 3:6

– Таанадта һүниин харанхы бууха, лүндэн табижа шадахагүйт, Таанадые шэб харанхы тойрохо, абарал буулгажа шадахагүйт. Лүндэншэд дээрэхи наран хорон орохо, тэдэнэй оршожо байһан үдэр бүрхэхэ.

Малаахи 2:7

Санаартан Бурханай һургаал хамгаалха, тэрэнэй аманһаа гараһан заабари үгые хүнүүд бэдэрхэ ёһотой. Ушарынь хадаа тэрэ Эзэнэй элшэ болоно.

Малаахи 2:9

– Тиигэжэ таанад Минии зам сахинагүйт, харин заабари элдэбээр тайлбарилан гуйбуулжа байнат. Тэрээнэйтнай түлөө Би таанадые арад түмэнэй урда хүндэгүй болгожо, баһамжалуулхаб.

Хуули дабталга 32:23

Би тэдээн дээрэ гай тодхор обоолжо, годлинуудаа дууһан тэдээн руу харбахаб!

1 Хаан түрэнүүд 3:1

Балшар хүбүүн Самуил Элиин хажууда Эзэндэ алба хэжэл байба. Тэрэ үедэ Эзэнэй үгэ хомор, үзэгдэлнүүдшье үсөөн бэлэй.