Эзэкээл 6:6 - Библи

⁶ Израилиин бүхы хотонууд һандаргагдажа, үргэлэйнь шэрээнүүд, онгонуудынь бутаран һалаха, хэһэн зүйлнүүдынь үгы хэгдэхэ.

Эзэкээл 6:6 ပူးပေါင်းရင်းမြစ်များ

3 Хаан түрэнүүд 14:23

Үндэр толгой бүхэнэй оройдо, һаглагар модон бүхэн доро тэдэ мүргэлэй обоонуудые, онгонуудые, Ашэраа бурханай хүрэгүүдые байгуулан бариба.

Псалманууд 115:8

Танда би һайе хүргэһэн үргэл тахижа, нэрыетнай дуудахаб.

Исай 1:31

Хатаһан набша намаагай ошонһоо аһажа-шатажа байһандал, хүсэ шадалтай зоншье муу муухай хэрэгүүдэйнгээ хэмээр усадхагдажа эхилхэ, хэншье энэ гай тодхор саража-болюулжа шадахагүй.

Исай 2:20

Тэрэ үдэрэй мандахадань, зон мүргэхэеэ өөһэдтөө хэһэн алта, мүнгэн шүтөөнүүдөө хаяжа, мана һохорнууд, һарьһан эрбээхэйнүүд руу шэдэхэ.

Исай 27:9

Гэбэшье үргэлэй шэрээнүүдэй шулуунай бутаржа, шохой болоходо, Ашэраа бурханда һүгэдэлгын зүйлнүүдэй үгы болоходол Яковай нүгэл арюудхагдаха.

Исай 6:11

Би асуубаб: – Эзэмни, хэр удаан энэ үргэлжэлхэб? Тэрэ иигэжэ харюусаба: – Хотонуудай һандаран сүйдтэ орожо, хүн зонгүй болотор, оршон тойроной эзэгүйржэ, газар нютагай юушьегүй болотор.

Исай 64:10

Танай нангин хотонууд хооһон сүл губи болоо. Сион сүл губи болоо. Иерусалим эзэгүйрөө.

Ерэмияа 10:22

Шагнагты! Иимэ һураг дуулдаба! Иудын хотонуудые хооһон, сүүбэн шонын үүр болгохоёо хойто зүгэй орон нютагһаа ехэ шууяатай сэрэг гаража байна.

Ерэмияа 2:15

Дайсадынь залуу арсалангууд мэтэ тэрээн руу хэрхиржэ, газар дайдыень зэлүү хооһон болгоо. Хотонуудынь һандаргагданхай, нэгэшье хүн тэндэнь ажаһуунагүй.

Ерэмияа 34:22

Минии захирхада, дайсадай сэрэг һөөргөө энэ хото руу бусаха. Тэдэ добтолон орожо, хотые эзэмдээд, дууһан шатааха. Иудын хан түрын хотонуудые зэлүүд хооһон, нэгэшье амитанай ажаһуудаггүй хото болгохоб. Энэ болбол Би, Эзэн, тунхаглана мүн!

Ерэмияа 51:18

Тэдэ юуншье бэшэ, энеэдэ-нааданай зүйл. Эзэнэй шүүбэрилхэеэ ерэхэдэнь, үгы хэгдэхэ.

Ерэмияа 9:10

Уула тухай уйлажа, ори дуун болохоб. Үргэн талын бэлшээринүүд тухай гашуудан бархирхаб. Тэдэ зэлүүд хооһон болоо, тэрээгүүр хэншье гарахагүй. Үхэр һүрэгэй мөөрэхэнь дуулданагүй, огторгойн шубууд, бүхы ан арьяатан зугадан тэрьедээ.

Ерэмияа 9:11

Эзэн айладхана: «Иерусалимые һандарһан шулуун обоо, сүүбэн шонын үүр болгохоб. Иудын хотонуудые ажаһуугшадгүй хооһон болгохоб».

Ерэмияа 9:19

Сионһоо ори дуун соностоно: «Аа, бидэнтэй сүйд болоо! Гутамшаг бузар юумэндэ орообди! Газар нютагаа орхихо баатай болообди, манай гэрнүүд һандаргагдаа».

Эзэкээл 12:19

Минии, Эзэн Бурханай, орон нютагтаа үшөө ажаһуужа байгааша Иерусалимай улад зондо иигэжэ тунхаглаһыемни дуулга: тэдэ эдеэ барихадаа шэшэржэ, уһа уухадаа айжа һүрдэжэ байха. Муу муухай хэрэгүүдэйнь түлөө газарынь гандан хатажа, таряан ургахагүй.

Эзэкээл 16:39

Тиигээд амарагуудташ шамайе дамжуулхадам, тэдэ хурисал үзэһэн газарнуудыеш һандарган һалгааха. Хубсаһыеш тайлажа, зүүдхэлнүүдыеш саб шүүрэн абаха. Тиигээд шамайе нюсэгэн, салдаган орхихо.

