Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Эзэкээл 6:7 - Библи

7 Хаа-хаанагүй зон алуулан алдалан унажа, амиды мэндэ үлэгшэдынь Намайе Эзэн гэжэ баталан мэдүүлхэ.

အခန်းကိုကြည့်ပါ။ ကော်ပီ




Эзэкээл 6:7
43 ပူးပေါင်းရင်းမြစ်များ  

Эзэн Бурхамни, Та болбол ори ганса Бурхан, бэшэ Бурхан байхагүй гээшые дэлхэйн бүхы хан түрэнүүд мэдэхын тула мүнөө маанадые дайсадһаамнай абарыт!


Фараониие дайшалхы тэргэнүүдтэйнь, морин сэрэгтэйнь хамта түгэс дарахадамни, Эзэн хэн гээшэб гэжэ египет угсаатан одоол ойлгохо!


Үсэдтөө диилдэжэ, хойноһоотнай мүрдэн намнаха гэжэ Минии һанаһан үйлөөр тэрэ болохо, одоол тиихэдэ фараониие сэрэгтэйнь даража, түгэс илалта туйлаха ёһотойб! Эзэнэй ёһото хэн байһые Египедэй зон мэдэжэ абаг! Эзэнэй зарлигаарнь лэ Израиль угсаатан бүтээбэ.


Минии хүндэ гарта сохюулхадаал Эзэн хэн гээшэб гэжэ Египет зон мэдэхэ даа. Тиихэдэнь лэ Израиль угсаатаниие тэндэһээ гаргахаб.


Хээрэ тала руу гарахадам, дайнда алуулһан зоной һэенүүд байна. Хото руу орожо ерэхэдэм, туража үхэхэеэ байгшад харагдана. Лүндэншэд, санаартад юу хэхэеэ ойлгожо ядан, орон нютагаар тэнэнэ.


Теэд мүнөө үхи хүүгэдыень туража үхүүлыт, дайн дажарта усадхыт, эхэнэрнүүдынь бэлбэһэн болог, үри хүүгэдээ гээг, эрэшүүлынь үхэл хаталда дайрагдаг, залуушуулынь байлдаанда алуулаг лэ!


Тэрэ үдэр Эзэндэ хюдагдаһан зоной бэенүүд дэлхэйн нэгэ захаһаа нүгөө хүрэтэр таранхай хэбтэхэ. Хэншье тэдэнэй хойноһоо гашуудахагүй, тэдэниие суглуулхагүй, хүдөөлүүлхэгүй. Газарай хүрьһэн дээрэ үтэгжүүл мэтэ тэдэ хэбтэхэ.


Гэдэһээ үлдэжэ үхэһэнһөө һэлмээр сабшуулагдажа үхэһэниинь дээрэ. Юуб гэхэдэ, таряалангай ургасын хомордоходо, зон зобожо амяа алдадаг шуу.


Орон нютагтатнай болоһон байлдаануудта хосорон һалахат. Тиихэдээ таанад бултадаа Намайе Эзэн гээд мэдэрхэт.


Тиигээд таанад Намайе Эзэн гээд мэдэдэг болохот. Таанад эрьен тойрон ажаһуугааша үндэһэ яһатанай ёһо гуримаар ажаһуужа байгаат, Минии хуулинуудые, ёһо гуримуудые сахяагүйт.


Иигэжэ Минии тэдэниие үндэһэ яһатадай дундуур, ондоо улас түрэнүүдээр тараахада, тэдэ Намайе Эзэн гээд мэдэдэг болохо.


Минии, Эзэн Бурханай, орон нютагтаа үшөө ажаһуужа байгааша Иерусалимай улад зондо иигэжэ тунхаглаһыемни дуулга: тэдэ эдеэ барихадаа шэшэржэ, уһа уухадаа айжа һүрдэжэ байха. Муу муухай хэрэгүүдэйнь түлөө газарынь гандан хатажа, таряан ургахагүй.


Таанадай будаһан ханые унагаахаб, тиихэдэмни байрань харагдаха. Тэрээнтэй хамта таанадшье хосорхот. Тиихэдээ Намайе Эзэн гэжэ мэдэхэт.


Нэмэргэнүүдыетнай удара татахаб, иигэжэ Минии арад түмэн таанадай нүлөөнһөө сүлөө болохо. Тиихэдэм таанад Намайе Эзэн гээд мэдэрхэт.


Тиимэһээ таанадай худал үзэл үзэхые, худалаар уридшалан юумэ мэдэхые Би болюулхаб. Таанадай һабарһаа арад зоноо абархаб. Иигэжэ Намайе Эзэн гээд мэдэрхэт».


Худал үзэл үзэдэг, уридшалан хэлэнэбди гэжэ худал тунхагладаг лүндэншэдые Би хэһээхэб. Минии улад зоной зүбшэжэ байхада тэдэ хамта байлсахагүй, нэрэнүүдынь Израилиин арад түмэнэй тоо бүридхэл соо бэшэгдэхэгүй, һөөргөө Израилиин газар уһан руу тэдэ бусахагүй. Тиихэдээ тэдэ Намайе Эзэн Бурхан гээд мэдэхэ.


Би тиимэ хүнэй урдаһаа тулахаб! Тиигээд тэрэ зоной наадан, ябаган зугаа үгэ болохо, Минии арад түмэнэй дундаһаа үгы хэхэб. Тиихэдэм таанад Намайе Эзэн гээд мэдэхэт.


Хэһээхэб тэдэниие. Нэгэ гал дүлэнһөө гарахадаа, тэдэ нүгөө гал дүлэн руу орожо шатаагдаха. Минии тэдэниие хэһээжэ эхилхэдэ таанад Намайе Эзэн гээд мэдэхэт.


