Эзэкээл 6:10 - Библи

¹⁰ Тиигээд тэдэ Намайе Эзэн гээшэ гэжэ мэдэржэ эхилхэ, дэмы хооһон хэһээгээ бэшэ ха юмбиб».

Эзэкээл 6:10 ပူးပေါင်းရင်းမြစ်များ

Ерэмияа 44:28

Гансал үсөөхэн зонтнай амиды мэндэ үлэжэ, Египедһээ Иудын орон нютагаа бусаха. Тэдэ амиды үлөөшэд лэ Минии гү, али тэдэнэй үгын бэелүүлэгдэһые ойлгохо.

Эзэкээл 12:25

Би, Эзэн, тэдээнтэй хөөрэлдэхэб, тиигээд Минии айладхал бэелүүлэгдэхэ, удаархагүй. Үгэ дууладаггүй зон, танай наһанай үргэлжэлдэ Би айладхаһанаа бэелүүлхэб. Энэ болбол Би, Эзэн Бурхан, айладхана мүн!

Эзэкээл 22:14

Таанадай урдаһаа тулахадам, зоригтнай мохожо, гараа үргэхэ хүсэ шадалгүй болоод байхат. Би, Эзэн, айладхаа бол заабол бэелүүлхэб!

Эзэкээл 5:13

Иигэжэ уурайнгаа таратар тэдэниие хэһээхэб. Тиихэдэм Минии, Эзэн Бурханай, таанадтай хөөрэлдэһые ойлгохот.

Эзэкээл 6:11

Эзэн Бурхан иигэжэ айладхажа байна: – Альгаа таша! Хүлөөрөө дэбһэ! Израилиин улад зоной хэһэн булай муухай хэрэгүүдһээ боложо гай тодхор тохёолдоол гэжэ уйлан хашхаран байгыт! Эдэ зон дайн дажарта, үлэсхэлэн хооһон байдалһаа, тахал үбшэнһөө үхэхэл.

Эзэкээл 6:7

Хаа-хаанагүй зон алуулан алдалан унажа, амиды мэндэ үлэгшэдынь Намайе Эзэн гэжэ баталан мэдүүлхэ.

Эзэкээл 6:9

Баряанда байхадаа тэдэ зон Нам тушаа һанаха, Намһаа холодоһондоо, онгонуудта мүргэжэ эхилһэндээ тэдэ өөһэдһөө жэрхэжэ эхилхэ.

Даниил 9:12

Огторгой доро үзэгдөө-харагдаагүй, харин мүнөө Иерусалимтай тохёолдогшо тэрэ ехэ гай тодхор маанад дээрэ буулгажа, маанад болон удамаршад тушаамнай айладхалаа тэрэ бэелүүлээл.

Захарияа 1:6

Минии богоол болохо лүндэншэдтэ һургаал болгон дамжуулһан Минии үгэнүүд, Минии гаргаһан шиидхэбэринүүд танай эсэгэ элинсэгүүдтэ бэелээгүй гэжэ байгаа гү? Тэдэ хэлэгшэ бэлэй: «Ябаһан харгыемнай, хэһэн хэрэгыемнай Эзэн яажа сэгнээ һэм, тиимээр лэ үйлэ бүтээгээ», – гэжэ Түмэн Сэрэгтэ Эзэн тунхаглаба гэбэ.