Эзэкээл 47:22 - Библи

²² Жээрэб татан хубаарилаарайгты. Энэ газар таанадай уг залгамжалгын зөөри болохо. Танай дунда ажаһуугша, үхи хүүгэдээ тэндэ түрэн үндылгэгшэ ерүүл зон Израилиин арад зонтой адли өөрын хуби газарта хүртэхэ.

Эзэкээл 47:22 ပူးပေါင်းရင်းမြစ်များ

Исай 14:1

Эзэн Яковые хайрлаха, Израилиие дахин шэлэхэ – израильшуудые орон нютагтань бусааха! Хариин зоншье тэдэнтэй ниилэжэ, Яковай үринэртэй хамта ажаһуудаг болохо.

Эзэкээл 45:1

Жээрэб хаян, Израилиин газар уһа обогуудаар хубаахадаа, Намда, Эзэндэ үргэл болгон зорюулжа, нэгэ хуби үгэхэ ёһотойт. Тэрэ нангин газар хорин табан мянган тохой утатай, хорин мянган тохой үргэнтэй байха. Тэрэ газар алишье һууриндаа арюун нангин байха.

Эзэкээл 47:21

Иигэжэ энэ газар уһые обог бүхэндэ хубаажа үгэгты.

Эзэкээл 47:23

Ямар обогтой хамта тэдэ ажаһуунаб, тэндээл газарай хубида хүртэхэ. Энэ болбол Би, Эзэн Бурхан, айладхана мүн!

Эзэкээл 48:29

Энэл даа, Израилиин обогуудта хубаарилха газар. Энэ болбол Би, Эзэн Бурхан, айладхана мүн!

Левит 19:34

Танай нютагта байрлаһан ерүүл хүн танай газарай хүн болоно. Өөртөө дуратай байгшадал мэтэ, тэрээндэ дуратай бай. Таанадшье Египедэй газарта ерүүл зон байгаа ха юмта. Би Эзэн, танай Бурхантнай гээшэб.

Хэрэгүүд 11:18

Эдэ үгэнүүдые дуулахадаа еврей һүзэглэгшэд Пётрые буруушаахаяа болижо: – Тиихэдээ Бурхан бусад арадуудташье нүгэл хэхэеэ болихо арга олгожо, Амидарал үгэбэ! – гэжэ хэлэн, Бурханиие алдаршуулба.

Хэрэгүүд 15:9

Бурхан маанадай болон бусад арадуудай хоорондо ямаршье илгаа гарганагүй, юундэб гэхэдэ, тэдэнэй зүрхэ сэдьхэл этигэлээр арюудхагдаа.

Римэйхиндэ 10:12

Еврей хүн гү, али ондоо яһанай хүн гү, ямаршье илгаагүй юм. Эзэн хүн бүхэндэ ори ганса юм, тиин Тэрээндэ хандаһан хүн бүхэниие Тэрэ элбэг дэлбэгээр үршөөлдөө хүртөөдэг.

Эфесэйхиндэ 3:6

Тэрэнь бусад арадууд Һайн Мэдээсэлэй ашаар баһал Бурханай үршөөлдэ хүртэхэ, тэдэнэр баһал нэгэ бэеын эрхэтэн болохо, Бурханай Иисүүс Христоосоор дамжуулһан найдуулга баһа тэдэндэ үгтэхэ гэһэн удхатай юм.

Хуули дабталга 10:19

Таанадшье ерүүл зондо налархай байгты, юуб гэхэдэ, өөһэдөө Египедэй газар дайдада ерүүл зон байгаа ха юмта.

Колоссынхидтэ 3:11

Эсэстээ грегүүдэй болон иудейнүүдэй хоорондо, отолуулһан болон отолуулаагүй хүнүүдэй хоорондо, хариин болон зэрлиг зоной хоорондо, барлагуудай болон сүлөөтэй хүнүүдэй хоорондо ямаршье илгаа үгы юм, гансал Христоос бии, тиин бүхы юумэн Христоос, бүхы юумэн соо Христоос байха.