Эзэкээл 5:12 - Библи

¹² Таанадай гурбанай нэгэ хуби үбшэ хабшанһаа гү, али туража үхэхэ, нүгөөдэ хуби хотын оршон тойрондо һэлмээр сабшуулан хосорхо, үлөөшэ хуби зонииетнай дэлхэйн найман зүгөөр сасан тараажа, һэлмэ далайн, хойноһоонь мүрдэхэб.

Эзэкээл 5:12 ပူးပေါင်းရင်းမြစ်များ

Исай 1:24

Тиимэһээ Түмэн Сэрэгтэ Эзэн, Израилиин Хүсэтэ Бурхан, иигэжэ айладхана: «Одоо даа, эсэргүүшэдээ диилэхэб даа, дайсадһаа үһөөгөө абахаб даа.

Ерэмияа 13:24

Тиимэһээ Эзэн таанадые хооһон талын һалхинда үлеэгдэдэг мэхиинэ шэнгеэр тарааха.

Ерэмияа 14:12

Тэдэнэй масаг баряашье хадань, Би уйлаха-бархирхыень дуулахагүйб. Түгэс шатаалта болон таряан үргэлнүүдые тэдэнэй үргөөшье хадань, Би тэдээндэ талархалтай болохогүйб. Харин дайн дажарта, үлэсхэлэн хооһон байдалда болон тахал үбшэндэ тэдэниие хюдан һалгаахаб!

Ерэмияа 15:2

Тэдэнэй шамһаа: «Бидэ хайшаа ябаха болонобибди?» – гэжэ асуухадань, Минии иигэжэ айладхажа байһые тэдээндэ дуулга: Үхэхэнь үхэл тээшээ – дайн дажарта үхэхэнь дайн дажар руу, туража үхэхэнь үлэсхэлэн хооһон руу, баряанда абтахань баряан руу ябаг!

Ерэмияа 15:9

Долоон хүбүү түрэһэн эхэ мэдээгээ алдан унашоо, арай-шамай амяа абана. Эрьехэ нарагүй, наадаха түрэгүй тэрэ болоо. Наадалмаар зүйл боложо, тэрэ баһуулагдаа. Амиды үлэһэн зонииетнай дайсадта алахыень үгэхэб. Энэ болбол Би, Эзэн, айладхана мүн!

Ерэмияа 21:9

Энэ хотодо үлэһэн зон дайн дажарта алуулха, үгышье һаа, туража гү, али үбшэлжэ үхэхэ. Харин хотые бүһэлжэ байгаа Вавилооной сэрэгэй урдаһаа гаража, бэеэ тушааһан зон алуулхагүй, тэдэ ами наһаяа абарха.

Ерэмияа 24:10

Би тэдэндэ болон үбгэ эсэгэнэртэнь үгэһэн газар нютагһаа тэдэниие үгы болготороо тэдээндэ дайн дажар, үлэсхэлэн байдал, үбшэ хабша эльгээжэл байхаб, – гэжэ айладхаба.

Ерэмияа 42:22

Тиимэл хадаа мэдэжэ байгты: ошохоёо һанаһан газартаа дайн дажарһаа, туража, үбшэлжэ таанад үхэхэт.

Ерэмияа 44:27

Таанадай һайн байха бэшэ, һандаргагдаха тухай Би оролдохоб. Египедэй орон нютагта байгааша таанад, иудейнүүд, бултадаа һалатараа дайн дажарта гү, али үбшэ хабшанһаа хосорхот.

Ерэмияа 9:15

Тиимэһээ Минии, Түмэн Сэрэгтэ Эзэнэй, Израилиин Бурханай, иимэ арадтай юу хэхые шагнагты: хараарайгты, хорлохын тула тэдэниие үрмэдэһөөр хооллулхаб, һүлһэтэй уһаар ундалуулхаб.

Ерэмияа 9:16

Би тэдэниие өөһэдыньшье, үбгэ эсэгэнэрэйньшье мэдээгүй үндэһэ яһатанай дунда тараахаб. Тэдэниие дууһан хюдатараа хойноһоонь сэрэг ябуулжал байхаб.

Эзэкээл 12:14

Тэрэниие хүреэлэгшэ түшэмэлнүүдые, зүбшэгшэдыень, бэеынь хамгаалдаг сэрэгшэдые найман зүгөөр сасан тараахаб. Тиигээд тэдэниие алахаяа зон бэдэрхэ.

Эзэкээл 14:17

Хэрбээ Минии тэрэ орон нютаг руу дайн дажар эльгэжэ, аймшагта дайнай зэбсэгээр улад зониие, мал хюдажа эхилхэдэм,

Эзэкээл 14:19

Хэрбээ тэрэ орон нютаг руу үбшэ хабша Минии эльгээгээ һаа, уур сухал дундаа олон зониие, мал хюдаа хадам,

Эзэкээл 14:21

Энэ хадаа Эзэн Бурханай айладхал үгэнүүд: – Эгээл хүндэ дүрбэн хэһээлтэеэ – дайн дажар, үлэн хооһон байдал, арьяатаниие, үбшэ хабша Иерусалим руу эльгээжэ, улад зониие, мал тэндэ хюдахаб.

Эзэкээл 16:42

Эгээл тииһэнэйнгээ удаа Би номгоржо, уурлахаяа, хилэнтэхэеэ болихоб.

