Эзэкээл 46:12 - Библи

¹² Зонхилогшын өөрын дураар түгэс шатаалта үргэл гү, али амгалан байдалай түлөө үргэл Намда үргэхэеэ һанаа гээшэ һаань, дотор хорёогой зүүн зүгэй үүдэнүүдые тэрээндэ нээхэ хэрэгтэй. Субботын үдэр хэдэгтэл адляар тэрэ үргэл хэхэ. Ошоходонь, үүдэнүүд хаагдаха ёһотой.

Эзэкээл 46:12 ပူးပေါင်းရင်းမြစ်များ

3 Хаан түрэнүүд 3:4

Нэгэтэ хаан үргэл хэхэеэ Гибэһоон руу ошобо. Тэндэ эгээл ехэ мүргэлэй обоон байдаг байгаа. Соломоон тэрэ үргэлэй шэрээ дээрэ мянган түгэс шатаалта үргэл үргэбэ.

1 Угай бэшэг 29:21

Үглөөдэрынь Эзэнһээ үргэлнүүдые, Эзэндээ түгэс шатаалта үргэл үргэбэд, эдэниие бэелүүлгэдэ бүхы Израилиин үмэнэһөө мянган тугал, мянган түлэгэ, мянган хурьга зальбаран үргэбэд.

2 Угай бэшэг 29:31

Хэзэкияа зондо иигэжэ хэлэбэ: – Таанад мүнөө Эзэндэ өөрыгөө зорюулаат. Үргэлнүүдые үргэжэ, баяр баясхалангай бэлэгүүдые Эзэнэй Һүмэ руу асаран байгты. Зон үргэлнүүдые, баяр баясхалангай бэлэгүүдые асаржа эхилбэ. Һүзэг ехэтэйшүүл түгэс шатаалта үргэлнүүдыешье асараа һэн.

2 Угай бэшэг 5:6

Соломоон хаан болон Израилиин улад зон хэлсээнэй ханзын урда тээ алхалжа, тоо томшогүй угаа олон хони, буруугаар үргэл үргэжэ байгаа бэлэй.

Эзраа 1:4

Харин арадһаа үлэгшэдтэ бултандань, хаанашье байгаа һаань, нютагай зон алта мүнгөөр, үхэр малаар, мүн ондоошье зөөри зөөшөөр, Иерусалимдахи Бурханай һүмын барилгада ехэ үргэл хэжэ туһалалсаг».

Эзраа 3:5

Энээнһээ удаалан түгэс шатаалта үргэл бүтээлгэ болобо, һарын шэнэдэшье, Эзэндэ зорюулагдаһан һайндэрнүүдтэшье, али хэн нэгэнэй Эзэндээ һайн дураараа үргэл үргэхэдэшье, түгэс шатаалта үргэл үргэжэл байба.

Эзраа 6:17

Зуун буха, хоёр зуун хони, дүрбэн зуун хурьга Бурханай гэр сагааруулгын үргэлдэ асарба, үшөө израильшуудай уг эсэгэнэрэй тоогоор, бүхы Израилиин нүгэл арилгахын тула арбан хоёр ямаа асаржа үргэбэ.

Эзэкээл 44:1

Тэрэ хүн намайе нангин үргөөгэй зүүн талын гадаа үүдэнүүд руу асарба. Үүдэнүүд хаагдаатай байгаа.

Эзэкээл 44:3

Израилиин зонхилогшо үргэлэй эдеэ хоолһоо ама хүртэхэеэ иишээ ерэхэ. Гэбэшье тэрээндэ эдэ үүдэнүүдэй дэргэдэхи оролгын таһалгал ашаглахань зүбшөөгдэнэ.

Эзэкээл 45:17

Гэбэшье шэнэ һарын, субботын үдэрэй, мүн шажанай бусад һайндэрнүүдэй үедэ Намда үргэхэ мал, таряа талханай, үзэмэй дараһан архиин түлөө зонхилогшо харюусалгатай байхал. Нүгэл сагааруулгын, талханай үргэл, түгэс шатаалта үргэл, мүн амгалан байдалай түлөө үргэл иигэжэ бүтээгдэжэ, Би Өөрын арад түмэн Израилиие хүлисэн, нүгэлыень арюудхахаб.

Эзэкээл 46:8

Зонхилогшо ерэхэдээ зүүн үүдэнүүдэй оролгын таһалгаар ерэжэ, тэрэл замаараа ошохо.

Левит 1:3

Эбэртэ бодо малһаа түгэс шатаалта үргэл хэхээ һанаа бол, ямаршье дутагдалгүй буха шэлэн абаад, Эзэндэ һайшаагдахынь тула майхан һүмын үүдэндэ асараг.

Левит 23:38

Эзэнэй субботонуудһаа гадна, үргэһэн бэлэгүүдһээтнай гадна, шахаа тангаригай үргэлһөө гадна, өөрын һанаагаар Эзэндэ үргэһэн үргэлһөө гадна эдэ бүгэдэ мүн.

Левит 7:16

Хэрбэеэ хэн нэгэнэй тангаригаар гү, али өөрын дураар үргэл бүтээгээ һаань, үргэһэн юумыень тэрэ үдэртөө эдеэд, үлэһыень үглөөдэрынь эдижэ болохо.

Тоололго 29:39

Һайндэрнүүдэй үедэ таанад Эзэндэ эдэ үргэлнүүдые үргэхэ ёһотойт. Энэ хадаа таанадай тангариглажа гү, али ехэ оролдолго гаргажа тахиһан түгэс шатаалта, талханай, сэржэмэй, амгалан байдалай үргэлнүүдһээ гадуур үргэгдэхэ юм.

Римэйхиндэ 12:1

Зай, аха дүүнэрни, Бурханай үршөөл хайраар өөһэдыгөө арюун сэбэр, таатай, амиды үргэл болгон Бурханда асарагты гэжэ гуйнаб. Тиигэбэл, тэрэтнай танай бодото алба болохо.

Эфесэйхиндэ 5:2

Христоосой бидэндэ дуратай байгаад, ами наһаяа хангалтай, Бурханда таатай тахил болгон маанадай түлөө үгэһэндэл адляар хайра дуранай жама ёһоор амидарагты.