Эзэкээл 48:8 - Библи

⁸ Иудын обогой газарай удаа, урагшаа, тусхай хуби газар байха. Тэрэнэй утань хорин табан мянган тохой, үргэниинь бусад хуби газарнуудтай адли байха. Тэрэ тусхай хуби газар дээрэ Минии нангин үргөө оршохо.

Эзэкээл 48:8 ပူးပေါင်းရင်းမြစ်များ

Исай 12:6

Сионой ажаһуугшад, баясагты, шангаар дуулагты! Израилиин арюун Бурхан танай дунда агууехэ!»

Эзэкээл 48:21

Тэрэ газарһаа зүүлжээ Иордан гол хүрэтэр, баруулжаа Дундада далай хүрэтэр газарнууд Израилиин зонхилогшын мэдэлэй байха. Тэрэнэй мэдэлэй газарай тэгэн дунда нангин үргөөтэй Минии нангин газар оршохо.

Эзэкээл 48:35

Бүхыдөө хотын хана арбан найман мянган тохой ута байха. Хото болбол «Эзэн эндэ бии!» гэдэг шэнэ нэрэтэй болохо юм.

Эзэкээл 48:9

Эзэндэ зорюулан гаргажа үгэһэн тэрэ тусхай хуби газарай тэг дунда Минии хубиин газар оршохо. Тэрэ хадаа хорин табан мянган тохой утатай, хорин мянган тохой үргэнтэй байха.

Коринфынхидтэ 2-дохи 6:16

Яажа Бурханай Һүмэ онгонуудта хамаатай байхаб? Бидэл амиды Бурханай Һүмэ гээшэбди. Бурхан Өөрөө иигэжэ хэлээ: «Өөрынгөө хүнүүдэй дунда Би гэр бодхоохоб, тиигээд тэдэнэйнгээ дунда оршожо байхаб, тэдэнэйнгээ Бурханиинь байхаб, харин тэдэнэр Минии арад болохо».

Колоссынхидтэ 2:9

Христоосой бэе соо Бурханай бүхы шанарнууд бүрин оршоно.

Гэршэлгэ 21:22

Хото соо Һүмэ би хараагүйб. Тэрэнэй Һүмэнь – Хамагые зонхилогшо Эзэн Бурхан Өөрөө, мүн Үргэлэй Хурьган мүн.

Гэршэлгэ 21:3

Хаан шэрээгэй тэндэһээ шангаар иигэжэ хэлэхые дуулабаб: «Харалши, энэ Бурханай майхан гээшэ. Хүнүүдшье тэрэ майханда байна, Бурхан хододоо тэдэнтэй байха! Тэдэ хүнүүд Тэрэнэй арад зониинь болохо, Бурхан Өөрөөшье тэдэ хүнүүдтэй хамта ажаһууха, тэдэнэй Бурханиинь болохо.

Гэршэлгэ 22:3

Бурханай хараалда хүрэмөөр муу юумэн тэндэ хэзээдэшье болохогүй. Бурханай ба Үргэлэй Хурьганай хаан шэрээ тэрэ хотодо байха. Бурханай зарасанар тэрээндэ алба хэхэ байна.