10 Зүб хэмжүүр, зүб эфаа, мүн зүб баата хэрэглэгты.
Алдуутай шэгнүүр Эзэнэй зэбүүсэл түрүүлдэг, зүбөөр шэгнэлгэ Тэрэнэй һанаанда таараха.
Зүб шэгнүүр ба хэмжүүр Эзэндэ хабаатай. Уута соо байһан гиирнүүд мүн лэ Тэрээнһээ.
Буруу шэгнэдэг шэгнүүрһээ, худалаар харуулдаг хэмжүүрһээ Эзэн зэбүүсэдэг.
Үнэн сэхэ ба шударга үйлэ Эзэндэ үргэһэн үргэлһөө үлүүгээр сэгнэгдэдэг.
Дүрбэн гектар талмай үзэмэй жэмэсһээ оройдоол нэгэ баата жэмэсэй шүүһэн гараха. Тариһан хоомэр таряанһаа оройдоол эфаа, арба дахин бага таряан ургаха, – гэжэ дуулгаал.
Юумэ хэмжэжэ байхадаа, хүниие бү мэхэлэ: мэшээг соошни хоёр ондоо – бага, ехэ шулуун гиирнүүд байха ёһогүй;
Һайн, тон зүб шулуун гиирнүүдые болон амһартануудые хэрэглэ. Тиигэбэл, Эзэн Бурханайнгаа үгэжэ байгаа газарта үни удаан ажаһуухаш.