Эзэкээл 30:13

Эзэн Бурхан Египедэй зондо иигэжэ айладхана: – Ноодто байгша онгонуудые болон хүрэгүүдые үгы хэхэб. Египедые хүтэлбэрилэн зонхилхо хүн танай дунда бэшэ олдохогүй. Ииигэжэ таанад бултадаа угаа ехээр һүрдэн айхат.

Эзэкээл 35:4

Хотонуудыетнай һандаргаахаб, газар дайдатнай хооһорхо, тиихэдэ Намайе Эзэн гээд мэдэхэт.

Эзэкээл 5:14

Хажуугаартнай гараһан бусад арадууд таанадые шоо үзэхэ, холуур тойрон гарахые оролдохо.

Эзэкээл 6:4

Иигэжэ үргэлэй шэрээнүүдтнай һандаргагдаха, уталгын шэрээнүүд бута сохигдохо. Онгонуудайнгаа урда тээ зон алуулагдаха.

Эзэкээл 6:7

Хаа-хаанагүй зон алуулан алдалан унажа, амиды мэндэ үлэгшэдынь Намайе Эзэн гэжэ баталан мэдүүлхэ.

Һошээ 10:2

Урбадаг зүрхэ сэдьхэлтэйшүүл хэһээгдэхэ. Бурхан тэдэнэй үргэлэй шэрээнүүдые һандаргаха, мүргэдэг модонуудыень бута сохихо.

Һошээ 10:8

Израилиин нүгэл – зоной хариин бурхадта мүргэдэг Авээнэй обоонууд үгы хэгдэхэ. Тэндэхи үргэлэй шэрээнүүд дээрэ адаалхай һөөгүүд ургажа эхилхэ, тэдэ шэрээнүүд «Маанадые хушыт» гэжэ хада улануудта, «маанад дээрэ уныт» гэжэ гүбээнүүдтэ хандаха.

Левит 26:30

Тахилай үндэр газарнуудыетнай һандаргаахаб, нангин баханануудыетнай эбдэхэб. Танай үхэһэн бэенүүдые бутархай һүлдэ хүрэг дээгүүртнай тараахаб. Үнэнхэ зүрхэнһөө Би таанадһаа жэрхэхэб.

Левит 26:31

Хото балгасыетнай хооһоруулхаб, мүргэлэйтнай орон хооһон болгохоб. Үргэһэн үргэлэйтнай хоншуу һайхан үнэрыень абахагүйб.

Михей 1:7

Бүхы шүтээнүүдынь тэһэ биса сохигдохо, янхан ябадалай ордоной түлбэри бэлэгүүд галда шатаагдаха. Бүхы хүрэгүүдынь Би хаясаанай болгохоб. Юу гэбэл, эдэ бүгэдые Самари янхан забхайралгын түлбэриһөө түлэн суглуулжа байгаа, дайсадынь янхан хэрэгтэ тэдэниие шэглүүлэг лэ».

Михей 3:12

Тиимэһээ таанадһаа боложо, Сион таряалангай талмай мэтэ хахалагдаха, Иерусалим обоолоотой һандархай шулуун болохо, Һүмын мүнөө байгааша газар ой модоной ургадаг гүбээ болохо!

Михей 5:13

Хүрэг онгонуудыеш, мүргэдэг баханануудыеш хажууһаашни усадхахаб, тиихэдэм өөрынгөө хэһэн бүтээлнүүдтэ һүгэдэн мүргэхэеэ болихош.

Аввакуум 2:18

Шүтээниие хүнэй һиилэн бүтээһэн хойно тэрэнэй ашаг туһа юун байхаб даа. Энээниие бүтээгшэ хүн гар бүтээлдээ этигэн найдаал ааб даа, теэд худал хуурмагые заадаг, дуугаржа шадахагүй хэмэл хүрэгүүдһээ ямар туһа байхаб?

Цэпаанияа 1:18

Эзэнэй хилэнсэгтэ үдэрэй мандахада, алта мүнгэншье тэдэниие абаржа шадахагүй. Бүхы дэлхэй Тэрэнэй уур хилэнгэй гал дүлэн соо дууһан шатаха. Ушарынь гэбэл, дэлхэйн бүхы ажаһуугшадые Тэрэ гэнтэ дүрэлзэһэн уур хилэнгээр хюдаха юм!

Захарияа 13:2

Түмэн Сэрэгтэ Эзэн иигэжэ айладхана: – Тэрэ үдэр Би онгон шүтөөнүүдые үгы хэхэб. Тэдэ саашадаа дурсагдахагүй. Худал үзэл тунхагладаг лүндэншэдые болон бузар һүнэһэ газарай нюрууһаа зайлуулхаб.

1 Хаан түрэнүүд 5:4

Удаань үглөө үглөөгүүр тэдэнэй бодоод харахада, Дагоон Эзэнэй ханзын урда нюураараа газарта дахин унанхай байба. Дагооной толгой ба хоёр гарынь отолоотой богоһо дээрэ, тиихэдэ бэень лэ үлэнхэй байгаа.