Эзэкээл 7:19 - Библи

¹⁹ Алта, мүнгэеэ тэдэ бог шорой мэтээр газаа хаяха, юуб гэхэдэ, Эзэн Бурханай хилэнсэгтэ үдэр алта, мүнгэниинь тэдэниие абархагүй. Баялигаар тэдэ хүсэлөө бэелүүлжэ шадахагүй, гэдэһээ садхааха бэшэ, алта, мүнгэнһөө боложо тэдэ нүгэл үйлэдөө бшуу.

Эзэкээл 7:19 ပူးပေါင်းရင်းမြစ်များ

4 Хаан түрэнүүд 7:15

Тэдэнэр Иордан ошохо замдаа яаралтайгаар тэрьедэһэн Араамай сэрэгшэдэй хаяһан хубсаһан болон зэр зэбсэгүүдэй газарта хэбтэхые харабад. Тэдэнэр Самаридаа бусажа, бүхы хараһан юумэнүүдээ хаандаа хөөрэбэд.

Һургаал 10:2

Үнэн шударга бэшээр оложо абаһан зөөри ашагүй, харин шударга зүб байдал үхэлһөө зайлуулдаг юм.

Һургаал 11:4

Эзэнэй шүүн хараха үдэртэ баялиг ямаршье туһа болохогүй. Харин үнэн шударга хэрэгүүд үхэлһөө абарха.

Экклезиаст 5:10

Баялиг үсхэхын далимда эдихэ дуратайшуул олошордог. Тэрээниие хараад һууха гээшэ эзэндэнь ямар байхаб?

Исай 2:20

Тэрэ үдэрэй мандахадань, зон мүргэхэеэ өөһэдтөө хэһэн алта, мүнгэн шүтөөнүүдөө хаяжа, мана һохорнууд, һарьһан эрбээхэйнүүд руу шэдэхэ.

Исай 30:22

Таанад мүнгөөр хушаатай онгонуудаа, алтаар бүрхөөтэй хүрэгүүдээ абажа, муухай юумэндэл, бог шоройдол адляар холо хаяхат: «Зайлагты!»

Исай 55:2

Юуншье бэшэ юумэндэ мүнгэеэ юундэ үрихэбта? Садхаахагүй юумэндэ салингаа юундэ гаргахабта? Намайе һайса шагнагты, үгыем дуулагты. Тиигэбэл, эгээл эрхим эдеэ хоол барихат.

Гашуудал 4:1

Оо, гай даа! Алтан ямараар харлаа, шэжэр алтан хэды ехэ бүрүүл болоо гээшэб! Нангин үргөөгэй үнэтэ шулуун харгын уулзуураар хаягданхай.

Эзэкээл 13:5

Сүмэрһэн ханануудые тэдэ хамгаалнагүй, ханануудые бодхооношьегүй, юрэдөө, Эзэнэй хилэнсэгтэ үдэрэй дайн дажарһаа Израилиие хамгаалнагүй.

Эзэкээл 14:7

Израилиин хэн нэгэнэй гү, али тэдээнтэй хамта ажаһуудаг ерүүл зоной Намһаа буруу хаража, онгонуудта мүргэжэ эхилээд, удаань Минии харюу мэдэхэеэ лүндэншэдэ ерэхэдэнь, Би тэдээндэ харюу үгэхэгүйб!

Эзэкээл 30:3

Хилэнсэгтэ үдэр дүтэлөө, Эзэнэй хэһээлтэ амасуулха үдэр! Үндэһэ яһатадай хосорхо бүрэнхы саг дүтэлбэ.

Эзэкээл 44:12

Израилиин зоной онгонуудта мүргэхэ ёһололнуудые үнгэргэдэг, иигэжэ нүгэл шэбэл дэлгэрүүлһэнэйнь түлөө Би, Эзэн Бурхан, тэдэнэй урдаһаа гараа далайхаб, тиигэжэ тэдэниие хэһээхэб!

Цэпаанияа 1:18

Эзэнэй хилэнсэгтэ үдэрэй мандахада, алта мүнгэншье тэдэниие абаржа шадахагүй. Бүхы дэлхэй Тэрэнэй уур хилэнгэй гал дүлэн соо дууһан шатаха. Ушарынь гэбэл, дэлхэйн бүхы ажаһуугшадые Тэрэ гэнтэ дүрэлзэһэн уур хилэнгээр хюдаха юм!

Цэпаанияа 1:3

Улад зониие, мал, огторгойн жэгүүртэниие, далайн загаһадые усадхахаб. Газарай хүрьһэн дээрэһээ зониие үгы хэхэдэм, муу муухай зон бүдэрдэг зүйлнүүдтэеэ хамта һалаха. Энэ болбол Би, Эзэн, айладхаа мүн!

Матвей 16:26

Хэрбээ таанад бүхы дэлхэйе олзолоод, ами һүнэһэеэ алдабалтнай, танда ашагтай гү? Үгыл даа! Таанад ямаршье юумэ түлөөд, ами һүнэһэеэ бусаажа шадахагүйлта.

Римэйхиндэ 11:9

«Эдеэнэй шэрээнь тэдэндэ занга, урьха болог, бүдэржэ унагааг, хэһээлтэдэ оруулаг!