Эзэкээл 47:12 - Библи

¹² Гол урасхалай хоёр эрьеэр алим жэмэстэ элдэб янзын модод урган байха. Һара бүри жэмэсэй шэнэ ургаса тэдэ үгэхэ, набша намаань хододоо ногоон зандаа байха, эм дом болохо. Юундэб гэхэдэ, энэ урасхал нангин үргөөһөө гаран урдана бшуу.

Эзэкээл 47:12 ပူးပေါင်းရင်းမြစ်များ

Эхин 2:9

Энэ сэсэрлиг соогоо Эзэн Бурхан харахада аятай, эдихэдэ амтатай жэмэстэ мододые ургуулба. Сэсэрлигэй дунда ажамидарал үршөөдэг модон, тиихэдэ һайн, мууе ойлгохо болгодог эрдэмэй модон һуулгагдаба.

Иоов 8:16

Бурханда үлэ анхардагууд хог үбһэн мэтэ. Халуун наранда үдхэрэн ургажа, мүшэрнүүдынь сэсэрлигээр таража,

Псалманууд 1:3

Урасхал уһанай дэргэдэ тариһан модондол тэрэ адли. Тус модон асарха сагтаа алим жэмэсээ эдеэшүүлэн асардаг, набшань хатадаггүй. Тиимэ хүнэй хэһэн хэрэг бүхэниинь үлзытэй.

Исай 1:6

Толгойһоо эхилээд, хүлэй ула хүрэтэр танай бэедэ элүүр энхэ газар үгыл. Шахаагүй, боогоогүй, эм дом түрхеэгүй шарханууд, шулгархай, яранууд лэ байна.

Исай 60:21

Удаань бүхы арад зоншни гансал зүб шударга хэрэг үйлэдэн байха, газарые хэтэ мүнхэдөө эзэмдэхэ. Намайе алдаршуулхын тула Би тэдэниие таряа, бүтээгээ бэлэйб.

Исай 61:3

Сион уула дээрэ гашуудан уйлалдагшадта үнэһэнэй орондо гоёолто, бархираанай орондо баяр баясхалан, гай гасаланта шэг шарайн орондо гоёлой хубсаһан үгтэхэ гэжэ минии хэлэхые Тэрэ эльгээгээ. Эзэн Бурханай алдар солынгоо тула Өөрөө һуулгаһан модод мэтэ тэдэ болохо, зүб шударга хэрэгүүдые үйлэдэхэ.

Ерэмияа 17:8

Урасхал уһанай дэргэдэ һуулгаһан, үндэһөө уһан руу татаһан, халуунай шатахада айхагүй модон мэтэ тэрэ болохо. Набша намаань ногоон, бороогүй, хуурай байхада тэрэ айхагүй, үрэ жэмэс тэрэ үгэжэл байдаг.

Ерэмияа 8:22

Галаадта эм дом байгаал ааб даа. Тэндэ эмшэн байгаал бэзэ. Теэд юундэ минии арад түмэн эдэгэхэгүй байгаа гээшэб?!

Эзэкээл 47:7

Урасхалай хоёр эрьеэр олон модон ургажа байгаа.

Гэршэлгэ 22:2

Тиигээд эгээн ехэ гудамжынь дундуур урдагша юм. Мүрэнэй хоёр эрьеэрнь амидаралгын модон ургадаг, тэрэ модон һара бүри ургаса үгэхэ зуураа, жэлдээ арбан хоёр дахин үрэ жэмэс асардаг, тэрэ модоной набшаһануудынь арадуудые аргалжа эдэгээхэдэ туһалдаг.