Эзэкээл 43:20 - Библи

²⁰ Тэрэ буруугай шуһые үргэлэй шэрээгэй дүрбэн углуугаар сүршэ. Мүн дунда хубиинь углуунуудаар, бэһэлүүрээр баһал сүршөөрэй. Иигэжэ үргэлэй шэрээе сэбэрлэхэ, арюудхаха болонош.

Эзэкээл 43:20 ပူးပေါင်းရင်းမြစ်များ

Египедһээ гаралга 29:12

Бухын шуһанда хургаа норгоод, үргэлэй шэрээгэй эбэрнүүдтэ түрхихэш, үлэһэн шуһыень үргэлэй шэрээгэй хормойдо адхахаш.

Египедһээ гаралга 29:36

Үдэр бүри нүгэл сагааруулгын үргэлдэ үхэр үүсэлдэг байхаш. Иигэжэ үргэлэй шэрээ арюудхалгын ёһолол бүтээхэш. Үдэр бүри тэрэнээ сэбэрлэжэ, шуһа, оливын тоһо сүршэжэ арюудхадаг байхаш.

Египедһээ гаралга 29:37

Үдэр дараалан, долоон үдэрэй туршада тэрэ ёһолол бүтээхэдэш, үргэлэй шэрээ нангинай нангин зүйл болохо. Тэрэнэй ойронь хүрэһэн бүхы юумэн нангин болохо.

Эзэкээл 43:14

Үргэлэй шэрээгэй һууриһаа доодо хуби хүрэтэрынь хоёр тохой, доодо хубиин үргэн нэгэ тохой. Газарта байгааша һууриһаа эхилээд, дунда хуби хүрэтэрөө үргэлэй шэрээ хоёр тохой, үргэниинь тэндэ нэгэ тохой, дээдэ хубинь дүрбэн тохой, үргэниинь мүн лэ нэгэ тохой байгаа.

Эзэкээл 43:22

Үглөөдэрынь ямаршье дутагдалгүй тэхэ абажа, нүгэл сагааруулгын үргэл болгон үргэхэ ёһотойш. Үргэлэй шэрээе буруунай шуһаар арюудхаһандал тэхын шуһаар арюудхаха хэрэгтэй.

Эзэкээл 43:26

Санаартад иигэжэ долоон хоногой туршада үргэлэй шэрээ иимэ аргаар арюудхан, бэлэн болгон байха.

Эзэкээл 45:18

Эзэн Бурхан иигэжэ айладхана: – Һарын шэнэдэ ямаршье эрэмдэггүй буруу абажа, үргэл хээд, нангин үргөөе арюудхаха болонот.

Эзэкээл 45:19

Нүгэл сагааруулгын энэ үргэлэй нэгэ тэды шуһа санаартан нангин үргөөгэй тотогонуудта, үргэлэй шэрээгэй дүрбэн углуу, дотор хорёогой үүдэнүүдэй тотогонууд дээрэ сүршэг.

Левит 16:18

Эзэнэй үмэнэ байһан үргэлэй шэрээе арюудхаад, тугалай болон тэхын шуһа бүхы эбэрнүүдтэнь үргэхэ.

Левит 16:19

Дээрэнь шуһаар хургаараа долоо дахин сүршөөд, израильшуудые бузарһаань сэбэрлээд, арюудхаха.

Левит 4:25

Тиигээд санаарта түгэс шатаалта үргэлэй шэрээгэй эбэрнүүдтэнь нүгэл сагааруулгын үргэлдэ зорюулһан амитанай шуһа хургаараа сүршөөд, бэшэ шуһыень тэрэ түгэс шатаалта үргэлэй шэрээгэй хаяа руу адхаг.

Левит 4:30

Тиигээд санаарта түгэс шатаалта үргэлэй шэрээгэй эбэрнүүдтэнь шуһыень хургаараа сүршөөд, бэшэ шуһыень үргэлэй шэрээгэй хаяа руунь адхаг.

Левит 4:34

Тиигээд санаарта түгэс шатаалта үргэлэй шэрээгэй эбэрнүүдтэнь нүгэл сагааруулгын үргэлдэ үргэһэн хониной шуһа хургаараа сүршөөд, бэшэ шуһыень үргэлэй шэрээгэй хаяа руунь адхаг.

Левит 8:14

Тиигээд тэрэ нүгэл сагааруулгын үргэл болохо нэгэ буха асарба; Аһароон хүбүүдтэеэ нүгэлэй түлөө үргэл болохо бухын тархида гараа табиба.

Левит 8:15

Тэрэниие үүсэлһэнэй хойно Моисей шуһанһаань хургаараа абаад, үргэлэй шэрээгэй эбэрнүүдтэ түрхеэд, үргэлэй шэрээе арюудхаба. Үлэһэн шуһыень үргэлэй шэрээгэй доогуур адхаба, иигэжэ тэрэ үргэлэй шэрээ арюудхаба.

Левит 9:9

Аһарооной хүбүүдэй тэрээндэ шуһыень асархадань, тэрэнь шуһанда хургаа дүрөөд, үргэлэй шэрээгэй углуунуудай эбэрнүүдтэ түрхеэд, үлэһэн шуһыень үргэлэй шэрээгэй хаяа руу адхаба.