Эзэкээл 21:22

Баруун гартань «Иерусалим руу» гэжэ зааһан дүлгэ тэмдэг дайралдаха. Тиихэдэнь тэрэ байлдаа эхилхэ тухай захиралта хашхаран үгэжэ, хотын бартаа, ханануудай дэргэдэ далан бодхоохо, хэрэм, ханануудые эбдэхэ тухай захирха.

Эзэкээл 24:13

Хэдышье сэбэрлээ һаам, ши, Иерусалим, жэгшүүритэй муухай, нүгэлтэй зандааш. Уур хилэнгээ гүйсэд гаргатарни ши сэбэр болохогүйш.

Эзэкээл 33:27

Би, Эзэн Бурхан, Өөрөөрөө тангаригланаб: һандарһан хотонуудаар ажаһуугша таанад дайн дажарта алуулхат, хүдөө талаар ажаһуугшадтнай ан арьяатанай хүнэһэн болохо, агы нүхэндэ, хабсагай хадаар амидарагшадтнай тахал үбшэнһөө үхэхэ.

Эзэкээл 36:19

арадуудай дундуур тараагааб. Өөһэдынь хэһэн хэрэгүүдэй хэмээр хэһээгээб.

Эзэкээл 43:8

Тэдэ хаашуул ордонгуудаа Минии нангин үргөөдэ няан шахуу барижа, гансал нэгэ хана тэдэниие Намһаа илган байдаг һэн. Жэгшүүрилтэй муухай хэрэгүүдые үйлэдэжэ, тэдэ Минии нангин нэрэ бузарлаа. Тиимэһээ Би уурлан сухалдан, тэдэниие һалгаагаа һэм.

Эзэкээл 5:10

Тиигэжэ Иерусалим соо эсэгэнэр хүүгэдээ эдихэ, хүүгэдынь гэртэхинээ эдихэ. Би таанадые хэһээжэ, амиды үлөөшэ зонииетнай найман зүгөөр тараан сасахаб.

Эзэкээл 5:17

Үхи хүүгэдыетнай үгы хэхыень Би үлэсхэлэн хооһон байдал, ан арьяатаниие таанад руу эльгээхэб. Таанадые хосороохын тула үбшэ хабша, дайн дажар эльгэхэб. Энэ болбол Би, Эзэн, тунхаглана мүн!

Эзэкээл 5:2

Шинии зураглажа харуулһан бүһэлэлтын дууһахада хотын дунда нэгэ хуби үһые шатаа. Нүгөө хубииень хотые тойруулан ябажа, һэлмээр сабша. Үлөөшэ хубиие һалхинда хиидхүүлэ, Би һэлмэ һугалан, Иерусалим хотынхидые дахан мүрдэхэб.

Эзэкээл 6:8

Гэбэшье үсөөхэн зарим зонииетнай абаржа, ондоо үндэһэ яһатадай дундуур сасан байлгахаб.

Эзэкээл 7:15

Байлдаан тулалдаан үйлсэ, талмайнуудаар дэлгэрхэ, үбшэ хабшан, үлэсхэлэн хооһон байдал гэр байранууд соо үзэгдэхэ. Хүдөө нютагуудаар байгааша хүн тулалдаанда алдалан унаха, хото соо байгаашад туража, үбшэлжэ үхэхэ.

Эзэкээл 7:3

Израилиин арад түмэн, шинии хосорхо сагшни ерээ. Хэһэн хэрэгүүдыешни, жэгшүүрилтэ муу муухай ябадалайшни түлөө Би шамайе шүүхэб, тиихэдэм ши Минии уур хилэнгые мэдэрхэш.

Левит 26:33

Таанадые буса арад зоной дунда тараахаб, хойноһоотнай һэлмэ һугалхаб. Газартнай хооһорхо, хото балгасатнай һандаргагдаха.

Амоос 9:4

Дайсан тэдэниие баряанда абаашаба гэлэй, сэрэг хойноһоонь эльгээхэдэм, һэлмээр тэдэ усадхагдаха, жаргал бэшэ, гай тодхор тэдээндэ ушаруулхаяа харасаа тэдээн руу шэглүүлхэб.

Амоос 9:9

Захиржа, Израилиие бүхы арадуудай дундуур сасахаб, һагшуураар һагшаһандал, нэгэшье шулуу үлөөнгүй һагшахаб.

Захарияа 7:14

Тэдэниие һалхи шуургантай хамта хари зоной дунда тараан сасаахаб, харин өөһэдэйнь газар нютаг эзэгүй болон хооһоржо, хойшо урагшаа нэгэшье хүн ябахагүй. Тэдэ өөһэдөө һайхан орон нютагаа хооһон губи болгобо», – гэжэ Түмэн Сэрэгтэ Эзэн айладхаа.

Хуули дабталга 28:65

Теэд тэрэ арадуудай хоорондо һанаантнай тэгшэ байхагүй, «минии» гэхэ, хүлөөшье амаруулха газар олохогүйт. Зүрхэнтнай айн һалаганан байха, нюдэдтнай шэргэхэ, сэдьхэлтнай сүхэрхэ. Эдэ бүгэдые Эзэн эльгээхэ.

Гэршэлгэ 6:8

Харан гэхэдэмни, сунхигар сагаабтар морин байба. Дээрэнь Үхэл һууба, тэрэниие дахаад, Үхэлэй орон ябаба. Газар дэлхэйдэ һуугаашадай дүрбэнэй нэгэ хубиие һэлмэ жадаар, үлэсхэлэн хооһон байдалаар, үбшэн тахалаар, ан арьяатанаар алуулха хюдуулха эрхэ засаг Үхэлдэ, Үхэлэй орондо олгогдобо.