Жэгшүүрилтэй муухай үргэлнүүдые, тэрэ тоодо ууган хүбүүдээ үргэл болгон үргэхые Би тэдээндэ зарлан байгааб. Энэ хадаа тэдээндэ хэһээлтэ ушаруулха, Минии Эзэн байһые тэдээндэ гэршэлхэ ёһотой бэлэйл.


Минии урдаһаа һөөргэдэгшэдые Би таанад сооһоо илгажа, баряанда байгша орон нютагһаань гаргаашье хадаа Израилиин газар руу оруулхагүйб. Тиихэдэм таанад Намайе Эзэн Бурхан гээд мэдэрхэт.


Үбгэ эсэгэнэртэтнай тангариглан найдуулһан Израилиин газар уһан руу таанадые оруулхадам Намайе Эзэн гээд таанад мэдэрхэт.


Муу муухай хэрэгүүдэйтнай түлөө таанадые хэһээхэ хэрэгтэй. Гэбэшье Би нэн түрүүн энээнэй түлөө бэшэ, Өөрынгөө нэрэ хүндэ хаража таанадые хэһээхэб. Тиихэдэм Намайе Эзэн Бурхан гээд таанад ойлгохот.


Үндэһэ яһатанай урда таанад өөһэдыгөө бузарлахат. Тиихэдээ Намайе, Эзэниие, энээниие үйлэдөө гэжэ мэдэхэт.


Һальхай ябадал гаргаһанайнгаа, онгонуудта мүргэһэнэйнгээ түлөө эгэшэнэр хэһээгдэхэ, тиихэдээ Намайе Эзэн Бурхан гэжэ мэдэдэг болохо.


Би, Эзэкээл, таанадта дүлгэ тэмдэг болохоб, намдал адляар таанад байхат. Эдэ бүгэдые гүйсэдхэгшэ Эзэн Бурханаа тиихэдэ таанад мэдэдэг болохот.


Дуугаржа шадахаяа болиһон аад, эгээл тэрэ үдэр ши дахин дуугаржа, улад зонтой хөөрэлдэхэш. Ши зониие һэргылһэн дүлгэ тэмдэг болохош, тиигээд тэдэ Намайе Эзэн гээд мэдэдэг болохо.


Угаа ехээр тэдэниие хэһээжэ, дүүрэн хэмжээгээр үһөөгөө абахаб. Иигэжэ шанга уур сухал дундаа хэһээхэдэм, тэдэ Намайе Эзэн гээд мэдэдэг болохо.


Далайн эрьеэр оршогшо һууринуудайнь ажаһуугшад һэлмээр усадхагдаха. Тиихэдэнь тэдэ Намайе Эзэн гээд мэдэдэг болохо.


Таанад руу тахал үбшэ эльгээхэб, үйлсэнүүдээр шуһан гол урдахуулхаб. Бүхы зүгһөө таанадые хүреэлэн, таанадта добтолхо, тиигээд алуулхат. Тиихэдээ Намайе Эзэн гэжэ ойлгохот.


Египедэй зониие хари гүрэнүүдээр сасан тараахаб, тиихэдэм тэдэ Минии, Эзэнэй, иигэжэ хэһээһые мэдэдэг болохо.


Египедые хооһон элһэн сүл губи болгон, нэгэшье амиды амитаниие тэндэ үлөөнгүй байхадам, таанад Намайе Эзэн гээд мэдэдэг болохот.


Израилиин һалан һандаржа байхада баясажа байгаа бэлэйш. Тон тиимэ юумэн шамтай тохёолдохо: Сэһиирэй хадалиг улас, хамаг Эдоом орон нютаг хооһорон һандарха. Тиихэдэ хүн бүхэн Намайе Эзэн гээд ойлгохо.


Би, Эзэн, нангин гээшэб гэжэ дэлхэйн бүхы арадуудта Өөрыгөө харуулхын тула эдэ бүгэдые эрхилхэб».


Алуулһан зоной һэенүүд онгонуудай дунда, үргэлэй шэрээнүүдые тойрон, үндэр гүбээ бүхэн дээрэ, үндэр хада дээрэ, һаглагар модон бүхэн доро, мантан сарса модон доро, онгонуудта үргэл асаржа байгааша газар бүхэндэ хэбтэхэ.


Израилиин бүхы хотонууд һандаргагдажа, үргэлэйнь шэрээнүүд, онгонуудынь бутаран һалаха, хэһэн зүйлнүүдынь үгы хэгдэхэ.


Гэбэшье үсөөхэн зарим зонииетнай абаржа, ондоо үндэһэ яһатадай дундуур сасан байлгахаб.


Би шамайе хайрлахагүйб, энэрэл үзүүлхэгүйб, хэһэн хэрэгүүдэйшни хэмээр, жэгшүүрилтэ ябадалайшни түлөө шамайе хэһээхэб. Тиихэдэм таанад Намайе Эзэн гээд мэдэрхэт.


Таанадые хайрлахагүйб, энэрэл үзүүлхэгүйб. Хэһэн хэрэгүүдэйтнай хэмээр хэһээхэб, жэгшүүрилтэ хэрэгүүдтнай эли болохо. Тиихэдэ Намайе Эзэн, хэһээлтэ амасуулдаг Эзэн гээд таанад ойлгохот.


Бурхан иигэжэ тэдээндэ айладхаба: – Нангин үргөө бузарлагты! Үхэһэн зоной бэенүүдээр хашааень дүүргэгты! Гараад эхилэгты! Тиигээд тэдэ гаража, хото соо зониие хюдажа эхилбэ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